1 Futhi phezu kwalokho, mina, Alima, ngiyalwe nguNkulunkulu ukuthi ngithathe u-Amuleki sihambe siphinde sishumayele kulaba bantu, noma kubantu ababesedolobheni lakwa-Amoniha, kwenzeka ngesikhathi ngiqala ukushumayela kubo, baqala ukuphikisana nami, bethi:

2 Ungubani wena? Ucabanga ukuthi thina sizokholwa wubufakazi ^abomuntu oyedwa, noma ngabe angashumayela kithi ukuthi umhlaba uzodlula na?

3 Manje babengawaqondi lamazwi ababewakhuluma; ngokuba babengazi ukuthi umhlaba uyodlula.

4 Futhi baphinda bathi: Asinakuwakholwa amazwi akho uma ungaphrofetha ukuthi lelidolobha elikhulu lingabhujiswa ^angelanga elilodwa.

5 Manje babengazi ukuthi uNkulunkulu wayengayenza imisebenzi emangalisayo enjalo, ngokuba babengabantu abanezinhliziyo ezilukhuni kanye nabangontamolukhuni.

6 Futhi bathi: ^aNgubani uNkulunkulu, ^bongasathumeli gunya ngaphandle komuntu oyedwa nje phakathi kwalaba bantu, ukuthi amemezele kubo iqiniso lezinto ezinkulu kangaka futhi ezimangalisayo na?

7 Futhi beza phambili ukuze bangibambe; kodwa bheka, abazange. Futhi ngema ngesibindi ukuthi ngimemezele kubo, yebo, nempela ngafakaza ngesibindi kubo, ngithi:

8 Bhekani, O nina ^asizukulwane esibi nesonakeleyo, senikhohlwe kanjani ngamasiko oyihlo; yebo, senikhohlwe masinyane kanjani yimiyalelo kaNkulunkulu na?

9 Anikhumbuli yini ukuthi ubaba, uLehi, wakhishwa eJerusalema ^angesandla sikaNkulunkulu na? Anikhumbuli yini ukuthi bonke babeholwa nguye ehlane na?

10 Futhi ngabe senikhohlwe masinyane kangaka ukuthi ziningi kangakanani izikhathi abakhulula ngazo obaba bethu ezandleni zezitha zabo, futhi wabalondoloza ekubulaweni, ngisho nangezandla zabafowabo uqobo na?

11 Yebo, futhi ukuba kwakungekhona ukuthi kwakungenxa yamandla akhe angenakulinganiswa, kanye nomusa wakhe, kanye nokusibekezelela kwakhe okukhulu, ngabe sesasuswa ngokungenakuvimbeleka ebusweni bomhlaba kudala ngaphambi kwalesi sikhathi, futhi mhlawumbe ngabe sesayiswa esimweni ^asokuhlupheka kanye nosizi olungapheliyo.

12 Bhekani, manje ngithi kini uyaniyala ukuthi niphenduke; futhi ngaphandle kokuthi niphenduke, aninandlela yokuthi nidle ifa lombuso kaNkulunkulu. Kodwa bhekani, lokhu akusikho konke—uniyala ukuthi niphenduke, noma ^auzonibhubhisa nya ebusweni bomhlaba; yebo, uzonivakashela entukuthelweni yakhe, futhi ^bnasentukuthelweni yakhe eyesabekayo akayikuphindela emuva.

13 Bhekani, aniwakhumbuli yini amazwi awakhuluma kuLehi, ethi: ^aKangangoba niyoyigcina imiyalelo yami, niyophumelela ezweni? Kanti futhi kuyashiwo ukuthi: Kangangoba ningezukuyigcina imiyalelo yami niyohlukaniswa neNkosi.

14 Manje ngifuna ukuthi nikhumbule, ukuthi kangangoba amaLamani engayigcinanga imiyalelo kaNkulunkulu, ^aahlukanisiwe neNkosi. Manje siyabona ukuthi izwi leNkosi liqinisekisiwe kulento, futhi amaLamani ahlukanisiwe nayo, kusukela ekuqaleni kokuphambuka kwawo kulelizwe.

15 Nokho ngithi kini, ^akuyobekezeleka kakhulu okwawo ngosuku lokwahlulelwa kunalokho kwenu, uma nihlala ezonweni zenu, yebo, futhi ngisho kuyobekezeleleka kakhulu okwawo kulempilo kunalokho kwenu, ngaphandle kokuthi niphenduke.

16 Ngokuba kukhona izethembiso eziningi ^aezenzelwe amaLamani; ngokuba kungenxa ^byamasiko oyise enza ukuthi ahlale kuleso simo sawo ^csokungazi; ngakho-ke iNkosi izokuba nomusa kuwo futhi ^dyelule ukuphila kwawo ezweni.

17 Futhi ngesinye isikhathi esithize ^aayoholelwa ekutheni akholwe ezwini layo, futhi azi ngokungalungi kwamasiko oyise; futhi abaningi bawo bazosindiswa, ngokuba iNkosi izokuba nomusa kubo bonke labo ^bababiza igama layo.

18 Kepha bhekani, ngithi kini uma niqhubeka ebubini benu izinsuku zenu ngeke ziselulwa ezweni, ngokuba ^aamaLamani ayothunyelwa kini; futhi uma ningaphenduki ayofika ngesikhathi eningasazi, futhi niyovakashelwa ^bngokubhujiswa okupheleleyo; futhi kuyoba ngokwe ^cntukuthelo eyesabekayo yeNkosi.

