1 Ma o le a oo mai, pe afai e faalogo ^aNuuese i le Tamai Mamoe a le Atua i lena aso o le a ia faaali mai ai o ia lava ia te i latou i le upu, ma i le ^emana foi, ma i galuega lava, i le aveesea o o latou ⁱmaa tu’ia—

2 Ma lē faamaaaina o latou loto e faasaga i le Tamai Mamoe a le Atua, o le a faitauina i latou i totonu o fanau a lou tamā; ioe, o le a ^afaitauina i latou i totonu o le aiga o Isaraelu; ma o le a avea i latou ma ^etagata faamanuiaina e faavavau i luga o le laueleele na folafolaina; o le a lē toe aumaia i latou i le faatagataotauaina; ma o le a lē toe lē mautonu ai le aiga o Isaraelu.

3 Ma o lena ^alua tele, lea sa eli mo i latou e lena ekalesia tele ma le inosia, lea sa faavae e le tiapolo ma ana fanau, ina ia mafai ona taitai ese e ia agaga o tagata i lalo i seoli—ioe, lena lua tele lea na eli mo le faaumatiaina o tagata, o le a faatumuina ia te i latou lava o e na elia, mo lo latou faaumatiaga atoa, ua fetalai mai ai le Tamai Mamoe a le Atua; e lē o le faaumatiaga o le agaga, ae o lona lafoina lea i totonu o lena ^eseoli lea ua leai se iuga.

4 Aua faauta, ua tusa lenei ma le faatagataotauaina a le tiapolo, ma tusa foi ma le faamasinotonu o le Atua, i luga o i latou uma o e e faia amioleaga ma mea inosia i ona luma.

5 Ma sa oo ina fetalai mai le agelu ia te a’u, o Nifae, e faapea: Ua e iloa atu afai e salamo Nuuese o le a lelei ia te i latou; ma ua e iloa foi e uiga i feagaiga a le Alii i le aiga o Isaraelu; ma sa e faalogo foi ’ai se e lē ^asalamo o le a fano o ia.

6 O lea, ^aoi talofa i Nuuese pe afai latou te faamaaa o latou loto e faasaga i le Tamai Mamoe a le Atua.

7 Aua e oo mai le taimi, ua fetalai mai ai le Tamai Mamoe a le Atua, o le a Ou faia ai se ^agaluega tele ma le ofoofogia i totonu o le fanauga a tagata; o se galuega o le a tumau e faavavau, a lē i le tasi itu o le isi itu—a lē mo le faatalitonuina o i latou i le filemu ma le ^eola e faavavau, o le tuuina atu lea o i latou i le maaa o o latou loto ma le tauaso o o latou mafaufau e aumai ai i latou i le faatagataotauaina, ma le faafanoga foi, faaletino ma faaleagaga, e tusa ma le ⁱfaatagataotauaina a le tiapolo, lea sa Ou tautala atu ai.

8 Ma sa oo ina ua uma ona fofogaina e le agelu nei upu, sa fetalai mai o ia ia te a’u: E te manatua ^afeagaiga a le Tamā i le aiga o Isaraelu? Sa ou fai atu ia te ia, Ioe.

9 Ma sa oo ina fetalai mai o ia ia te a’u: Vaai ia, ma tagai i lena ekalesia tele ma le inosia, le faatinā lea o mea inosia, o lona faavae o le ^atiapolo.

10 Ma sa fetalai mai o ia ia te a’u: Faauta, ua na o le ^alua lava ekalesia; o le tasi o le ekalesia a le Tamai Mamoe a le Atua, ma le ^etasi o le ekalesia a le tiapolo; o le mea lea, ’ai se ua lē i ai i le ekalesia a le Tamai Mamoe a le Atua, ua i ai o ia i lena ekalesia tele, le tinā lea o mea inosia; ma o ia lea o le ⁱfafine talitane o le lalolagi atoa.

11 Ma sa oo ina ou vaai ma iloa atu le fafine talitane o le lalolagi atoa, ma sa nofo o ia i luga o ^avai e tele; ma sa ia te ^eia le pule i luga o le lalolagi atoa, i totonu o atunuu uma, ituaiga, gagana, ma nuu.

12 Ma sa oo ina ou vaai atu i le ekalesia a le Tamai Mamoe a le Atua, ma sa ^atoaitiiti lona aofai, ona o le amioleaga ma mea inosia a le fafine talitane o lē sa nofo i luga o vai e tele; ae ui i lea, sa ou vaai o le ekalesia a le Tamai Mamoe, o i latou ia o le au paia a le Atua, ua i ai foi i latou i luga o le ^efogaeleele atoa; ma sa itiiti a latou pule’aga i luga o le fogaeleele, ona o le amioleaga tele o le fafine talitane o lē sa ou vaai i ai.

