1825–1828

Joseph nge Emma

Yow be muruwel u ta’abang ni ngeyag ni thapeg e fayleng fare Babyor ku Mormon

Emma Hale e ilaal’ ulan ba tabinaew ni bo’or e gidii’ riy u Pennsylvania, ni dani palog u New York, ko gin nima par Joseph Smith riy. Emma nge gidii’en e tabinaew rok’ e bay e mich roraed ngak Got. Emma e ba’adag nima be’eg e babyor, yoen’ e tang, yaen u os, nge yaen u m’uw ulan ba luul’ nib chugur ko tabinaew rok’.

Saints, 1:31–32

Napan ni gaman e 21 e duw ku Emma, me yib Joseph Smith nge chitamangin ko reb e muruwel nifan ngak reb e buguliyiror rok’ Emma. Chitamangin Emma e pinningrow ni ngar bowra pirew ko tabinaew rok’.

Joseph Smith—History 1:56–57; Saints, 1:31–32

Joseph nge Emma ni fel’ e puruy’ rorow. Yow ba’adag ni yow ma gak’ nga ta’abang. Machane galibithir rok’ Emma e dabunrow dakean Joseph. Ya dani michuwaen’row nike guy e angel.

Saints, 1:32–33

Go napan reb e duw nga tomuren, me fith Joseph Emma ni nge mang le’engin. Emma nge Joseph e riyow ba t’uf rorow. Ra mabgol gow miyo yean ngar pirew ngak e galbithir rok’ Joseph u New York.

Joseph Smith—History 1:57–58; Saints, 1:34–35

Ke gaman aningeg e duw ngay ko fare ngiyal’ ni yoeg Moroni mornga’agen fapi plate nib gold ngak Joseph. Napan ni taw ko ngiyal’ riy, Emma nge Joseph e ranow ko farengi burey nibay fapi plate riy nikan mithag.

Joseph Smith—History 1:59; Saints, 1:36–37

Fare angel Moroni e mada’nag Joseph u dakean farengi burey me pi’ ngak fapi plate. Me yoeg ngak Joseph ni fa’anra rin’ u gelngin ni rayag rog ni nge ayuweg fapi plate, mara par ni dariy e kireb nira yib ngay.

Joseph Smith—History 1:59; Saints, 1:37–38

Ke rung’ag e gidii’ ni bay fapi plate nib gold rok’ Joseph, ma bay boech i yaed nibe gay rogon ni nge irring fapi plate nibay rok’. Ere Joseph e ba tu’uf ni nge pire’eg biyang nrayag ni nge mithag ngay. Napan nibe fek Joseph fapi plate ko gin nike mithag ngay ngalan e luuway, me yib boech e gidii’ ngar gafgow niged. Muul ulan pa’ nga butt’ me mil ko tabinaew ko galibithir rok’.

Joseph Smith—History 1:60; Saints, 1:38, 40–41

Napan ni fek Joseph fapi plate nga tabinaew, ma walagen ni bpin e ayuweg ngar ayliyew nga dakean e table. Moroni e yoeg ngak Joseph ni dabi pag be’ nge guy fapi plate, machane gidii’en e tabinaew rok’ e rayag ni ngar math gaed ko fapi plate nibay e maad riy nibe upnguuy.

Saints, 1:41

Got e ba’adag ni nge pilyeg Joseph e thin ko fapi plate nib gold ni ngeyag ni be’eg e gidii’ mornga’agen. Machane gidii’ nu New York e yaed be ul’ul’ ni yaed be gay rogon ni ngar irringed fapi plate. Joseph e ul’ul’ nga i mithag fapi plate ni ngeyag ni dariy ban’en ni nge buch ngay. Ere chuw Joseph nge Emma ngareb e tabinaew nib chuchugur ko galibithir rok’ Emma. Yow be athapeg ni ngar pilyeg gew e thin ko fapi plate u bang ni bay e gapas riy.

Joseph Smith—History 1:61–62; Saints, 1:43, 45–46

Joseph Smith nibe tabab i pilyeg e thin ko fapi plate. Be fanay bugi talne muruwel nike ngongliy Got rogon ni nge ayuweg. Napan ni tabab Joseph i pilyeg e thin, ma Emma e be yoloey nga butt’ e pin’en nibe yoeg. Awa nge awa ni bo’or ni yow be muruwel u ta’abang. Emma e falfalaen’ ngay. Manang ni figirngin e be pilyeg e thin u dakean gelngin nibe yib rok’ Got.

Joseph Smith—History 1:35; Saints, 1:49