INcwadi kaJaromu

1 Manje bheka, mina, Jaromu, ngibhala amazwi ambalwa njengokwemiyalelo kababa, u-Enoshe, ukuze ^aumlando wesizukulwane sethu ugcinwe.

2 Futhi njengoba ^alezi zingcwephe ^bzincane, futhi nanjengoba lezi zinto ^czibhalwe ngenhloso yokuthi kuzuze abafowethu ^damaLamani, ngalokho-ke, kumele ukuthi ngibhale kafushane; kodwa angizukuzibhala izinto zokuphrofetha kwami, noma zokwambulelwa kwami. Ngokuba yini engingayibhala ngaphezu kwalokho obaba bami abakubhalile na? Ngokuba abavezanga yini isu lensindiso na? Ngithi kini, Yebo; futhi lokhu kuyangenelisa.

3 Bheka, kufanele ukuthi kuningi okudingeka kwenziwe phakathi kwalaba bantu, ngenxa yobulukhuni bezinhliziyo zabo, kanye nokungezwa kwezindlebe zabo, kanye nobumnyama bezingqondo zabo, kanye ^anobulukhuni bezintamo zabo; nokho, uNkulunkulu unesihawu esikhulu kubo, futhi ^bakakabashaneli ebusweni balelizwe.

4 Futhi kukhona abaningi phakathi kwethu ^aabanezambulo eziningi, ngokuba akubo bonke abangontamolukhuni. Futhi njengoba abaningi bengebona ontamolukhuni futhi benokholo, ^bbanobudlelwane noMoya oyiNgcwele, owembulela abantwana babantu, njengokokholo lwabo.

5 Manje, bheka, iminyaka engamakhulu amabili yabe isidlulile, futhi abantu baNefi base bekhule baqina kulelizwe. Bazama ^aukugcina umthetho kaMose kanye ^bnosuku lwesabatha lungcwele eNkosini. Futhi ^cabalungcolisanga; noma ^dbahlambalaze. Futhi imithetho yalelizwe yayiqine kakhulu.

6 Futhi babehlakazeke kakhulu phezu kobuso balelizwe, futhi ngokunjalo namaLamani. Futhi wona ayemaningi kakhulu kunalabo bamaNefi; futhi wona ayekuthanda ^aukubulala futhi ayengaphuza igazi lezilwane.

7 Futhi kwenzeka ukuthi eza izikhathi eziningi ukuzolwa nathi, amaNefi. Kodwa ^aamakhosi ethu kanye nabaholi bethu babengamadoda aqinile okholweni lweNkosi; futhi babafundisa abantu izindlela zeNkosi; ngalokho-ke, samelana namaLamani futhi sawashanela aphuma ^bemazweni ethu, futhi saqala ukuqinisa amadolobha ethu; noma ngabe iyiphi indawo eyayiyifa lethu.

8 Futhi sanda kakhulu, sagcwala phezu kobuso balelizwe, futhi sanotha kakhulu ngegolide, nangesiliva, nangezinto eziyigugu, kanye nasekwenzeni umsebenzi ocolekile wokhuni, ngezakhiwo, kanye nangemishini, futhi ngokunjalo nangensimbi nangekhopha, nangethusi kanye nangesitili, senza zonke izinhlobo zamathuluzi azinhlobonhlobo okulima umhlabathi, kanye ^anezikhali zempi—yebo, imicibisholo ebukhali ecijile, nemigodla, nezinsusha, nemikhonto ephonswayo, kanye nakho konke okokulungiselela impi.

9 Ngakho-ke njengoba sasizilungiselele ukuhlangana namaLamani, awaphumelelanga ukulwa nathi. Kodwa izwi leNkosi laqinisekiswa, eyalikhuluma kokhokho bethu, ithi: Kangangoba niyoyigcina imiyalelo yami niyophumelela kulelizwe.

10 Futhi kwenzeka ukuthi abaphrofethi beNkosi nempela babasabisa abantu baNefi, njengokwezwi likaNkulunkulu, ukuthi uma bengayigcini imiyalelo, kepha bewela esiphambekweni, ^abayobhujiswa baphele ebusweni balelizwe.

11 Ngalokho-ke, abaphrofethi, nabaphristi, kanye nabafundisi, nempela basebenza ngokukhuthala, benxusa abantu ngakho konke ukubekezela ukuba bakhuthale; befundisa ^aumthetho kaMose, kanye nenhloso yokunikwa kwawo; bebakholwisa ukuthi ^bbabheke phambili kuMesiya, futhi bakholwe kuye ozayo ^ckube sengathi wayesekhona. Futhi nempela babafundisa ngalendlela.

12 Futhi kwenzeka ukuthi ngokwenze njalo babahlenga ^aekubhujisweni phezu kobuso balelizwe; ngokuba nempela ^bbazihlaba izinhliziyo zabo ngezwi, njalonjalo bebaphehlela ekuphendukeni.

13 Futhi kwenzeka ukuthi amakhulu amabili kanye namashumi amathathu kanye nesishiyagalombili eminyaka ayesedlulile—kulokhu kukhona izimpi, nemibango, kanye nokuphambana, isikhathi eside kakhulu.

14 Futhi mina, Jaromu, angizukukubhala okuningi, ngokuba lezi zingcwephe zincane. Kodwa bhekani, bafowethu, ningaya ^akwezinye izingcwephe zikaNefi; ngokuba bhekani, imibhalo yezimpi zethu iqoshiwe kuzo, njengokwemibhalo yamakhosi, noma leyo enza ukuthi ibhalwe.

15 Futhi nginikeza lezi zingcwephe ezandleni zendodana yami u-Omini, ukuze zigcinwe ^anjengokwemiyalelo yobaba bami.