1 Ma sa oo ina fetalai mai le agelu ia te a’u, e faapea: Vaai ia! Ma sa ou vaai ma iloa atu atunuu ma malo e tele.

2 Ma sa fetalai mai le agelu ia te a’u: O le a le mea ua e iloa atu? Ma sa ou fai atu: Ua ou iloa atu atunuu ma malo e tele.

3 Ma sa fetalai mai o ia ia te a’u: O atunuu ma malo ia o Nuuese.

4 Ma sa oo ina ou vaaia i totonu o atunuu o ^aNuuese le faavaeina o se ^eekalesia tele.

5 Ma sa fetalai mai le agelu ia te a’u: Faauta i le faavaeina o se ekalesia ua sili ona inosia i isi ekalesia uma, lea ua ^afaaumatia le au paia a le Atua, ioe, ma faataugā ia te i latou ma noatia i latou i lalo, ma fusia i latou i se ^eamo u’amea, ma faatoilaloina i latou faatagataotaua.

6 Ma sa oo ina ou iloa atu lenei ^aekalesia tele ma le inosia; ma sa ou vaai o le ^etiapolo o ia lea na faavaeina.

7 Ma sa ou vaai foi i ^aauro, ma ario, ma silika, ma ’ie mūmū, ma ’ie lino miloa lelei, ma ituaiga uma o ofu taugata; ma sa ou vaai i fafine talitane e toatele.

8 Ma sa fetalai mai le agelu ia te a’u, e faapea: Faauta i le auro, ma le ario, ma silika, ma ’ie mūmū, ma ’ie lino miloa lelei, ma ofu taugata, ma fafine talitane, o ^anaunautaiga ia o lenei ekalesia tele ma le inosia.

9 Ma o viiga foi o le lalolagi ua latou ^afaaumatia ai le au paia a le Atua, ma faatoilaloina i latou faatagataotaua.

10 Ma sa oo ina ou vaai ma iloa atu vai e tele; ma sa vavaeese ai Nuuese mai fanau a o’u uso.

11 Ma sa oo ina fetalai mai le agelu ia te a’u: Faauta ua i luga o fanau a ou uso le toasa o le Atua.

12 Ma sa ou vaai ma iloa atu se tagata i totonu o Nuuese, o lē sa vavaeeseina mai le fanau a o’u uso e vai e tele; ma sa ou vaai i le ^aAgaga o le Atua, ua afio ifo ma ua galue i luga o lea tagata; ma sa alu atu o ia i luga o vai e tele, seia oo atu lava i le fanau a o’u uso, o e sa i le laueleele na folafolaina.

13 Ma sa oo ina ou vaai i le Agaga o le Atua, ua galue o ia i luga o isi tagata o Nuuese; ma sa latou o ese mai le faatagataotauaina, i luga o vai e tele.

14 Ma sa oo ina ou vaaia ^amotu e tele o tagata o Nuuese i luga o le ^elaueleele o le folafolaga; ma sa ou vaaia le toasa o le Atua, ua i luga o le fanau a o’u uso; ma sa ⁱfaataapeapeina i latou i luma o Nuuese ma sa fasia.

15 Ma sa ou vaai i le Agaga o le Alii, ua i luga o Nuuese; ma ua latou manuia ma ua fai le ^alaueleele ma o latou tofi; ma sa ou vaai ua papa’e i latou, ma ua sili ona lalelei ma ^eaulelei, e pei lava o o’u tagata ae le’i ⁱfasiotia i latou.

16 Ma sa oo ina vaaia e a’u, o Nifae, Nuuese o e na o ese mai le faatagataotauaina, sa latou faamaualaloina i latou lava i luma o le Alii; ma sa faatasi le mana o le Alii ma i ^alatou.

17 Ma sa ou vaai ua faapotopoto faatasi o latou tinā o Nuuese i luga o vai, ma luga foi o le laueleele, e tau faasaga ia te i latou.

18 Ma sa ou vaai ua faatasi le mana o le Atua ma i latou, ma ua i luga foi o i latou uma o e sa faapotopoto faatasi e faasagatau mai ia te i latou, le toasa o le Atua.

19 Ma o a’u, o Nifae, sa ou vaai atu i Nuuese ia sa o ese mai le faatagataotauaina, ua ^alaveaiina e le mana o le Atua mai lima o isi atunuu uma.

20 Ma sa oo ina vaai atu a’u, o Nifae, ua latou manuia i le laueleele; ma sa ou vaaia se ^atusi, ma sa auina atu i totonu ia te i latou.