13 Ma sa oo ina ou vaai atu ua faapotopoto faatasi e le tinā tele o mea inosia, motu o tagata i luga o le fogaeleele atoa, i totonu o atunuu uma o Nuuese, e ^atau faasaga i le Tamai Mamoe a le Atua.

14 Ma sa oo ina o a’u, o Nifae, sa vaai i le mana o le Tamai Mamoe a le Atua, ua alu ifo i luga o le au paia o le ekalesia a le Tamai Mamoe, ma luga o le nuu o le feagaiga a le Alii, o e sa faataapeapeina i luga o le fogaeleele atoa; ma sa faaauupegaina i latou i le amiotonu ma le ^amana o le Atua i le mamalu tele.

15 Ma sa oo ina ou vaai ua ^afaatetele le toasa o le Atua i luga o lena ekalesia tele ma le inosia, ua fai ma mea ua i ai taua ma tala o taua i totonu o ^eatunuu ma ituaiga uma o le lalolagi.

16 Ma ina ua amata ona i ai o ^ataua ma tala o taua i totonu o atunuu uma e o le tinā o mea inosia, sa fetalai mai le agelu ia te a’u, e faapea: Faauta, ua i ai i luga o le tinā o fafine talitane le toasa o le Atua; ma faauta, ua e vaai i nei mea uma—

17 Ma a oo mai le ^aaso e sasaa ifo ai le ^etoasa o le Atua i luga o le tinā o fafine talitane, le ekalesia tele ma le inosia lea o le lalolagi atoa, o lona faavae o le tiapolo, ona, amata ai lea, i lena aso, le ⁱgaluega a le Tamā, i le sauniaina o le ala mo le faataunuuina o ana ^ofeagaiga, ia na ia faia i lona nuu o e o le aiga o Isaraelu.

18 Ma sa oo ina fetalai mai le agelu ia te a’u, e faapea: Vaai ia!

19 Ma sa ou vaai ma iloa atu se tagata, ma sa ofu o ia i se ofu talaloa pa’epa’e.

20 Ma sa fetalai mai le agelu ia te a’u: Faauta i se ^atasi o aposetolo e toasefululua a le Tamai Mamoe.

21 Faauta, o ia o le a vaai ma tusia le vaega o totoe o nei mea; ioe, ma le tele foi o mea sa i ai.

22 Ma o le a tusi foi o ia e uiga i le iuga o le lalolagi.

23 O le mea lea, o mea o le a tusia e ia ua tonu ma moni; ma faauta, ua tusia ia mea i le ^atusi sa e vaai ua sau mai le fofoga o le Iutaia; ma i le taimi na o mai ai ia mea mai le fofoga o le Iutaia, po o, i le taimi na oo mai ai le tusi mai le fofoga o le Iutaia, o mea sa tusia ai sa malamalama ma manino, ma ^esili ona pele ma faigofie i le malamalamaaga o tagata uma.

24 Ma faauta, o mea o le a tusia e lenei ^aaposetolo a le Tamai Mamoe o le tele ia o mea na e vaai i ai; ma faauta, o mea o totoe o le a e vaai i ai.

25 Ae o mea o le a e vaai i ai pe a mavae le taimi nei aua ne’i e tusia; ona ua faauuina e le Alii le Atua le aposetolo a le Tamai Mamoe a le Atua e tatau ona ^atusia i latou e ia.

26 Ma o isi foi o e sa i ai, sa faaali atu i ai e ia ia te i latou mea uma, ma ua latou tusia i latou; ma ua ^afaamauina i latou ina ia oo mai i lo latou manino, e tusa ma le upumoni o loo i ai i le Tamai Mamoe, i le taimi tatau ai a le Alii lava ia, i le aiga o Isaraelu.

27 Ma o a’u, o Nifae, sa ou faalogo ma ou molimauina, o le igoa o le aposetolo a le Tamai Mamoe, o ^aIoane, e tusa ma le upu a le agelu.

28 Ma faauta, o a’u, o Nifae, ua faasa ona ou tusia o mea ua totoe o mea sa ou vaai i ai ma faalogoina; o le mea lea o mea ua ou tusia ua lava ia te a’u; ma ua ou tusia na o se vaega itiiti o mea sa ou vaai i ai.

29 Ma ou te molimau atu sa ou vaai i mea sa vaai i ai lo’u ^atamā, ma o le agelu a le Alii na ia faailoa mai i latou ia te a’u.

30 Ma o lenei ou te faaiu le tautala atu e faatatau i mea na ou vaai i ai a’o segia ese atu a’u i le Agaga; ma afai ua lē tusia mea uma na ou vaai i ai, o mea ua ou tusia ua ^amoni. Ma ua faapea lava. Amene.