Հակոբ 5.52–77, Հակոբ 6

Նախաբան

Նախորդ դասի ժամանակ ուսանողները սկսեցին ուսումնասիրել Զենոսի այլաբանությունը ընտանի և վայրի ձիթենիների վերաբերյալ: Այս դասի ժամանակ նրանք կուսումնասիրեն այլաբանության վերջին հատվածը, որտեղ այգու տերը աշխատում է իր ծառաների հետ միասին վերջին անգամ, որ օգնի ծառերին բարի պտուղ տալ: Նրանք նաև կուսումնասիրեն Հակոբ 6–ը, որտեղ Հակոբը մեկնաբանում է այլաբանությունը և խրատում է իր ժողովրդին ապաշխարել:

Ուսուցանման առաջարկներ

Հակոբ 5.52–60

Ընտանի և վայրի ձիթենիների այլաբանությունում այգու տերը փրկում է ծառերը և օգնում է դրանց տալ բարի բերք

Նախքան դասը սկսելը գրատախտակին նկարեք երեք ծառ:

Նկար

երեք ձիթենի

Հիշեցրեք ուսանողներին, որ նախորդ դասի ժամանակ նրանք սկսել են ուսումնասիրել Զենոսի այլաբանությունը ընտանի և վայրի ձիթենիների վերաբերյալ Հակոբ 5–ում: Այդ դասի վերջում այգու բոլոր ծառերն առաջ էին բերում վայրի պտուղ (տես Հակոբ 5.30–42): Սա ներկայացնում էր Մեծ Ուրացությունը:

Նախորդ դասը կրկնելու համար դասարանը բաժանեք զույգերի: Յուրաքանչյուր զույգ թող քննարկի հետևյալ կիսատ նախադասությունների իրենց պատասխանները (դուք կարող եք այս նախադասությունները գրել գրատախտակին).

Այգու տերը ներկայացնում է …
Այգու տիրոջ ջանքերն իր ծառերը փրկելու համար ներկայացնում են …
Մի բան, որ ես սովորեցի Հիսուս Քրիստոսի վերաբերյալ այգու տիրոջ խոսքերից և գործերից այն է, որ …
Այն բանից հետո, երբ այգու բոլոր ծառերը և բերքը դարձան անպետք, տերը որոշեց …

Այն բանից հետո, երբ ուսանողները զույգերով քննարկեն այս նախադասությունները, դասարանով հակիրճ վերանայեք նրանց պատասխանները: Երբ ուսանողները զեկուցեն առաջին երկու հարցերի իրենց պատասխանները, համոզվեք, որ պարզ է այն փաստը, որ այգու տերը ներկայացնում է Հիսուս Քրիստոսին, և որ իր ծառերը փրկելու նրա ջանքերը ներկայացնում են Փրկչի ջանքերը, որ օգնեն Իր ժողովրդին վերադառնալ Իր մոտ: Ուսանողները կարող են կիսվել մի շարք արժեքավոր դասերով, երբ նրանք լրացնեն երրորդ նախադասությունը: Ուսանողները թող ստուգեն չորրորդ նախադասության իրենց պատասխանները, նայելով Հակոբ 5.51–ին, որտեղ ասվում է, որ տերը որոշեց խնայել այգին «մի քիչ էլ»:

Բացատրեք, որ այսօրվա դասը այլաբանության վերջին մասին է վերաբերվում, որտեղ ներկայացվում են վերջին օրերը՝ ներառյալ ավետարանի Վերականգնումը:

Նշեք, որ այգու տերը որոշեց փրկել այգին՝ պատվաստելով ավելի շատ ճյուղեր: Մի քանի ուսանողներ թող հերթով կարդան Հակոբ 5.52–58–ը: Հրավիրեք դասարանին փնտրել, թե ինչ արեց տերը, որ ամրացներ ճյուղերը և արմատները: (Օգնեք ուսանողներին տեսնել, որ այգու տերը պատվաստեց բնական ծառերից վերցրած ճյուղերը նորից իրենց սկզբնական ծառին, և ծառը ներկայացնում էր Իսրայելի տունը: Ապա նա պատվաստեց այդ ծառի ճյուղերը այլ բնական ծառերին: Նա նաև ամենադառը ճյուղերը նետեց կրակը: Դուք կարող եք օգտագործել գրատախտակի ծառերը, որ լուսաբանեք այս բացատրությունը: Օրինակ, դուք կարող եք ջնջել մի ծառի ճյուղը և նոր ճյուղ նկարեք մյուսի վրա:)

