1 Futhi kwenzeka ukuthi u-Alima kanye no-Amuleki bayalwa ukuthi bemuke baphume kulelo dolobha; futhi bemuka, bahamba baze bafika ezweni laseSidomi; futhi bheka, lapho bathola bonke abantu ababemukile baphuma ezweni lakwa-^aAmoniha, ababe ^bxoshiwe futhi bakhandwa nangamatshe, ngoba bekholelwa emazwini ka-Alima.

2 Futhi babaxoxela konke okwakwenzekile ^akubafazi babo kanye nakubantwana babo, futhi ngokunjalo ngokuphathelene nabo uqobo, kanye nanga ^bmandla okukhululwa kwabo.

3 Futhi phezu kwalokho uZeziromu wayelele egula eSidomi, enomkhuhlane wokushisa, owawudalwe wukukhathazeka okukhulu komqondo wakhe ngenxa yo ^abubi bakhe, ngokuba wayecabanga ukuthi u-Alima no-Amuleki babengasekho; futhi wayecabanga ukuthi babebulewe ngenxa yobubi bakhe. Futhi lesi sono esikhulu, kanye nezinye eziningi izono zakhe, zawukhathaza umqondo wakhe waze waba nobuhlungu kakhulu, engenakukhululwa, ngakho-ke waqala wahlushwa wukushisa okuvuthayo.

4 Manje, ngesikhathi ezwa ukuthi u-Alima no-Amuleki babesezweni laseSidomi, inhliziyo yakhe yaqala ukuthi ibe nesibindi; wathumela umyalezo ngokushesha kubo, efisa ukuthi beze kuye.

5 Futhi kwenzeka ukuthi bahamba ngokushesha, belalela umyalezo ayewuthumele kubo; futhi bahamba bangena endlini kuye uZeziromu; bamthola elele embhedeni wakhe, egula, ephansi kakhulu ngenxa yomkhuhlane wokushisa; futhi umqondo wakhe nawo wawukhathazekile kakhulu ngenxa yobubi bakhe; ngesikhathi ebabona welula isandla sakhe, wabancenga ukuthi bamelaphe.

6 Futhi kwenzeka ukuthi u-Alima wathi kuye, embamba ngesandla: ^aUyakholelwa yini emandleni kaKristu anele ukuba usindiswe na?

7 Yena waphendula wathi: Yebo, ngiyawakholwa wonke amazwi owafundisile.

8 Futhi u-Alima wathi: Uma ukholelwa ekukhululweni kukaKristu ^aungaphiliswa.

9 Yena wathi: Yebo, ngiyakholwa ngokwamazwi akho.

10 Futhi emva kwalokho u-Alima wakhala eNkosini, ethi: O Nkosi Nkulunkulu wethu, yiba nomusa kulendoda, ^auyiphiliise ngokholo lwayo olukuKristu.

11 Futhi ngesikhathi u-Alima esewashilo lamazwi, uZeziromu ^awathi lacu ngezinyawo zakhe, waqala ukuhamba; futhi lokhu kwenzeka kwamangalisa bonke abantu; futhi ulwazi lwalokhu lwahamba lwafinyelela ezweni lonke laseSidomi.

12 Futhi u-Alima wambhabhadisa uZeziromu eNkosini; futhi waqala kusukela ngaleso sikhathi kuya phambili ukuthi ashumayele kubantu.

13 Futhi u-Alima wamisa ibandla ezweni laseSidomi, futhi wagcoba abaphristi kanye nabafundisi ezweni, ukuthi babhabhadise eNkosini noma ngubani owayenesifiso sokubhabhadiswa.

14 Futhi kwenzeka ukuthi babebaningi; ngokuba batheleka bevela kuzo zonke izifunda ezizungeze iSidomi, futhi babhabhadiswa.

15 Kodwa mayelana nabantu ababesezweni lakwa-Amoniha, babesasele njengabantu abanhliziyo lukhuni kanye nabangontamo lukhuni; futhi abaphendukanga ezonweni zabo, bethi wonke amandla ka-Alima no-Amuleki ngakadeveli; ngokuba babengabemfundiso ka ^aNehori, futhi abakholelwanga ekuphendukeni ezonweni zabo.

16 Futhi kwenzeka ukuthi u-Alima kanye no-Amuleki, u-Amuleki ^aeseshiye igolide lakhe lonke, nesiliva, kanye nezinto zakhe eziyigugu, ezazisezweni lakwa-Amoniha, ngenxa yezwi likaNkulunkulu, ^benqatshwe yilabo abake baba ngabangani bakhe futhi ngokunjalo nanguyise kanye nezihlobo zakhe;

17 Ngakho-ke, emva kokuthi u-Alima esemise ibandla eSidomi, ebona ^aukuzilawula okukhulu, yebo ebona ukuthi abantu balawulwa ekuziqhenyeni kwabo, futhi baqala ^bukuzehlisa phambi kukaNkulunkulu, futhi baqala ukuqoqana ndawonye ezindaweni zabo ezingcwele ukuze ^cbadumise uNkulunkulu phambi kwe-altare, ^dbeqaphele futhi bethandaza bengaphezi, ukuthi bakhululwe kuSathane, ^enasekufeni, kanye nasekubhujisweni—

18 Manje njengoba ngishilo, u-Alima esezibonile zonke lezi zinto, ngakho-ke wathatha u-Amuleki weza naye ezweni lakwaZarahemla, futhi wamthatha wamyisa emzini wakhe, futhi wamsiza ekuhluphekeni kwakhe, wamqinisa eNkosini.

19 Futhi waphela kanjalo-ke unyaka weshumi wokubusa kwabehluleli phezu kwabantu bakwaNefi.