August–October 1840

Gidii’en Got nra Filled Mornga’agen e Tawfe nifan ko Gidii’ nike Yim’

Athap nifan gidii’en e tabinaew ni dawrin tawfe nag

Jane Neyman e ma par u Nauvoo. Ke yean nga ba magawon nibay Joseph Smith riy nibe non. Fare magawon e ke par nibay u waen’ Jane nibe tafney nag fak ni pagal ni kanoeg i Cyrus ngak. Ke yim’ ma dawrin tawfe nag. Jane e be m’agfaen’ ngak Cyrus. Manang ni rib tu’uf ni ngad tawfe gaed meyag ni ngad pired rok’ e Chitamangiy nu Tharmiy.

Gidii’en Got, 1:421

Joseph e manang rogon e n’en nibe thamiy. Ka’i moey nima tafney nag e biney ko fare walagen ni pagal ni kanoeg i Alvin ngak, nike yim’ ma dawrin tawfe nag.

Gidii’en Got, 1:421

Napan fare magawon, me weliy Joseph mornga’agen ban’en nike machib nag Got ngak. Ke yoeg ni napan nra yim’ be’ ni dawrin tawfe nag, ma rayag ni ngad tawfe gaed nifan ngak facha’.

Gidii’en Got, 1:421

Jane e kari falfalaen’ nike rung’ag e biney! De n’uw napan ngay ko tomuren fare magawon, me yaen nga bangi luul’ ni un reb e elder ko Galasia ngak. Me tawfe nag nifan ngak Cyrus.

Gidii’en Got, 1:421

In e wik nga tomuren, me machib nag Joseph fapi Gidii’en Got mornga’agen e tawfe nifan ko yam’. Me yoeg ni bo’or e gidii’ nike yim’ ni ba’adag ni ngan tawfe nagraed. Yaed ba’adag ni ngar laked wo’en Yesus Kristus. Yaed be soen nag ma yaed be athapeg ni gidii’en e tabinaew roraed ni kabay ni kab fos e ngar tawfe gaed nifan ngoraed.

Doctrine and Covenants 128:15–19; Gidii’en Got, 1:423

Fapi Gidii’en Got e ranod ko luul’ ni kangiyal’ nem. Mi yaed tawfe nifan ngak e gidii’ ni rib tu’uf roraed. Hyrum Smith ni tawfe nifan ngak Alvin. Napan ni ta’aboch riy, me machib nag Somoel ni tawfe nifan ko gidii’ nike yim’ e susun ni ngan rrin’ ulan e temple, ma susun nibay be’ ni nga’i ayuweg mornga’agen e pi tawfe ney, ma pumo’on e susun ni nge tawfe nifan ngak e pumo’on ma bpin e nge tawfe nifan ngak e bpin.

Doctrine and Covenants 124:29–32; 127:5–12; 128:1–9; Gidii’en Got, 1:424