21 Ma sa fetalai mai le agelu ia te a’u: E te iloa le uiga o le tusi?

22 Ma sa ou fai atu ia te ia: Ou te lē iloa.

23 Ma sa fetalai mai o ia: Faauta ua sau le tusi mai le fofoga o se tagata Iutaia. Ma o a’u, o Nifae, sa ou vaai i ai; ma sa fetalai mai o ia ia te a’u: O le ^atusi ua e vaai atu i ai o se ^etalafaamaumau lea o ⁱtagata Iutaia, ua i ai i totonu feagaiga a le Alii, na ia faia i le aiga o Isaraelu; ma ua i ai foi i totonu le tele o valoaga a perofeta paia; ma o se talafaamaumau e pei o togitogiga ua i ai i luga o ^opapatusi apamemea, ae ua lē tele naua; ae ui i lea, ua i ai i totonu o i latou feagaiga a le Alii, ia na ia faia i le aiga o Isaraelu; o le mea lea, ua aoga tele ai i latou i Nuuese.

24 Ma sa fetalai mai le agelu a le Alii ia te a’u: Sa e vaai o lena tusi sa sau mai le fofoga o se tagata Iutaia; ma ina ua sau mai le fofoga o se tagata Iutaia, sa i ai le atoatoa o le talalelei a le Alii, o lē ua molimau i ai le au aposetolo e toasefululua; ma ua latou molimau e tusa ma le upumoni o loo i ai i le Tamai Mamoe a le Atua.

25 O le mea lea, ua auina atu ai nei mea mai tagata ^aIutaia i le mamā i ^eNuuese, e tusa ma le upumoni o loo i le Atua.

26 Ma ina ua uma ona auina atu o ia mea e ala i le lima o le au aposetolo e toasefululua a le Tamai Mamoe, mai tagata Iutaia ^ai Nuuese, sa e vaai i le faavaega o lena ^eekalesia ⁱtele ma le inosia, lea ua silisili ona inosia i lo isi ekalesia uma; aua faauta, ua latou ^oaveese mai le talalelei a le Tamai Mamoe le tele o vaega ia ua ^umanino ma sili ona pele; ma e tele foi feagaiga a le Alii ua latou aveese.

27 Ma ua latou faia lenei mea uma ina ia latou faasese ai ala sa’o o le Alii, ina ia latou faatauaso ai mata ma faamaaa ai loto o le fanauga a tagata.

28 O le mea lea, ua e vaai ina ua uma ona tuuina atu le tusi e auala atu i lima o le ekalesia tele ma le inosia, e tele mea manino ma pele ua aveesea mai le tusi, o le tusi lea e uiga i le Tamai Mamoe a le Atua.

29 Ma ina ua uma ona aveesea o ia mea manino ma pele, ua alu atu le tusi i atunuu uma o Nuuese; ma ina ua uma ona alu atu o le tusi i atunuu uma o Nuuese, ioe, e oo lava i tala atu o vai e tele sa e vaai i ai faatasi ma Nuuese o e sa o ese atu mai le faatagataotauaina, sa e vaai—ona o le tele o mea manino ma pele ua aveesea mai le tusi, ia sa manino i le malamalamaaga o le fanauga a tagata, e tusa ma le manino lea o loo i le Tamai Mamoe a le Atua—ona o ia mea ua aveesea mai le talalelei a le Tamai Mamoe, ua matua toatele lava ua tautevateva, ioe, ua oo ina maua ai e Satani le mana tele i luga o i latou.

30 Ae ui i lea, sa e vaai o Nuuese o e na o ese atu mai le faatagataotauaina, ma ua sii a’e e le mana o le Atua i luga o isi atunuu uma, i luga o le fogaeleele lea ua silisili ona lelei i isi laueleele uma, o le laueleele lea sa osifeagaiga ai le Alii le Atua ma lou tamā o le a fai e ana fanau ma ^alaueleele o lo latou tofi; o le mea lea, ua e vaai e lē tuuina e le Alii le Atua ia matua faaumatia lava e Nuuese au fanau ^etoto-filogia, ua i ai i totonu o ou uso.

31 E le tuua foi e ia ia ^afaaumatia e Nuuese le fanau a ou uso.

32 E le tuua foi e le Alii le Atua ia tumau pea e faavavau Nuuese i lena tulaga leaga tele o le tauaso, lea ua e vaai ua latou i ai, ona o vaega manino ma sili ona pele o le talalelei a le Tamai Mamoe ua taofia i tua e lena ^aekalesia inosia, o lona faavaega sa e vaai i ai.

33 O le mea lea ua fetalai mai ai le Tamai Mamoe a le Atua: O le a Ou alofa mutimutivale i Nuuese, i le asia o le vaega o totoe o le aiga o Isaraelu i le faamasinoga tele.