Հրավիրեք մի ուսանողի բարձրաձայն կարդալ Հակոբ 5.59: Խնդրեք դասարանին ուշադրություն դարձնել, թե ինչ էր ակնկալում տերը ծառերի արմատների հետ այդ գործողությունները կատարելու արդյունքում:

Ի՞նչ էր ակնկալում տերը, որ կպատահեր արմատներին: (Նա ցանկանում էր, որ դրանք «վերցնեն ուժ»:)

Հիշեցրեք ուսանողներին, որ այդ ժամանակ բոլոր ծառերն առաջ էին բերում վատ պտուղ, ներկայացնելով ողջ աշխարհի ուխտադուրժ վիճակը: Բացատրեք, որ երբ արմատները ուժ վերցնեին, ճյուղերը ողջ այգով մեկ կփոխվեին, որ «բարին կարողանա հաղթել չարին» (Հակոբ 5.59):

Համոզվեք, որ ուսանողները հասկանում են, որ այս հատվածները սովորեցնում են, որ ավետարանի ուխտերի ազդեցությունը թույլ է տալիս Երկնային Հոր զավակներին հաղթահարել մեղքը և առաջ բերել արդարություն:

Ի՞նչ եղանակներով կարող են ավետարանի ուխտերն ամրացնել մեզ: Ինչպե՞ս են ձեր ուխտերն ազդել ձեր կյանքի վրա: (Դուք կարող եք կիսվել ձեր սեփական զգացմունքներով և վկայությամբ այս սկզբունքների վերաբերյալ:)

Հակոբ 5.61–77

Այգու տերն աշխատում է այգում իր ծառաների հետ

Հրավիրեք ուսանողներին մտքում կարդալ Հակոբ 5.61–62, փնտրելով, թե ինչ կարգադրեց այգու տերն իր ծառաներին անել, և ինչու նա խնդրեց այդ անել:

Ծառան այլաբանության սկզբում ներկայացնում է Տիրոջ մարգարեներին: Ո՞ւմ կարող էին ներկայացնել Հակոբ 5.61–ի բազմաթիվ ծառաները: (Օգնեք ուսանողներին տեսնել, որ այս ծառաները կարող են ներկայացնել Եկեղեցու բոլոր անդամներին՝ մարգարեներին և առաքյալներին, գերագույն և տեղական Եկեղեցու ղեկավարներին, միսիոներներին, տնային ուսուցիչներին, այցելող ուսուցիչներին և ցանկացածին, ով մասնակցում է Տիրոջ աշխատանքին:)
Ի՞նչ նշանակալից բան կա Հակոբ 5.61–62–ի՝ մենք, մեր և մեզ բառերի մեջ: (Տերն աշխատում է մեզ հետ: Մենք մենակ չենք թողնված կատարելու Իր աշխատանքը:)
Համաձայն Հակոբ 5.62-ի, ի՞նչ առանձնահատուկ բան կա այն ժամանակահատվածում, որում այս ծառաները կանչված էին աշխատելու: (Դա «վերջին անգամն էր», որ տերը պիտի էտեր այգին: Մարգարեները այս «վերջին անգամին» անվանում են «ժամանակների լրության տնտեսություն»: Օրինակ, տես Եփեսացիս Ա.10 և ՎևՈՒ 128.20:)

Նկար

Երեց Դին Լ. Լարսեն

Որպեսզի օգնեք ուսանողներին տեսնել, թե այլաբանության այս մասն ինչ առնչություն ունի իրենց հետ, թող մի ուսանող կարդա Յոթանասունից Երեց Դին Լ. Լարսենի հետևյալ խոսքերը.

