Tusitusiga Paia
Alema 42


Mataupu 42

O le olaga faaletino o se taimi e nofo vaavaaia ai e mafai ai e le tagata ona salamo ma auauna atu ai i le Atua—O le Pa’ū na oo mai ai le oti faaletino ma le oti faaleagaga i tagata uma—E oo mai le togiola e ala i le salamo—O le Atua lava Ia e togiola mo agasala a le lalolagi—O le alofa mutimutivale e mo i latou o e e salamo—O isi tagata uma o le a i lalo o le faamasinotonu o le Atua—E oo mai le alofa mutimutivale ona o le Togiola—Ua na’o e ua salamo faamaoni e faaolaina. E tusa o le 74 T.L.M.

1 Ma o lenei, lo’u atalii e, ua ou vaai ua i ai isi lava mea e tele ua popole i ai lou mafaufau, ia ua le mafai ona e malamalama i ai—ia ua faatatau i le afaamasinotonu o le Atua i le faasalaina o le tagata agasala; ona ua e taumafai e mafaufau e faapea ua le o se faamasinotonu le tofia o le tagata agasala i se tulaga o le pagatia.

2 O lenei faauta, lo’u atalii e, o le a ou faamalamalama atu ia te oe lenei mea. Auā faauta, ina ua uma ona aauina ese atu e le Alii le Atua o tatou uluai matua mai le faatoaga o eEtena, e galueaiina le eleele, lea na aumai ai i la’ua—ioe, sa ia aveesea mai le tagata, ma sa ia tuu i le pito i sasae o le faatoaga o Etena, ikerupi, ma se pelu afi mumu e feliuliuai i itu uma, e leoleo le olaau o le ola.

3 O lenei, ua tatou vaai ua avea le tagata e pei o le Atua, i le iloa o le lelei ma le leaga; ma ina ne’i tuu atu lona lima, ma tau foi mai le laau o le ola, ma ’ai ma ola ai e faavavau, o lea na tuu ai e le Alii le Atua ia kerupi ma le pelu afi mumu, ina ia le mafai ona ’ai o ia i le fua—

4 Ma ua faapea ona tatou vaai ai, e i ai se taimi ua tuu mai i le tagata e salamo ai, ioe, o se taimi e nofo avaavaaia ai, o se taimi e salamo ma auauna ai i le Atua.

5 Auā faauta, a na vave ona aapa atu o le lima o Atamu, ma ’ai i le laau o le ola, po ua ola o ia e faavavau, e tusa ma le afioga a le Atua, ua leai se taimi e salamo ai; ioe, ma po ua leai foi se aoga o le afioga a le Atua, ma po ua le taulau le fuafuaga tele o le faaolataga.

6 Ae faauta, sa tofia i le tagata ia aoti—o lea, e pei ona vavae ese i la’ua mai le laau o le ola sa tatau foi ona vavae ese i la’ua mai luga o le fogaeleele—ma sa oo ina leiloa le tagata e faavavau, ioe, ua avea i la’ua ma tagata epa’ū.

7 Ma o lenei, ua e vaai o lenei mea na avavae ese ai faaletino ma faaleagaga o tatou uluai matua mai luma o le Alii; ma ua faapea ona tatou vaai ai sa avea i la’ua ma ni tagata e mulimuli i o la’ua lava eloto.

8 O lenei faauta, sa le tatau ona toe laveai o le tagata mai lenei oti faaletino, ona e faaumatia i lena mea le afuafuaga tele o le fiafia.

9 O lea, ona e le mafai lava ona oti o le agaga, ma ua aumai e le apa’ū i luga o tagata uma se oti faaleagaga faapea foi ma se oti faaletino, o lona uiga, ua vavae ese i latou mai luma o le Alii, o lea sa tatau ai ona toe laveai o tagata mai lenei oti faaleagaga.

10 O lea, talu ai ona ua avea i latou ma ni tagata afaaletino, tuinanau, ma faatiapolo, i o latou enatura, o lea ua avea ai lenei itulaga e nofo vaavaaia ai o se olaga mo i latou e saunia ai; ua avea o se olaga sauniuni.

11 Ma o lenei ia e manatua, lo’u atalii e, a na leai le fuafuaga o le togiolaina, (pe a tuu ese), o le taimi lava latou te feoti ai e apagatia ai o latou agaga, ona ua vavae ese mai luma o le Alii.

12 Ma o lenei, sa leai se auala e laveai ai tagata mai lenei tulaga pa’ū, lea na aumai e le tagata i ona lava luga ona o lona lava le usiusitai;

13 O lea, e tusa ma le faamasinotonu, e le mafai ona faataunuuina o le afuafuaga o le togiola, ua na o tulaga lava o le esalamo o tagata i lenei olaga e nofo vaavaaia ai, ioe, lenei olaga sauniuni; ona vagana ai nei tulaga, e le mafai ona aoga le alofa mutimutivale vagana ai ua ia faaumatiaina le galuega a le faamasinotonu. O lenei e le mafai ona faaumatiaina le galuega a le faamasinotonu; a faapea, po ua ile toe avea le Atua ma Atua.

14 Ma ua faapea ona tatou vaai ai ua apa’u’ū tagata uma, ma ua ia i latou le iloa o le efaamasinotonu; ioe, le faamasinotonu o le Atua, lea e tofiaina i latou ia vavae ese mai ona luma e faavavau.

