1823

Fare Angel i Moroni ni yibi M’ug Ngak Joseph Smith

Fil mornga’agen ba babyor nib thothup

Dalip e duw nike thumur ngay ko ngiyal’ ni thepeg Joseph Smith fare bin Somm’on e Yi’iy. Ke kirbaen’ Joseph ko boech e kireb nike rrin’ ko napan ni buch e biney. Ke tafneynag ko rogon nike sap Got ngak.

Joseph Smith—History 1:28–29; Saints, 1:20

Reb e nap ngay, u tomuren nike mol e gidii’ ni gubin, me tuurguy Joseph ni nge meybil. Got e ke fulweg taban e meybil rok’ biyay,ere manang Joseph ni kura fulweg taban e maybil rok’ biyay.

Joseph Smith—History 1:29; Saints, 1:21–22

Napan nibe meybil Joseph, me yib bangi tomilang ngeyibi suguy langgin fare singgil. Me guy Joseph ba engel nib sak’iy u dakean e nifeng u charen e bet rok’. Me yoeg ere angel nem ni fithingan e i Moroni. Ni Got e ke l’oeg ni nge yib. Me yoeg ni Got e ke n’agfan ku Joseph ma bay ba muruwel ni nge pi’ ngak ni nge rrin’. Gidii’ u dakean e fayleng e yaedra nang mornga’agen Joseph nge muruwel rok’ Got nike pi’ ngak.

Joseph Smith—History 1:30–33

Moroni nibe yoeg ni bay bake babyor nikan ngongliy ko babyor nib gold fa bugi plate. Kan ke’iyag nga dakean bangi burey nib chuchur ko tabinaew rok’ Joseph. Ba babiyor ni bay mornga’agen e gidii’ riy ni ur pired u dakean e nam u Mariken boech e duw kafram. Yaed manang mornga’agen Yesus Kristus nge gospel Rok’. Moroni e yoeg ni Got era ayuweg Joseph nge pilyeg e thin ko fareke babyor ni ngeyag ni be’eg e gidii’ mornga’agen.

Joseph Smith—History 1:34, 46

Moroni e yibi m’ug ngak ni dalip yay ko re nep nem nge biyay ko bin migid e rran ngay. Joseph e yoeg ngak e chitamangin e n’en nike guy. Chitamangin Joseph e kari falfalaen’. “Ba yi’iy nike yib rok’ Got,” e n’en ni yoeg ngak Joseph.

Joseph Smith—History 1:35–50; Saints, 1:22–25

Jospeph ni yaen ko farengi burey me pire’eg fapi plate nib gold u tanggin ba malang nib tomal. Napan nibe yean ni nge math ngay, me tafney nag ko urngin e salpiy nira gaman u pilwon. Me yib Moroni nge yoeg ngak Joseph ni dawri taw ko ngiyal’ nike fel’ rogon nrayag ni nge fek fapi plate. Me yoeg ku Joseph ni nge yib ko rigi n’ey ni gubin e duw nge mada’ ko ngiyal’ nike fel’ rogon nrayag ni nge fek.

Joseph Smith—History 1:51–54; Saints, 1:25–27