1 Aua faauta, sa oo ina fetalai mai le Alii i lo’u tamā, ioe, i se miti lava, ma fetalai mai ia te ia: Amuia oe, Liae, ona o mea ua e faia; ma ona sa e faamaoni ma tautino atu i lenei nuu mea na Ou poloaiina ai oe, faauta, ua latou saili e ^aaveese lou ola.

2 Ma sa oo ina ^apoloaiina e le Alii lo’u tamā, i se ^emiti lava, e tatau ia te ia ona ⁱave lona aiga ma o ese atu i le vao.

3 Ma sa oo ina ^ausitai o ia i le afioga a le Alii, o le mea lea na faia ai e ia e pei ona poloaiina ai o ia e le Alii.

4 Ma sa oo ina alu ese atu o ia i le vao. Ma sa tuua e ia lona fale, ma le fanua o lona tofi, ma ana auro, ma ana ario, ma ana mea taua, ma sa lē avea e ia se mea, vagana ai lona aiga, ma mea manaomia, ma faleie, ma ^ao ese atu i le vao.

5 Ma sa alu ifo o ia i lalo i tafatafa o tuaoi e latalata i le matafaga o le ^aSami Ulaula; ma sa malaga o ia i le vao i tuaoi e latalata lava i le Sami Ulaula; ma sa malaga o ia i le vao faatasi ma lona aiga, sa i ai lo’u tinā, o Sarai, ma o’u uso matutua, o ^eLamana, Lemuelu, ma Sama.

6 Ma sa oo ina ua mavae aso e tolu talu ona malaga o ia i le vao, sa faatu e ia lona faleie i se ^avanu i tafatafa o se vaitafe.

7 Ma sa oo ina faia e ia se ^afatafaitaulaga i ^emaa, ma osi ai se taulaga i le Alii, ma avatu le ⁱfaafetai i le Alii lo matou Atua.

8 Ma sa oo ina faaigoa e ia le vaitafe, o Lamana, ma sa tafe atu i le Sami Ulaula; ma o le vanu sa i tuaoi latalata i lona mulivai.

9 Ma ina ua vaai atu lo’u tamā ua tafe atu vai o le vaitafe i le punavai o le Sami Ulaula, sa tautala atu o ia ia Lamana, e faapea: E, ma’umau e pe a na mafai ona pei oe o lenei vaitafe, e tafe atu pea i le punavai o le amiotonu uma!

10 Ma sa tautala atu foi o ia ia Lemuelu: E, ma’umau e pe a na mafai ona pei oe o lenei vanu, e tumau ma mausali, ma lē maluelue i le tausiga o poloaiga a le Alii!

11 O lenei sa tautala atu o ia i nei mea ona o le ua maaa o Lamana ma Lemuelu; aua faauta sa ^amuimui i laua i lo laua ^etamā i mea e tele, ona o ia o se ⁱtagata mau faaaliga, ma ua taitai ese e ia i latou mai le laueleele o Ierusalema, ae tuu le fanua o lo latou tofi, ma a latou auro, ma a latou ario, ma a latou mea taua, ia fano i le vao. Ma sa fai mai i laua ua faia e ia lenei mea ona o mafaufauga valea o lona loto.

12 Ma sa faapea ona muimui o Lamana ma Lemuelu, o e ua matutua, i lo laua tamā. Ma sa muimui i laua ona sa laua lē ^ailoa le finagalo o lena Atua o lē na foafoaina i laua.

13 E lei talitonu foi i laua e mafai ona ^afaaumatia lena aai tele, o Ierusalema, e tusa ma upu a perofeta. Ma sa pei i laua o tagata Iutaia o e sa i Ierusalema, o e na saili e aveese le ola o lo’u tamā.

14 Ma sa oo ina tautala atu lo’u tamā ia te i laua i le vanu o Lemuelu, ma le ^amana, ona sa tumu o ia i le Agaga, seia oo ina ^egatete o laua tino i ona luma. Ma sa ia faafememea’iina i laua, ua le mafai ai e i laua ona tautatala mai ia te ia; o le mea lea, sa laua faia ai e pei ona sa poloaiina ai i laua e ia.

15 Ma sa nofo lo’u tamā i se faleie.

16 Ma sa oo ina o a’u, o Nifae, ona sa ou talavou lava, ae ui i lea sa ou tino ese, ma sa ia te a’u foi le naunau tele e fia iloa ^amealilo a le Atua, o le mea lea, na ou tagi atu ai i le Alii; ma faauta sa ^easiasi mai o ia ia te a’u, ma ⁱfaamalūlūina lo’u loto, o le mea lea na ou ^otalitonu ai i upu uma na tautalaina e lo’u ^utamā; o le mea lea na ou lē fouvale ai e faasaga ia te ia e pei o o’u uso.

17 Ma sa ou tautala atu ia Sama, ma faailoa atu ia te ia mea na faaali mai e le Alii ia te a’u e ala mai i lona Agaga Paia. Ma sa oo ina talitonu o ia i a’u upu.

18 Ae, faauta, sa lē fia faalogo mai Lamana ma Lemuelu i a’u upu; ma ona o lo’u ^afaanoanoa ona o le maaa o o laua loto, sa ou tagi atu ai i le Alii mo i laua.

19 Ma sa oo ina fetalai mai le Alii ia te a’u, ua faapea mai: Amuia lava oe, Nifae, ona o lou ^afaatuatua, ona ua e saili mai ia te a’u ma le filiga, ma le maualalo o le loto.

20 Ma e tusa ai ma lou tausia o a’u poloaiga, o le a e ^amanuia, ma o le a taitai atu oe i se ^elaueleele o le folafolaga; ioe, o se laueleele lava ua Ou saunia mo oe; ioe, o se laueleele ua silisili atu i isi laueleele uma.

21 Ma e tusa ai ma le fouvale o ou uso ia te oe, o le a ^avavae ese i laua mai luma o le Alii.

22 Ma e tusa ai ma lau tausiga o a’u poloaiga, o le a fai oe o se ^apule ma se aoao i ou uso.

23 Aua faauta, i lena aso la te fouvale faasaga mai ai ia te a’u, Ou te ^afetuu ai i laua i se fetuu tiga, ma o le a leai sa laua pule i au fanau vagana ai ua latou fouvale mai foi ia te a’u.

24 Ma afai e oo ina faapea ona latou fouvale mai ia te a’u, o le a fai i laua ma ^asasa i au fanau, e ^efaaoso ai i latou i ala o le manatuaga.