«[Այժմ] այն ժամանակահատվածն է, որի ընթացքում Տերը և Իր ծառաները կգործադրեն իրենց վերջին մեծ ջանքերը, որ ճշմարտության ուղերձը տանեն աշխարհի բոլոր մարդկանց և ետ վերադարձնեն հին Իսրայելի բոլոր սերունդներին, ովքեր կորցրել են իրենց իսկական ինքնությունը: …

Դուք աշխարհ եք եկել, երբ դրվել է այս մեծ աշխատանքի հիմքը: Ավետարանը վերականգնվել է վերջին անգամ: Եկեղեցին հաստատվել է գրեթե աշխարհի բոլոր մասերում: Բեմահարթակը պատրաստ է վերջին հուզիչ տեսարանը խաղալու համար: Դուք լինելու եք հիմնական խաղացողները: Դուք այգու վերջին աշխատողների մեջ եք: … Սա այն ծառայությունն է, որի համար դուք ընտրված եք» (“A Royal Generation,” Ensign, May 1983, 33):

Ի՞նչ ազդեցություն է գործում ձեզ վրա իմանալը, որ դուք կանչված եք ծառայելու Տիրոջ հետ այս վերջին աշխատանքների ընթացքում:
Ե՞րբ եք դուք զգացել, որ Տերն աշխատել է ձեզ հետ, երբ դուք մասնակցել եք Իր աշխատանքին:
Ի՞նչ հնարավորություններ դուք ունեք Տիրոջը ծառայելու և ուրիշներին օգնելու առաջ բերել «բարի պտուղ»: (Ուսանողները կարող են նշել իրենց Եկեղեցու կոչումները և հանձնարարությունները. ընտանիքի անդամների, ընկերների և ուրիշների հանդեպ իրենց պարտականությունը՝ օգնելու ավելի մոտենալ Փրկչին, ինչպես նաև որպես լիաժամկետ միսիոներներ Տիրոջը ծառայելու հնարավորությունը, որը նրանք կունենան:)

Գրատախտակին գրեք Հակոբ 5.70–75: Ներկայացրեք այս հատվածները, բացատրելով, որ դրանք սովորեցնում են Իր ծառաների հետ Տիրոջ ունեցած հարաբերության մասին: Այնտեղ նաև նկարագրվում է, թե ինչ կարող են Տերը և Իր ծառաներն իրականացնել իրենց միասնական աշխատանքի շնորհիվ: Հրավիրեք ուսանողներին մտքում կարդալ այս հատվածները և ընտրել մի հատված, որը տալիս է իրենց սիրած նկարագրությունը Իր ծառաների հետ Տիրոջ ունեցած հարաբերության մասին: Կարդալու համար ուսանողներին ժամանակ տրամադրելուց հետո, հրավիրեք նրանցից մի քանիսին ասել, թե որ հատվածն են իրենք ընտրել, ինչու է այն իրենց դուր գալիս և ինչպես կարող է այն օգնել իրենց, երբ իրենք ծառայում են Տիրոջը:

Խնդրեք ուսանողներին մասնակցել այս վարժությանը, համոզվեք, որ նրանք հասկանում են, որ Տերը խոստանում է մեզ երջանկություն, երբ մենք աշխատում ենք Նրա հետ Իր աշխատանքն իրականացնելու համար: Որպեսզի օգնեք ուսանողներին ավելի խորությամբ հասկանալ Հակոբ 5.70–75-ը, կարող եք տալ հետևյալ հարցերից մի քանիսը.

Ի՞նչ էր այգու տերը խոստանում նրանց, ովքեր աշխատում էին իր հետ: (Տես Հակոբ 5.71, 75:) Ե՞րբ եք դուք ուրախություն զգացել Տիրոջ աշխատանքում:
Ձեր կարծիքով, ինչո՞ւ է կարևոր, որ ծառաներն աշխատեն «իրենց զորությամբ» և «ամենայն փութաջանությամբ» (տես Հակոբ 5.72, 74:) Ի՞նչ դաս դուք կարող եք քաղել այս արտահայտություններից, երբ դուք ծառայում եք Տիրոջը:

Ավարտեք դասի այս մասը՝ խնդրելով ուսանողներին պատասխանել հետևյալ հարցին իրենց սուրբ գրությունների ուսումնասիրության օրագրերում կամ դասարանային նոթատետրերում (դուք կարող եք այն գրել գրատախտակին).

