2019թ․
Երեց Հանս Թ․ Բում

Երեց Հանս Թ․ Բում

Բարձրագույն Իշխանավոր Յոթանասունական

Hans T. Boom

Երբ Երեց Հանս Թ․ Բումը ութ տարեկան էր, ընտանիքն Ամստերդամից տեղափոխվեց Նիդերլանդների հարավային մասում գտնվող Բրեդա քաղաքը: Նրա հոլանդացի հայրը, ով մեծացել էր Ինդոնեզիայում և Եկեղեցու նորադարձ էր, հասկացավ, որ իր ընտանիքը պետք է լքի մեծ քաղաքը և վերադառնա իր նախնիների արմատներին:

Ընտանիքի հետ այդ փոքրիկ ճյուղում անցկացրած Երեց Բումի ժամանակը վերապատրաստման հիմք հանդիսացավ Եկեղեցում ծառայելու համար․ նա ծառայել է իր ամբողջ կյանքի ընթացքում և շարունակելու է ծառայել իր նոր կոչման մեջ՝ որպես Բարձրագույն Իշխանավոր Յոթանասունական։

Նա ասում է. «Այն, թե ով եմ ես, և այն ամենի համար ինչ ես ունեմ, պարտական եմ Տիրոջը, և հնարավորությունների համար, որ Նա է տվել ինձ սովորելու և աճելու համար»:

Ծնվել է 1963 թվականի հուլիսի 13-ին Ամստերդամում, Հանս և Անկիե Բումերների ընտանիքում․ Հանս Թեոդորոս Բումը չորս երեխաներից երկրորդն է: Նրա ծնողներն ավետարանն ուսուցանել են իրենց տանը և խրախուսել են երեխաներին ջանասիրաբար աշխատել:

18 տարեկանում Երեց Բումը ծառայել է Անգլիա Լոնդոն Արևելյան միսիայում։ Միսիան ավարտելուց մի քանի ամիս անց չափահաս երիտասարդների համաժողովի ժամանակ հանդիպել է իր ապագա կնոջը՝ Արիենա Յոհաննա «Մարջան» Բրուկզիտերին։ Զույգն ամուսնացավ 1984 թվականի հուլիսի 27-ին, Ռուն գյուղում (Նիդեռլանդներ) և երեք օր անց կնքվեց Լոնդոն Անգլիա տաճարում: Նրանք ունեն երեք որդի:

Երեց Բումն աշխատել է Markenhage College-ի տնօրենի քարտուղար և Franchise Development Benelux-ի հավաքագրող: Բարձրագույն Իշխանավոր Յոթանասունական կանչվելու պահին նա վաճառքի մենեջեր էր աշխատում MacLean Agencies-ի համար։

Երեց Բումը ծառայել է Տարածքային Յոթանասունական, ցցի նախագահության խորհրդական, ցցի երիտասարդ տղամարդկանց նախագահ, ճյուղի նախագահ և ճյուղի նախագահության խորհրդական։ Ծառայության կանչվելու պահին նա ծառայում էր ինստիտուտի ուսուցիչ և տաճարային արարողության ծառայող՝ Հաագա Նիդեռլանդներ տաճարում։