1 Ma o lenei, o a’u, o Nifae, ou te lē tuuina atu le gafa o o’u tamā i le ^avaega lenei o la’u talafaamaumau; pe ou te tuuina atu i soo se taimi o mulimuli mai i luga o nei ^epapatusi o loo ou tusia; ona ua tuuina atu i le talafaamaumau sa tausia e lo’u ⁱtamā; o le mea lea, ou te lē tusia ai i lenei tusi.

2 Ona ua faamalieina a’u e fai atu o i matou o ni isi e tupuga mai ia ^aIosefa.

3 Ma e le afaina ia te a’u pe faapitoa ona ou tuu atu o se tala atoa o mea uma a lo’u tamā, ona e le mafai ona tusia ia mea i luga o ^apapatusi nei, ona ou te manaomia le avanoa e mafai ona ou tusia ai mea a le Atua.

4 Ona o le atoatoa o lo’u faamoemoe ia mafai ona ou ^afaatauanauina tagata ia ^eo mai i le Atua o Aperaamo, ma le Atua o Isaako, ma le Atua o Iakopo, ma faaolaina ai.

5 O le mea lea, o mea e ^afiafia i ai le lalolagi ou te lē tusia, ae o mea e fiafia i ai le Atua ma i latou o e e lē o ni o le lalolagi.

6 O le mea lea, ou te tuu atu ai se poloaiga i a’u fanau, ia latou lē faatumuina nei papatusi i mea e lē aoga i le fanauga a tagata.