1 Ma o mea uma nei sa vaai, ma faalogo, ma tautala i ai lo’u tamā, a’o nofo o ia i se faleie, i le ^avanu o Lemuelu, ma le tele atu foi o nisi mea, e le mafai ona tusia i luga o papatusi nei.

2 Ma o lenei, e pei ona ou tautala atu e uiga i papatusi nei, faauta e le o papatusi nei ua ou faia ai se tala atoa o le talafaasolopito o lo’u nuu; ona o ^apapatusi ua ou faia ai se tala atoa o lo’u nuu ua ou faaigoaina o Nifae; o le mea lea, ua ta’ua ai o papatusi a Nifae, ua faaigoaina i lo’u lava igoa; ma o papatusi nei ua ta’ua foi o papatusi a Nifae.

3 Ae ui i lea, ua ou maua se poloaiga mai le Alii e tatau ona ou faia papatusi nei, mo le ^afaamoemoega faapitoa ia i ai se tala e togitogia o le ^eauaunaga a lo’u nuu.

4 I luga o isi papatusi e tatau ona togitogia ai se tala o nofoaiga a tupu, ma taua ma finauga a lo’u nuu; o le mea lea o papatusi nei o le vaega tele ua faatatau i le auaunaga a lo’u nuu; ma o ^aisi papatusi o le vaega tele ua faatatau i nofoaiga a tupu ma taua ma finauga a lo’u nuu.

5 O le mea lea, na poloaiina ai a’u e le Alii ia ou faia nei papatusi mo se ^afaamoemoega poto o ia te ia, o se faamoemoega ou te lē iloa.

6 Ae ua ^asilafia e le Alii mea uma mai le amataga; o le mea lea, ua saunia ai e ia se ala e faataunuu ai ana galuega uma i totonu o le fanauga a tagata; aua faauta, ua ia te ia le ^emana uma e faataunuu ai ana fetalaiga uma. Ma ua faapea lava. Amene.