March 1836

Fare Temple u Kirtland nikan Yibliy

Thamey e Ya’el Rok’ Somoel ulan e Na’un Rok’

Tomuren chuchugur ko dalip e duw ko muruwel’ nib mo’omaw, kar toyed fare Temple u Kirtland. Fare Profet Joseph Smith nike pinning e pi Saint ngak e mu’ulung nib special ni nge yibliy nag e temple ney. Nike yoeg e meybil nib special nge pii’ e temple ney ngak’ Somoel. Ir ra mang e na’un rok’ Somoel.

Saints, 1:235

Ulan e kakadbul ko mu’ulang ney, yu miri’ay e pi Saint kar ranoed ulan e temple. Napan dakiriy’ reb e chiya, bochi gidii’ kar sakiy ngalang ufithik’ e maAb nge u wuru’, me saprad ufithik’ e pi winda. Uringin e gidii’ ni ba’adag rad ni ngar sapgad e yibliy ko temple.

Saints, 1:235–36

Joseph nike be’ig fare meybil nifan e yibliy ko temple. Nike weliy ngak Somoel fapi Saint ni kar folgad ngak. Ke fith ngak e Someol ni nge ba’adag e temple ney ni woed e Na’un Rok’.

Doctrine and Covenants 109:1–5

Ke meybil Joseph me urngin e gidii’ ni kar yib nga temple ni ra thameyed e gelngin rok’ Somoel nge nanged ni’ir e Na’un Rok’.

Doctrine and Covenants 109:13

Joseph ni ke meybil napan fapi Saint nira rrin’ed e denen, rayog ni ngar kalngan’rad nib rib papay. Nike fith ngak Somoel ni nge pii’ e gelngin ngorad ere rayog ni ngar machib gad ulangab e feylang. Tomuren e meybil, ulungi gidii’ ni kar yon’ed e tang nib bi’ech ni kanoeg “Fare Ya’el Rok’ Got.” Me sug e gidii’ ko falfalaen’. Kar sakiy ngalang nge pii’ liyor ngak Somoel.

Doctrine and Covenants 109:21–32; Hymns, no. 2; Saints, 1:237

Bo’or e gidii’ ni kar sapgad e fapi angel ulan e temple ulan e rran nem. Kar sapgad e magal nibe yib u tharmiy nga but’ udakaen e temple. Boch e gidii’ kar weliy e magal ney me yan e ya’an woed a manileng; boch reb me yoeg be yan e ya’an woed e nifiy. Kar thameyed ke mang e temple nib thothup u rran nem. Riyul ir ke mang e na’un rok fare Somoel.

Saints, 1:237