Ntabab i Toey e Nu’un u Nauvoo

Tonom rok’ Somoel nifan nga binaew ni rib fel’

Fapi Gidii’en Got ni yaed be par ulan e tent nib chugur ko fare Luul’ u Mississippi

Somoel e yoeg ngak fapi Gidii’ rok’ ni ngar mukun gaed ngabang nib be’ech. Giney e bayang nib chugur ko bangi luul’ ni kanog fithingan fare Mississippi ngay. Giney e binaew e rib gel e garda’ nge rungdu’ riy. Beoch e gidii’, e dani lemnag ni giney e bang e binaew nib fel’ ni ngan dumow nu’un ngay. Machane fare Profet Joseph Smith e manang ni ayuw ku Somoel, ma rayag ni ngan ngongliy nge fel’ ya’an.

Doctrine and Covenants 124:25; Gidii’en Got, 1:417

Fapi Gidii’en Got ni yaed be tabab i toey e nu’un u Nauvoo.

Fapi Gidii’en Got era tabab gaed ko muruwel ni reb gel ni yaed be ngongliy ni nge mang bang nib fel’ ni ngan par riy. Me pining fare Profet Joseph fithingan e ragi n’ey ni Nauvoo, nibe yipfan ni “bangi ban’en ni rib fel’ ya’an.”

Gidii’en Got, 1:417

Joseph Smith nge boech e gidii’ ni yaed be muruwel nga bnu’un.

Somoel e yoeg ngak fapi Gidii’ rok’ ni ngar toeyed reb e nu’un u Nauvoo nifan e gidii’ nibe milekag nrayag ni ngar toffan gaed riy. Ba’adag ni giney e nge par nibang ni gubin e gidii’ mrayag ni nge yib ngay.

Doctrine and Covenants 124:22–24, 60; Gidii’en Got, 1:426

Joseph nibe yup pa’ ko re ginn’en ni yira toey e temple ngay nga boech e rran nga mm’on.

Somoel e yoeg ngak fare Profet Joseph ni bay e tonom rok’ ni rib fel’ nifan ngak yu Nauvoo. Ba’adag ni nge mukun fapi Gidii’ rok’ ngaray ni ngeyag ni ngar toeyed reb e temple. Me fith ngoraed ni ngar muruwel gaed ni rib gel ni ngar toeyed reb e nu’un Ngak. Fapi Gidii’en Got e rtabab gaed ko muruwel ni rib papay.

Doctrine and Covenants 124:25–28, 44, 55; Gidii’en Got, 1:420–21, 425–27

Joseph nibe machib nag mornga’agen e temple.

Somoel e ba’adag ni nge toey fapi Gidii’ rok’ reb e temple ni bachan e bay bugi tawa’ath ni rib fel’ ni ba’adag ni nge pi’ ngoraed. Ulan e temple, ma rayag ni ngar ngongliyed fapi m’ag, fa bugi michmicheg ni rib fel’, ngak Somoel. Ma krayag ni ngar filed mornga’agen fare wo’en e Chitamangiy nu Tharmiy nifan ko falfalaen’ nifan ngak pifak ni gubin.

Doctrine and Covenants 124:29–41; Gidii’en Got, 1:453–55

Fapi Gidii’en Got e rmuruwel gaed ni rib gel ngar toeyed fare temple, nri woed rogon nike motochiyel nag Somoel ngoraed. Rib n’uw napan nra rrin’ed e biney, machane ri falfalaen’ raed ko fare rran nra bagyaed ni fil mornga’agen fapi michmicheg nike tay Somoel nifan ngoraed ulan e temple Rok’.

Gidii’en Got, 1:453–55