May–November 1856

Gidii’en e Tabinaew rok’ Jaxon

Ba milekag ko mich nge ayuw

Tomuren ni yaen e tin ni somm’on e ulung ko fapi Gidii’en Got ngalan fare Valley u Salt Lake, maki lay boech Gidii’en Got nga tomuren. Rib n’uw yang e gin nra milekag gaed riy, machane Somoel e ayuweg raed. Reb e tabinaew ni mu’nag ere milekag ney e kanog fare tabinaew rok’ Jaxon ngay. Ra paged e tabinaew roraed u England ma riyaed falfalaen’ ngay ni ngar ranoed ngar pi’ed e ayuw ngak fapi Gidii’en Got ngar ngongliyed toffen e Zion.

Doctrine and Covenants 136:1–11; Gidii’en Got, 2:222–23

Rtha’abed e day u dakean e m’uw. Mi yaed yib u train i yib ko kanawo’en fare Valley u Salt Lake. Kab tu’uf ni ngar bad u but’ ko ggin ni kabay ko fare pi’i kanawo’.

Gidii’en Got, 2:222–23

Kar ngongliyed reb e kart ni ngan girngiy u but nib achichig ni ngar ted e ggan roraed ngay, maad roraed, nge boech ban’en ni yaed ba’adag ni nge un ngoraed. Bo’or Gidii’en Got ni yag nra mada’ gaed ngalan fare Valley ni yean ko biney e kanawo’en.

Gidii’en Got, 2:223–26

Elizabeth nge Aaron ni yow be girngiy e kart roraw ni rib tomal. Pi fakrow, Martha, Mary, Aaron Jr., e yaed be yaen u but’. Rib momaw’ e muruwel riy. Yaed be athapeg ni ngar taw gaed ngalan fare valley u mm’on ko ayis. Ma napan ni tabab e mulmul ko yuwaen e gek’iy, ma ri kab n’uw yaeng e ggin ni ki yaedra yaen riy. Ke tabab ko garbeb, ma dakuriy e ggan roraed.

Gidii’en Got, 2:223–26, 229, 231–32

U Salt Lake City, e gin ni nang Brigham Young mornga’agen fapi Gidii’en Got nibe yib i yib ngalan fare valley. Ke m’agfaen’ ngoraed. Ma bin migid e rran ngay u galasia, me yoeg ngak fapi gidii’ ni fapi Gidii’en Got e kar gafgow gaed. Me yoeg ngoraed ni ngar suguyed e wagon ko tin nib tu’uf rok’ fapi Gidii’en Got. Me ga’ar, “Marod ngam feked e pi gidii’ ney.”

Gidii’en Got, 2:229–30

Fapi bpin nibe pi’ e ayuw ko biney e ulung era luufed e sock roraed nifan e guwal ngar ted ngalan fapi wagon. Boech i yaed e pi’ e ggan, gulgul, sus, nge maad ni ngan chuw ngay. L’agruw e rran nga tomuren, me chuw 50 e pumo’on nge 20 wagon ulan fare valley ni ngani pi’ e ayuw.

Gidii’en Got, 2:230

Napan ni kabe yean fare gidii’en e tabinaew rok’ Jaxon u but’, me tabab e snow. Me yibi m’ar Aaron ni rib gel. Rib momaw’ ngak ni nge yaen u but’. Fapi Gidii’en Got e rib tu’uf ni ngar th’abed fare luul’ ni rib gerbeb nga barba’, ni biney e ri karang e ubchiyaq ngak Aaron. Re nep nem, me yibi yim’ Aaron. Dariy ban’en nrayag ni nge rrin’ e tabinaew roraed ngay, machane ngar ul’ul’ gaed ko yean ni dabi un ngoraed.

Gidii’en Got, 2:232–34

Bin migid e kadbul ngay, make aw boech e snow nri bo’or. Fare tabinaew ku Jackson nge boech Gidii’en Got era gerngiyed ma yaed be pipi’ fapi kart roraed u but’ u fithik’ e snow. Ma yaed be meybil ni gubin e rran ni nge pi’ Got e ayuw ngoraed.

Doctrine and Covenants 136:29; Gidii’en Got, 2:234–35

Reb e nep ngay, nibay Elizabeth nibe m’agfaen’ ngak pifak. Ke yib e mak’iy nge ulum ngoraed ni rib gel. Rayag ni ngar mada’ gaed ngalan fare Valley u Salt Lake? Napan ni mol me yibi lik’ay nag nike guy Aaron. Ni ga’ar ngak, “Falfalaen’um, Elizabeth.” Me yoeg ngak nibe yib e ayuw.

Gidii’en Got, 2:235–36

Riyul’ e n’en nike yoeg Aaron. De n’uw napan ngay, me yibi taw fapi mo’on u Salt Lake nib mu’un fapi wagon ngoraed. Mar pii’ed e ggan nge maad ngak fapi Gidii’en Got. Fapi Gidii’en Got e kari falfalaen’ raed ma yaed be minmin ma yaed be gumuchmuch nag fapi mo’on. Me yaed yoen’ e tang mi yaed og nag e magar ngak e Chitamangiy nu Tharmiy nike fulweg taban e meybil roraed.

Doctrine and Covenants 136:28; Gidii’en Got, 2:236

Napan nrab tow gaed ngalan fare valley, make madnom. Me yoeg Brigham Young ngak fapi members ko Galasia u Salt Lake City ni dab ranod ko missa, ya ngaranoed ngar fingichiyed fapi Gidii’en Got ni kabi taw. Mi yaed yaen ngar fingichiyed fapi Gidii’en Got nikar magaf gaed ko milekag min piningraed ni ngar pired ulan e tabinaew roraed.

Gidii’en Got, 2:239–40