19 Ngokuba ayiyikunivumela ukuthi nihlale ebubini benu, ukuthi nibhubhise abantu bayo. Ngithi kini, Cha; okungenani iyovumela amaLamani ukuthi ^aabhubhise bonke abantu bayo ababizwa ngabantu baNefi, uma kungenzeka ukuthi ^bbawele ezonweni kanye naseziphambekweni, emva kokuthi sebebe nokukhanya okukhulu kangaka kanye nolwazi olukhulu kangaka olunikwe kubo yiNkosi uNkulunkulu wabo;

20 Yebo, emva kokuthi kade bengabantu abebethandwa kakhulu kangaka yiNkosi; yebo, emva kokuthi kade bethandwe ngaphezu kwazo zonke ezinye izizwe, imindeni, izilimi, noma abantu; emva kokuthi kade ^asebaziswe zonke izinto, ngokwezifiso zabo, nokholo lwabo, kanye nemithandazo, lokho okwakukhona, nalokho okukhona, kanye nalokho okusazoza;

21 Bevakashelwe nguMoya kaNkulunkulu; bekhulumile nezingelosi, futhi kukhulunyiwe nabo ngezwi leNkosi; futhi benomoya wokuphrofetha, kanye nomoya wokwambulelwa, futhi ngokunjalo nezipho eziningi, isipho sokukhuluma ngezilimi, kanye nesipho sokushumayela, nesipho sikaMoya oyiNgcwele, nesipho ^asokuhumusha;

22 Yebo, futhi emva kokuthi ^abekhululwe nguNkulunkulu baphuma ezweni laseJerusalema, ngesandla seNkosi; besindiswe endlaleni, nasekuguleni, kanye nakuzo zonke izinhlobo zezifo ezinhlobonhlobo; futhi bekhulile baqina ekulweni, ukuze bangabhujiswa; bekhishwe ^bebugqilini izikhathi ngezikhathi, futhi begciniwe futhi balondolozwa kuze kube manje; futhi baphumelelisiwe baze banotha ngazo zonke izinhlobo zezinto—

23 Manje bhekani ngithi kini, uma laba bantu, asebethole izibusiso eziningi kangaka esandleni seNkosi, bengaphambuka baphambane nokukhanya kanye nolwazi abanalo, ngithi kini uma lokhu kungaba njalo, uma bengawela esiphambekweni, ^akuyobekezeleleka kakhulu okwamaLamani kunokwabo.

24 Ngokuba bhekani, ^aizethembiso zeNkosi zenzelwe amaLamani, kepha hhayi nina uma niphambuka; ngokuba iNkosi ayithembisanga yini ngokusobala futhi yamemezela ngokuqina, ukuthi uma nizohlubuka kuyo niyobhujiswa nya ebusweni bomhlaba na?

25 Manje ngalesi sizathu, ukuze ningabhujiswa, iNkosi ithumele ingelosi yayo ukuthi ivakashele abaningi babantu bayo, imemezele kubo ukuthi kufanele bahambe futhi bakhale kakhulu kulaba bantu, bathi: ^aPhendukani, ngokuba umbuso wezulu ususondele.

26 Futhi ^aakusezinsuku eziningi kusukela manje ukuthi iNdodana kaNkulunkulu ifike ngenkazimulo yayo; futhi inkazimulo yayo iyoba yinkazimulo yo ^bZelwe Yedwa kaBaba, ogcwele ^cisihe, ukulunga, kanye neqiniso, ogcwele ukubekezela, ^dumusa kanye nokuba nehliziyo ende, osheshayo ^eukuzwa ukukhala kwabantu bakhe futhi aphendule imithandazo yabo.

27 Futhi bhekani, uza ^aukuzokhulula labo abazo ^bbhabhadiselwa ekuphendukeni, ngokukholwa egameni lakhe.

28 Ngakho-ke, lungisani indlela yeNkosi, ngokuba isikhathi sesisondele ukuthi bonke abantu bavune umvuzo wemi ^asebenzi yabo, ngalokho abebekade beyikho—uma kade belungile ^bbayovuna ukusindiswa kwemiphefumulo yabo, ngokwamandla kanye nangokukhululwa nguJesu Kristu; futhi uma kade bebabi bayovuna ^cusizi nokuhlupheka okungapheliyo emiphefumulweni yabo, ngokwamandla kanye nangokuthunjwa ngudeveli.

29 Manje bhekani, leli yizwi lengelosi, elikhala kubantu.

30 Manje, ^abafowethu abathandekayo, ngokuba ningabafowethu, futhi nimele ukuthi nithandwe, futhi nimele ukuthi nilethe imisebenzi edingekayo yokuphenduka, ngokubona ukuthi izinhliziyo zenu zenziwe zaba lukhuni kakhulu ngokumelene nezwi likaNkulunkulu, futhi ngokubona ukuthi ningabantu ^babalahlekile nabawile.

31 Manje kwenzeka ukuthi ngesikhathi mina, Alima, sengiwakhulumile lamazwi, bheka, abantu bangithukuthelela ngenxa yokuthi ngathi kubo babengabantu abanezinhliziyo ezilukhuni kanye nabango ^antamolukhuni.

32 Futhi phezu kwalokho ngenxa yokuthi ngathi kubo babengabantu abalahlekile futhi abawile bangithukuthelela, futhi bafuna ukungibamba, ukuze bangiphonse etilongweni.

33 Kepha kwenzeka ukuthi iNkosi nempela ayibavumelanga ukuthi bangithathe ngaleso sikhathi bangiphonse etilongweni.

34 Futhi kwenzeka ukuthi u-Amuleki wahamba wema phambili, waqala ukushumayela kubo futhi. Manje ^aamazwi ka-Amuleki awabhaliwe wonke, nokho inxenye yamazwi akhe abhaliwe kulencwadi.