1 Manje kwenzeka ukuthi emva kokuthi u-Alima esenze isiphetho senkulumo ebantwini bebandla, elalimiswe edolobheni laseZarahemla, ^awagcoba abaphristi kanye ^bnamagosa, ngokubabeka ^cizandla zakhe ngokohlelo lukaNkulunkulu, ukuthi bengamele futhi ^dbabheke ibandla.

2 Futhi kwenzeka ukuthi lowo owayengeyena owebandla kulabo ababephenduka ezonweni zabo ^ababhabhadiselwa ekuphendukeni, futhi bemukelwa ebandleni.

3 Futhi phezu kwalokho kwenzeka ukuthi lowo owayengowasebandleni kulabo ^aabangaphendukanga ebubini babo futhi bazithobe phambi kukaNkulunkulu—ngisho labo ^bababephakeme ngenxa yokuzibona kwabo—bona kanye babenqatshwa, futhi amagama abo ^cayesulwa, ukuze amagama abo angabalwa phakathi kwalabo ababelungile.

4 Futhi ngalendlela baqala ukumisa uhlelo lwebandla edolobheni lakwaZarahemla.

5 Manje ngifuna ukuthi niqonde ukuthi izwi likaNkulunkulu lalitholakala kubo bonke, kangangokuthi babengekho ababenqatshelwe ilungelo lokuhlangana ndawonye ukuthi bezwe izwi likaNkulunkulu.

6 Nokho abantwana baNkulunkulu bayalwa ukuthi baqoqane ndawonye njalo, futhi bahlanganyele ^aekuzileni kanye nasekuthandazeni okukhulu ukuze kuzuze imiphefumulo yalabo ababengamazi uNkulunkulu.

7 Manje kwenzeka ukuthi ngesikhathi u-Alima esenze lemithetho wemuka kubo, yebo, wasuka ebandleni elalisedolobheni lakwaZarahemla, wahamba wawelela ngasempumalanga yomfula iSidoni, ^aesigodini sakwaGidiyoni, lapho kwakwakhiwe idolobha khona, elalibizwa ngedolobha lakwaGidiyoni, elalisesigodini esasibizwa ngokuthi yiGidiyoni, esabizwa ngendoda ^beyabulawa ngesandla sikaNehori ngenkemba.

8 Futhi u-Alima wahamba waqala ukumemezela izwi likaNkulunkulu ebandleni elalimiswe esigodini sakwaGidiyoni, njengokwambulwa kobuqiniso bezwi elalikhulunywe ngoyise, futhi nanjengokukamoya wesiphrofetho owawukuye, ngokobu ^afakazi bukaJesu Kristu, iNdodana kaNkulunkulu, oyoza ukuzokhulula abantu bakhe ezonweni zabo, kanye nangohlelo olungcwele ayebizwe ngalo. Futhi kubhalwe kanjalo. Amen.