July 1830

Ba Thogthog nipi’ nifan ngak Emma

Mel’eg Somoel nifan ko muruwel Rok’

Par rok’ Emma nge Joseph e ribe thil rogon nib papay. Somoel e yoek ngak Joseph ni nge tal ko muruwel u milaey’. Ya nge par, Joseph ni nge machib nag e gidii’ ko mornga’agen Yesus Kristus me ayuweg e Galasia rok’ Somoel ni nge mo’onog.

Doctrine and Covenants 24:7–9; Saints, 1:96

Bo’or e duwer rok’ Emma ko mornga’agen e biney nike thil. Dani nang ko mang e ba tu’uf ni nge rrin’ ko ngiyal’ ney nib palog Joseph nibe pigpig ngak Somoel. Rayag ni nge pii’ e ayuw ku Somoel nge Galasia Rok’?

Saints, 1:96

Somoel e non ngak Emma u dakean ba thogthog nin nipi’ ngak Joseph. Ke pinning fithingan “Emma Smith, ni fakag ni bpin.” Ke yoeg ngak Emma nike mel’eg make turguuy ni nge rrin’ e muruwel Rok’. Ir e be’ ni rib fel’ buguwan, ma bay bugi muruwel ni rib fel’ nifan ngak ni nge rrin’.

Doctrine and Covenants 25:1–3

Somoel e fith ngak Emma ni nge milekag nge un ngak Joseph. Somoel e yoeg ni Emma ere weliy mornga’agen fapi chep nib thothup me machib ngak fapi members ko Galalsia. Me yoeg ngak Emma ni nge tay Ni’ir e bay ni somm’on ulan e yafos rok’ me cha’ariy fapi m’ag rok’. Me micheg ngak Emma nira thapeg fare Thothup Rok’. Ba’adag ni nge fil rogon, me mo’onog, me thapeg fapi tawa’ath Rok’.

Doctrine and Covenants 25:2, 6–10, 15

Maki yoeg Somoel ngak Emma ni ba’adag nima rung’ag laman pi’fak ni yaed ma yoen’ e tang. Ke yoeg ni fapi tang nifan fapi Gidii’en Got e woed e meybil ngak. Ke fith ngak Emma ni nge ngongliy reb e babyor nifan fapi hymns ni rayag ni nge yoen’ tingin fapi Gidii’en Got u ta’abang. Emma e pire’eg e tang ni bo’or ni mornga’agen Somoel nge gospel Rok’ me ta’arebnag ngalan reb e babyoren e tang.

Doctrine and Covenants 25:11–12; Saints, 1:221–22

Yafos rok’ Emma nge Joseph e ul’ul’ nibe thil rogon, machane manang Emma nib tu’uf rok’ Somoel ma bay fan nib ga’afan. I pigpig ngak Somoel nge gidii’ ni manang. I pii’ e ayuw ko Galasia rok’ Yesus ni nge mo’onog.

Doctrine and Covenants 25:13–15; Saints, 1:221–23