Երբ դուք խորհում եք Տիրոջը ծառայելու ձեր հնարավորությունների մասին, ինչպե՞ս դուք կկիրառեք այն ճշմարտությունները, որոնք մենք քննարկել ենք Հակոբ 5–ում:

Գրելու համար ուսանողներին բավականաչափ ժամանակ տրամադրելուց հետո, դուք կարող եք խնդրել նրանցից մեկին կամ երկուսին դասարանի համար կարդալ իրենց պատասխանները:

Հակոբ 6

Հակոբն ուսուցանում է Տիրոջ ողորմության և արդարության մասին, և հրավիրում է իր ժողովրդին ապաշխարել

Հակիրճ ներկայացրեք Հակոբ 6-ը, բացատրելով, որ այն պարունակում է Հակոբի ամփոփումն ընտանի և վայրի ձիթենիների այլաբանության կարևոր ճշմարտությունների վերաբերյալ:

Հրավիրեք մի ուսանողի կարդալ Հակոբ 6.4–6: Դասարանի կեսին խնդրեք փնտրել, թե ինչ էր Հակոբն ուզում, որ իր ժողովուրդը սովորեր Տիրոջ մասին: (Որ Նա հիշում է Իր ժողովրդին, որ Նա «հարում է [իրենց]» և որ Նրա «ողորմության բազուկը մեկնված է դեպի [իրենց]»: Դուք կարող եք բացատրել, որ այս հատվածում հարել բառը նշանակում է ավելի մոտ կանգնել ինչ որ բանի կամ մեկին:) Դասարանի մյուս կեսին խնդրեք փնտրել, թե ինչ խրախուսեց Հակոբն անել իր ժողովրդին որպես այս գիտելիքի արդյունք: (Չխստացնել իրենց սրտերը, ապաշխարել, գալ դեպի Տերը «սրտի ողջ նվիրվածությամբ» և «հարել Աստծուն, ինչպես նա է հարում [իրենց]»:) Այն բանից հետո, երբ ուսանողները կասեն դասարանին, թե ինչ են իրենք սովորել, հարցրեք.

Ինչպե՞ս է Հակոբը նկարագրել Տիրոջը: Ձեզ համար ի՞նչ նշանակություն ունի այն, որ Տիրոջ «ողորմության բազուկը մեկնված է դեպի ձեզ»:
Ի՞նչ եք դուք սովորել Տիրոջ մասին ձիթենիների այլաբանությունից, որ լուսաբանում է, թե ինչպես է Նա հարում ձեզ: Ի՞նչ կարող եք դուք անել, որ ցույց տաք, որ հարում եք Տիրոջը:

Ամփոփեք Հակոբ 6.7–10-ը, բացատրելով, որ «Աստծո բարի խոսքով սնվելուց հետո» մենք չպետք է առաջ բերենք չար պտուղ: Մենք պետք է հետևենք մարգարեների խոսքերին: Եթե մենք չապաշխարենք, Հակոբը նախազգուշացրել է, որ մենք պատասխանատու կլինենք մեր մեղքերի համար Տիրոջ դատարանի առջև: Խրախուսեք ուսանողներին մտքում կարդալ Հակոբ 6.11–13 և փնտրել Հակոբի վերջին խորհուրդը: Այն բանից հետո, երբ նրանք կկիսվեն իրենց գտածով, հարցրեք.

Ինչո՞ւ է իմաստուն, որ ընտրենք ապաշխարել և այժմ պատրաստվել, որ կանգնենք Տիրոջ առաջ և դատվենք Նրա կողմից:

Հաստատեք, որ մենք իմաստուն կլինենք, եթե այժմ պատրաստվենք դատաստանին՝ ապաշխարելով և Տիրոջ ողորմությունը ստանալով:

Դասի վերջում նշեք, որ ապաշխարելը մեզ պատրաստում է ոչ միայն վերջին դատաստանի համար, այլ նաև, որ կարողանանք ծառայել Տիրոջն այժմ: Վկայեք ուսանողներին, որ Տերն ուզում է, որ նրանք ծառայեն Իր հետ և ուրախություն գտնեն Իր հետ, և որ նրանք կարող են արժանի լինել դա անելու համար, եթե հնազանդվեն Նրա պատվիրաններին, ապաշխարեն և ստանան Նրա ողորմությունը:

Բացատրական և պատմական տեղեկություն

Հակոբ 5: Ընտանի և վայրի ձիթենիների այլաբանության կրկնություն

Նկար

ձիթենու այլաբանությունը