15 Ma o lenei, e le mafai ona faataunuuina le fuafuaga o le alofa mutimutivale vagana ai ua faia se togiola; o lea ua atogiola ai e le Atua lava ia mo agasala a le lalolagi, e faataunuu ai le fuafuaga o le ealofa mutimutivale, e faamalie ai manaoga o le ifaamasinotonu, ina ia mafai ona avea le Atua ma Atua ua oatoatoa, faamasinotonu, ma se Atua alofa mutimutivale foi.

16 O lenei, e le mafai ona o’o mai le salamo i tagata vagana ua i ai se faasalaga, o lea ua afaavavau foi e pei ona tatau ai i le ola o le agaga, ua faaopoopo e faafeagai ma le fuafuaga o le fiafia, lea ua faavavau foi e pei o le ola o le agaga.

17 O lenei, e mafai faapefea ona salamo o se tagata vagana ai ua aagasala o ia? E mafai faapefea ona agasala o ia pe afai ua leai se etulafono? E faapefea ona i ai o se tulafono vagana ai ua i ai se faasalaga?

18 O lenei, sa i ai se faasalaga faaopoopo, ma se tulafono faamasinotonu na tuuina mai, lea ua aumai ai le faanoanoa o le amafaufau i le tagata.

19 O lenei, afai e leai se tulafono na tuuina mai—afai e afasioti tagata se tagata e tatau ona oti o ia—pe fefe ea o le a oti o ia pe afai e fasioti tagata?

20 Ma lenei foi, afai e leai se tulafono e tuuina mai e faasaga i le agasala o le a le fefefe tagata e agasala.

21 Ma afai e aleai se tulafono e tuuina mai, afai e agasala tagata, o le a se mea e mafai ona fai e le faamasinotonu, po o le alofa mutimutivale foi, ona o le a leai so la’ua aafiaga i luga o le tagata?

22 Peitai e i ai se tulafono ua tuuina mai, ma se faasalaga ua faaopoopo, ma se asalamo ua tuuina mai; le salamo lea, ua aia ai le alofa mutimutivale; a leai, e aafia e le faamasinotonu le tagata ma faataunuu le tulafono, ma o le tulafono na te faaooina le faasalaga; afai e le faapea, o le a faaumatia galuega a le faamasinotonu, ma o le a faamuta ona avea o le Atua ma Atua.

23 Ae e le faamutaina le avea o le Atua ma Atua, ma ua fai mo le aalofa mutimutivale le tagata ua salamo, ma e oo mai le alofa mutimutivale ona o le etogiola; ma ua aumai e le togiola le itoetutū mai o e ua oti; ma o le toetutū mai o e ua oti ua otoe aumai ai tagata i luma o le Atua; ma faapea ona toefuatai ai o i latou i ona luma, e ufaamasinoina e tusa ma a latou galuega, e tusa ma le tulafono ma le faamasinotonu.

24 Auā faauta, e faatino e le faamasinotonu ona manaoga uma; ma e maua foi e le alofa mutimutivale mea uma e a ia lava; ma o lea, e leai se tasi ae ua na’o ē lava ua salamo moni e faaolaina.

25 E a ea, e te manatu ea e mafai e le alofa mutimutivale ona faoa le afaamasinotonu? Ou te fai atu ia te oe, E leai; e leai sina iota e tasi. Afai o lea, po ua le toe avea le Atua ma Atua.

26 Ma e faapea ona faataunuu e le Atua ona afaamoemoega tetele ma faavavau, ia sa saunia emai le faavaega o le lalolagi. Ma e faapea ona o’o mai o le faaolataga ma le togiolaina o tagata, ma lo latou faafanoga ma lo latou pagatia foi.

27 O lea, lo’u atalii e, asoo se tasi e fia sau, e mafai ona sau ma inu saoloto i vai o le ola; ma soo se tasi e le fia sau, o ia lava lea ua le faamalosia e sau; ae i le aso gataaga, o le a etoefuatai mai ia te ia e tusa ma ana igaluega.

28 Afai sa manao o ia e fai le aleaga, ma sa le’i salamo i ona aso, faauta, o le a faia le leaga ia te ia, e tusa ma le toefuataiga a le Atua.

29 Ma o lenei, lo’u atalii e, ou te manao ia e tuu nei mea ia le toe faalavelave ia te oe, ae ia na’o au agasala ia e popole i ai, le popole lena e aumai ai oe i lalo i le salamo.

30 E, lo’u atalii e, ou te manao ia e le toe faafitia le faamasinotonu a le Atua. Aua e te taumafai e tauamiotonuina oe lava i se mataupu itiiti ona o au agasala, i lou faafitia o le faamasinotonu o le Atua; ae ia aua le avea le faamasinotonu a le Atua, ma lona alofa mutimutivale, ma lona tali-tiga e tosina atoa ai lou loto; ma ia e tuu lenei mea e ave ifo ai oe i lalo i le efuefu i le alotomaualalo.

31 Ma o lenei, lo’u atalii e, ua valaauina oe e le Atua e te tala’i atu le upu i lenei nuu. Ma o lenei, lo’u atalii e, alu ia i lou ala, ta’u atu le upu ma le faamaoni ma le mamalu, ina ia mafai ona e aumai o agaga i le salamo, ina ia mafai ona maua e le fuafuaga tele o le alofa mutimutivale le aafiaga ia i latou. Ma ia alofa le Atua ia tuuina mai ia te oe e tusa ai ma a’u upu. Amene.