34 Ma sa oo ina fetalai mai le agelu a le Alii ia te a’u, e faapea: Faauta, ua fetalai mai le Tamai Mamoe a le Atua, a uma ona Ou asiasi atu i le vaega o ^atotoe o le aiga o Isaraelu—ma o lenei vaega o e ua Ou tautala i ai o le fanau lea a lou tamā—o le mea lea, a uma ona Ou asiasi atu ia te i latou i le faamasinoga, ma taia i latou i le lima o Nuuese, ma a mavae ona ^etautevateva tele o Nuuese, ona o vaega sili ona manino ma pele o le ⁱtalalelei a le Tamai Mamoe sa taofia i tua e lena ekalesia inosia, le tinā lea o fafine talitane, ua fetalai mai ai le Tamai Mamoe—o le a Ou alofa mutimutivale i Nuuese i lena aso, e oo lava ina o le a Ou ^oaumai ia te i latou, i lo’u lava mana, le tele o la’u talalelei, lea o le a manino ma pele, ua fetalai mai ai le Tamai Mamoe.

35 Aua, faauta, ua fetalai mai le Tamai Mamoe: O le a Ou faaali atu a’u lava i au fanau, ma o le a latou tusia le tele o mea o le a Ou aoao atu ia te i latou, ia o le a manino ma pele; ma a uma ona faaumatia o au fanau, ma faaitiitia i le lē talitonu, ma fanau foi a ou uso, faauta, o le a ^anatia nei mea, ia oo mai i Nuuese, e ala mai i le meaalofa ma le mana o le Tamai Mamoe.

36 Ma o le a tusia i totonu o i latou la’u ^atalalelei, ua fetalai mai ai le Tamai Mamoe, ma la’u ^epapa ma la’u olataga.

37 Ma ^aamuia lava i latou o e e saili e aumai la’u ^eSiona i lena aso, ona o le a latou maua le ⁱmeaalofa ma le mana o le Agaga Paia; ma afai latou te ^otumau e oo i le iuga o le a siitia a’e i latou i luga i le aso gataaga, ma o le a faaolaina i le ^umalo tumau e faavavau o le Tamai Mamoe; ma o ai se tasi o le a ^ffolafola atu le filemu, ioe, o tala o le olioli tele, o le a matagofie naua i latou i luga o mauga.

38 Ma sa oo ina ou vaai i le vaega o totoe o le fanau a o’u uso, ma le ^atusi foi e uiga i le Tamai Mamoe a le Atua, lea na sau mai le fofoga o le Iutaia, ua sau mai Nuuese ^ei le vaega o totoe o le fanau a o’u uso.

39 Ma ina ua uma ona oo mai o le tusi ia te i latou sa ou vaaia isi ^atusi, na oo mai e ala mai i le mana o le Tamai Mamoe, mai Nuuese ia te i latou, mo le ^efaatalitonuina o Nuuese ma le vaega o totoe o le fanau a o’u uso, ma tagata Iutaia foi o e ua faataapeapeina i luga o le fogaeleele, e faapea ua ⁱmoni talafaamaumau a perofeta ma aposetolo e toasefululua a le Tamai Mamoe.

40 Ma sa fetalai mai le agelu ia te a’u, e faapea: O ^atalafaamaumau mulimuli nei, na e vaai atu i ai i totonu o Nuuese, o le a ^efaamaonia ai le moni o ⁱtalafaamaumau muamua, ia e mai aposetolo e toasefululua a le Tamai Mamoe, ma o le a faailoa mai ai mea manino ma pele na aveesea mai ia i latou; ma o le a faailoa atu ai i ituaiga, gagana, ma tagata uma, o le Tamai Mamoe a le Atua o le Alo lea o le Tamā Faavavau, ma o le ^oFaaola o le lalolagi; ma e ao i tagata uma ona o mai ia te ia, pe e lē mafai ona faaolaina i latou.

41 Ma e tatau ona latou o mai e tusa ma afioga o le a faatuina e le fofoga o le Tamai Mamoe; ma o afioga a le Tamai Mamoe o le a faaali mai i talafaamaumau a au fanau, faapea foi i talafaamaumau a aposetolo e toasefululua a le Tamai Mamoe; o le mea lea o le a faatuina i la’ua uma ua ^atasi; ona e ^etasi le Atua ma e tasi le ⁱLeoleo Mamoe i luga o le lalolagi atoa.

42 Ma e oo mai le taimi o le a faaali atu ai e ia o ia lava i atunuu uma, i ^aIutaia ma i Nuuese foi; ma a uma ona faaali atu e ia o ia lava i Iutaia ma i Nuuese foi, ona ia faaali atu lea o ia lava i Nuuese ma i Iutaia foi, ma o lē e ^emulimuli o le a muamua, ma o lē e ⁱmuamua o le a mulimuli.