O Le Tusi a Iaroma

1 O Lenei faauta, o a’u o Iaroma, ou te tusia ni nai upu itiiti e tusa ma le poloaiga a lo’u tamā, o Enosa, ina ia mafai ona tausia lo matou ^agafa.

2 Ma ona o le ^alaiti o ^enei papatusi, ma ona ua ⁱtusia nei mea mo le faamoemoe mo le manuia o o matou uso o sa ^oLamanā, o le mea lea e tatau ai ona ou tusia na’o ni nai mea itiiti; peitai o le a ou lē tusia mea e uiga i a’u valoaga, po o a’u faaaliga. Ona o se a se isi mea e sili atu e mafai ona ou tusia nai lo mea ua tusia e o’u tamā? Auā pe latou te lei faaali mai ea le fuafuaga o le faaolataga? Ou te fai atu ia te outou, Ioe; ma ua lava lea ia te a’u.

3 Faauta, e tele mea e tatau ona faia i totonu o lenei nuu, ona o le maaa o o latou loto, ma le tutuli o o latou taliga, ma le tauaso o o latou mafaufau, ma le ^amalō o o latou ūa; ae ui i lea, o loo alofa mutimutivale tele mai pea le Atua ia te i latou, ma e lei ^etafieseina lava i latou mai luga o le laueleele.

4 Ma e toatele o i ai i totonu o i matou o e ua maua ^afaaaliga e tele, ona ua latou lē ua maaa uma. Ma o le toatele o e sa lē ua maaa ma ua faatuatua, sa ^emafuta ma le Agaga Paia, o lē na te faaali mai mea i le fanauga a tagata, e tusa ma lo latou faatuatua.

5 Ma o lenei, faauta, ua lua selau tausaga ua mavae atu, ma ua faasolo malolosi le nuu o Nifae i le laueleele. Sa latou tausisi e ^atausi le tulafono a Mose ma le ^easo sapati ua paia i le Alii. Ma sa latou lē ⁱupuvale; pe sa latou ^ofaifai. Ma sa matuā mamalu lava tulafono o le laueleele.

6 Ma sa taapeape i latou i luga o le tele o le fogaeleele, ma sa Lamanā foi. Ma sa sili atu lo latou toatele nai lo i latou o sa Nifaē; ma sa latou fiafia i le ^afasioti tagata ma inu le toto o manu.

7 Ma sa oo ina latou o mai i le tele o taimi e faasagatau mai ia te i matou, o sa Nifaē. Peitai o o matou ^atupu ma o matou taitai o ni tagata malolosi i le faatuatua i le Alii; ma sa latou aoaoina le nuu i ala o le Alii; o le mea lea na matou tetee atu ai ia sa Lamanā ma tafi ese i latou mai o ^ematou laueleele, ma amata ona matou tu’i’olo faamalolosi o matou aai, po o soo se nofoaga lava o lo matou tofi.

8 Ma sa matou matuā uluuluola tele lava, ma salalau atu i luga o le laueleele, ma matuā mau’oa tele i le auro, ma le ario, atoa ma mea taua, ma mea matagofie e faia i laau, i fale, ma i masini, ma i u’amea ma le kopa foi, ma le apamemea ma le sila, ma fai ai ituaiga o mea faigaluega eseese uma e galueaiina ai le eleele, ma ^aauupega o taua—ioe, o le ufanafana mata ma’ai, ma le utu, ma le velo, ma le tao, ma sauniuniga uma mo taua.

9 Ma ona sa faapea ona matou saunia e faafetaia’i sa Lamanā, o lea sa latou lē manumalo ai ia te i matou. Ae sa faamaonia le afioga a le Alii, na fetalai mai e ia i o matou tamā, e faapea: E tusa ai ma la outou tausiga o a’u poloaiga, o le a outou manuia i le laueleele.

10 Ma sa oo ina faamata’u e perofeta a le Alii le nuu o Nifae, e tusa ma le afioga a le Atua, e faapea afai latou te lē tausia poloaiga, ae pa’u’ū atu i le solitulafono, o le a ^afaaumatia i latou mai luga o le fogaeleele.

11 O le mea lea, sa galulue ai ma le filigā perofeta, ma faitaulaga, ma aoao, e apoapoai atu i tagata ma le tali-tiga atoa ia filigā; ma latou aoao atu le ^atulafono a Mose, ma le faamoemoe na tuuina mai ai; ma faatauanau atu ia te i latou ia latou ^etepa taulai i luma i le Mesia, ma talitonu o le a afio mai o ia e ⁱpeiseai ua uma ona afio mai o ia. Ma sa faapea le ala sa latou aoaoina ai i latou.

12 Ma sa oo ina o le faia o lea mea sa latou puipuia ai i latou mai le ^afaaumatiaina i luga o le fogaeleele, ona sa latou ^etuia o latou loto i le afioga, ma uunai pea i latou ia salamo.

13 Ma sa oo ina mavae atu le lua selau tolu sefulu ma le valu o tausaga—e tusa ai ma ala o taua, ma finauga, ma fevaevaeaiga, mo le va o se taimi tele lava.

14 Ma o a’u, o Iaroma, ou te lē toe tusia ni isi mea, ona ua laiti papatusi. Ae faauta, o’u uso e, e mafai ona outou silasila i ^aisi papatusi a Nifae; auā faauta, ua togitogia i luga o i latou talafaamaumau o a matou taua, e tusa ma tusitusiga a tupu, po o tala sa latou faatonuina ia tusia.

15 Ma ou te tuu atu nei papatusi i lima o lo’u atalii, o Ominae, ina ia tausia i latou e tusa ma ^apoloaiga a o’u tamā.