Bin Somm’on e Yi’iy ni Thepeg Joseph Smith

“Bin Somm’on e Yi’iy ni Thepeg Joseph Smith,” Fapi Yat ko Doctrine and Covenants (2024)

“Bin Somm’on e Yi’iy ni Thepeg Joseph Smith,” Fapi Yat ko Doctrine and Covenants

1817–1820

Bin Somm’on e Yi’iy ku Joseph Smith

Ba meybil nib sobut’aen’ nin fulweg taban

Joseph Smith nibe motoyil ko gidii’ nibe machib nag mornga’agen e tin nib michuwean’raed ngay ko tiliw nib thilthil.

Ko gin nima par e Tabinaew rok’ Joseph Smith riy, e bay e galasia riy ni bo’or mit nima machibnag mornga’agen Yesus Kristus. Ra bigyead ma be machib nag mornga’agen nib thilthil rogon. Joseph e dani nang ko mini’ roraed e ba mat’aw. Manang nib tu’uf ni nge taga’ ngak fare Tathapeg, machane dani nang ko bin ngan ko fapi galasia e nge un ngay.

Joseph Smith—History 1:5–6; Saints, 1:9

Joseph Smith nibe muruwel ko milaey’ rok’.

Joseph e ke lemnag e biney ni kari n’uw napan. Ri ba’adag ni ngan n’agfan e pi denen rok’. Ke un ko galasia ni bo’or mit, machane kab balyangaen’ e tafney rok’.

Joseph Smith—History 1:8–10; Saints, 1:9–12

Joseph Smith nibe be’eg fare Bible u rama’en e kandel.

Reb e rran ngay, me be’eg Joseph e James 1:5 ulan fare Bible. Nibe ga’ar fa’anra ba tu’uf e gonop, ma rayag ni ngad fithed Got. Ke thamiy Joseph ulan gum’ircha’en ni irerray e n’en nib tu’uf ni nge rrin’.

Joseph Smith—History 1:11–13

Joseph Smith nibe yaen ngalan e luuway u charen e tabinaew rok’ ni nge meybil.

Ko fare kakadabuul ko spring 1820, me yaen Joseph ngalan e luuway nib chugur ko tabinaew rok’. Ba’adag ni nge yean ngabang ni yigo ir rok’ ni ngeyag ni nge meybil ngak e Chitamangiy nu Tharmiy.

Joseph Smith—History 1:14–15

Joseph Smith nibe meybil ulan fare luuway.

Joseph nike ragbug me tabab ko meybil. Napan ni tabab, me thamiy gelngin e mo’oniyan’ ni yib ngak. Me thamiy ba lumor ni yib i liyeg. Gowa woed nibay be’ nibe gay rogon ni nge talag ni dabki non ngak Got. Joseph e fanay e tin ni kubay u gelngin nge fith ngak Got ni nge pii’ e ayuw ngak.

Joseph Smith—History 1:15–16

Chitamangiy nu Tharmiy nge Yesus Kristus e rum’ug gow ngak Joseph Smith. Bay nib ragbug u mit row.

De n’uw napan ngay, me guy Joseph ba tomilang ni rib fel’ ya’an nibe yib ulan e tharmiy. Ma fare lumor e chuw, me thamiy e gapas. U fithik’ rama’en fare tomilang, Joseph e guy e Chitamangiy nu Tharmiy nge Yesus Kristus ni yow ba sak’iy u dakean e nifeng. Chitamangiy nu Tharmiy e pining fithinga Joseph. Me sapeg pa’ ngak Yesus me me ga’ar, “Irerray Fakag ni rib Tu’uf Rog. Motoyil Ngak!”

Yosef Smith—History 1:16–17

Yesus e yoeg ngak Joseph Smith ni fapi denen rok’ e kan n’agfan.

Yesus e ke yoeg ngak Joseph ni fapi denen rok’ e kan mu’ i n’agfan. Me fith Joseph ngak Yesus ko bin ngan ko fapi galasia e nge un ngay. Yesus e yoeg ngak ni dariy reb ko pi galasia nem ni nge un ngay.

Joseph Smith—History 1:18–19; Saints, 1:16

Joseph Smith, nib ragbug ulan fare luuway nib sug ko gak’iy, nibe motoyil ngak fare Tathapeg.

Yesus e yoeg ni tin nib riyul’ ko mornga’agen e gospel rok’ e kan n’ag ngabiyang. Me yeog ni bayi pi’ bugi angel ni nge yibi machib nag e pin’ey nib riyul’ ngak Joseph, ni ngeyag ni weliy ngak e fayleng.

Saints, 1:16–17

Joseph Smith nibe chuw ulan farengi luuway nibe yib nib sor nga tabinaew.

Tomuren fare yi’iy, ma Joseph e kan suguy ko t’ufeg nge falfalaen. Ma danki balyangaen’ e tafney rok’. Make nang nib t’uf rok’ Got. Ni demuturug nibay boech e gidii’ nira dubuyed dakean ni bachan nike yoeg nike guy e Chitamangiy nu Tharmiy nge Yesus Kristus, machane Joseph e manang ni biney e ba riyul’.

Joseph Smith—History 1:20–26; Saints, 1:16