1880–1886

Lik’aay ku Desideria

Gagiyeg nag fare Somoel u Mexico

Desideria Yáñez e i par u Nopala, Mexico. Reb e nep ngay, me yibi lik’aay nag Desideria buchke babyor nikan ngongliy u Mexico, City. Kanog fithingan ni Voz de amonestación, fa ba Lam nibe Fanethin. Napan ni od Desideria, make nang nib tu’uf ni nge gay e rake babyor nem.

Gidii’en Got, 2:477

Mexico City e rib palog nga orel, ma Desideria e ke plubthir ma dabiyag rok’ e biney e milekag ni rib n’uw yang. Ke thamiy ni Somoel e ba’adag ni nge gay e rake babyor ney. Ere yoeg ngak, José, ni’ir e fak ni pumo’on mornga’agen e lik’aay rok’. Mich u waen’ ngay ni rake babyor ney e rib ga’fan. Ere yoeg ngak e chitiningin ni bayi gay e rake babyor ney.

Gidii’en Got, 2:478

Napan ni yibi tay José nga Mexico City, ma kanawo’ riy e rib sug, ko gidii’, mab ga’ lingan. Uw rogon nrayag ni nge pir’eg fare babyor ko giney ni rib sug ko gidii’?

Gidii’en Got, 2:478

Tomuren in e rran ngay, me mada’ nag José reb e tamachib ni fithingan e James Steward. Me yoeg James nibe muruwel ni nge print nag bake babyor ni kanoeg fithingan e Voz de amonestaciónngay.

Gidii’en Got, 2:478

José e kari falfalaen’! Me yoeg ngak James mornga’agen e lik’aay ko chitiningin. James e weliy ni fapi tamachib e yaed ma yus nag fare Voz de amonestación ngar machib niged mornga’agen Yesus Kristus ngak e gidii’ nge biney e babyor nib be’ech ko chep nib thothup, ni kanog fare Babyor ku Mormon ngay.

Gidii’en Got, 2:478

FareVoz de amonestación e dawrin mu’ nag i fal’ag rogon, ma fare Babyor ku Mormon e dawrin pilyeg e thin riy ko thin nu Spanish. Machane James e pi’ boech e baybor nib thil ngak José nifan ngak nge chitiningin ni nge ayuweg row ngar filew mornga’agen Yesus Kristus, fare Babyor ku Mormon, nge fare Galasia nikan sulweg yarmen.

Doctrine and Covenants 90:11; Gidii’en Got, 2:478–79

José e gurgur nag ir nge sul ngak e chitiningin. Ra filew mornga’agen fare gospel u ta’abang, ma kar nangew nib riyul’. Desideria e fith ngak fapi tamachib ni nge yib ngan tawfe nag.

Gidii’en Got, 2:479

Desideria e ir reb e bpin ni th’abi somm’on nin tawfe nag u Mexico. José nge reb i fak ni bpin nin tawfe nagrow.

Gidii’en Got, 2:479

Napan nin mu’ nag fare Voz de amonestación me fek José 10 e kopy ko pi babyor ney nifan ngak e chitiningin nge fan boech e gidii’ nu Nopala. Boech e duw nga tomurren, napan nikan pilyeg e thin ko fare Babyor ku Mormon ko thin nu Spanish, ma Desideria e ’en ni somm’on ni thapeg reb ko fake babyor. Manang ni Somoel e ke powi’iy nag ko fare Galasia rok’ nikan sulweg yarmen.

Doctrine and Covenants 88:81; Gidii’en Got, 2:479