1 Ma sa oo ina o sa Nifaē o e sa le’i ^afasiotia i auupega o taua, ina ua uma ona tanumia i latou na fasiotia—o lenei o le aofai o e na fasiotia sa lē mafai ona faitauina, ona o le toatele na’uā o lo latou aofai—ina ua uma ona latou tanumia o o latou tagata oti, sa latou toe foi uma atu i o latou laueleele, ma o latou fale, ma a latou avā, ma a latou fanau.

2 O lenei e toatele fafine ma tamaiti sa fasiotia i le pelu, ma le tele foi o a latou lafu ma a latou fagaga; ma sa tele foi a latou faatoaga saito sa faaleagaina, ona sa soli i lalo e autau a tagata.

3 Ma o lenei o le toatele o sa Lamanā ma sa Amilikī o e na fasiotia i luga o le auvai o le vaitafe o Saitonu, sa lafoa’iina i ^avai o Saitonu; ma faauta o o latou ivi ua i ai i le loloto o le ^esami, ma ua tele lava i latou.

4 Ma sa tulaga ese ^asa Amilikī mai sa Nifaē, ona sa latou ^efaailoga i latou lava i le lanu mūmū i o latou muaulu, e tusa ma le tu a sa Lamanā; ae ui i lea sa lei selemoleina o latou ulu, e pei o sa Lamanā.

5 O lenei sa selemole ulu o sa Lamanā; ma sa ^alē lavalavā i latou, vaganā ai se pa’u manu sa fusi faataamilo i o latou sulugatiti, ma o o latou ofutau foi, sa fusi faataamilo ia te i latou, ma a latou aufana, ma a latou ufanafana, ma a latou maa, ma a latou maata, ma isi mea faapena.

6 Ma o pa’u o sa Lamanā sa uliuli, e tusa ma le faailoga na tuu i luga o o latou tamā, o se ^afetuu na tuu i o latou luga ona o lo latou solitulafono ma lo latou fouvale faasaga i o latou uso, o e o Nifae, Iakopo, ma Iosefa, ma Sama, o e o ni tagata amiotonu ma paia.

7 Ma sa saili o latou uso e faaumatia i latou, o lea na fetuu ai i latou; ma ua tuuina e le Alii le Atua se ^afaailoga i luga o i latou, ioe, i luga o Lamana ma Lemuelu, ma atalii foi o Isamaeli, ma fafine Isamaelī.

8 Ma sa faia lenei mea ina ia mafai ona faailoga ese a latou fanau mai fanau a o latou uso, ina ia mafai ona faasaoina ai e le Alii le Atua ona tagata, ina ia lē mafai ona ^afefiloi i latou ma talitonu i ^euputuu sesē, ia e mautinoa ai lo latou faatafunaga.

9 Ma sa oo ina faapea o soo se tasi lava sa fefaaipoipoa’i ana fanau ma fanau a sa Lamanā na aumai ai lea lava fetuu i luga o ana fanau.

10 O lea, o soo se tasi na te tuu atu o ia lava ia ta’ita’i ese e sa Lamanā, sa ta’ua i lalo o lena igoa, ma sa i ai se faailoga sa tuu i ona luga.

11 Ma sa oo ina faapea o soo se tasi sa lē fia talitonu i ^auputuu a sa Lamanā, ae sa talitonu i talafaamaumau ia na avea’e mai le laueleele o Ierusalema, ma uputuu foi a o latou tamā, ia na sa’o, o e sa talitonu i poloaiga a le Atua ma tausi i ai, sa ta’ua o sa Nifaē, po o le nuu o Nifae, mai lena taimi ma le agai i luma—

12 Ma o i latou ia o e na tausia talafaamaumau ^amoni o o latou tagata, ma tagata foi o sa Lamanā.

13 O lenei o le a tatou toe foi atu i tagata sa Amilikī, ona sa i ai foi se ^afaailoga sa tuu i luga o i latou; ioe, sa latou tuu lea faailoga i luga o i latou lava, ioe, o se faailoga mūmū i luga o o latou muaulu.

14 Ua faapea ona faataunuu ai o le afioga a le Atua, ona o afioga nei na ia fetalai mai ai ia Nifae: Faauta, ua ou fetuuina sa Lamanā, ma o le a ou tuuina se faailoga i luga o i latou, ina ia mafai ona vavae ese o i latou ma a latou fanau, mai ia te oe ma au fanau, mai le taimi nei ma le agai i luma ma le faavavau, vaganā ai ua latou salamo i a latou amioleaga, ma ^aliliu mai ia te au, ina ia mafai ona ou alofa mutimutivale ia i latou.

15 Ma lenei: O le a ou tuuina se faailoga i luga o ia o lē na te fefaaipoipoa’i lana fanau ma ou uso, ina ia fetuuina foi i latou.

16 Ma lenei: O le a ou tuuina se faailoga i luga o ia o lē e faasagatau mai ia te oe ma lau fanau.

17 Ma lenei, ou te fai atu o ia o lē e alu ese mai ia te oe, e lē toe ta’ua o sau fanau; ma o le a ou faamanuiaina oe, ma soo se tasi o le a ta’ua o au fanau, mai le taimi nei ma le faavavau; ma o folafolaga nei a le Alii ia Nifae ma ana fanau.

18 O lenei sa lē iloa e sa Amilikī ua latou faataunuuina afioga a le Atua, ina ua amata ona latou faailoga o i latou lava i o latou muaulu; ae ui i lea sa latou o mai e faaali atu le ^afouvale e faasaga i le Atua; o lea sa tatau ai ona pa’ū ifo o le fetuu i o latou luga.

19 O lenei ou te manao ia outou vaai e faapea na latou aumaia le ^afetuu i o latou lava luga; ma e faapea foi ona aumai e tagata taitoatasi ua fetuuina i ona lava luga lona lava ta’usalaga.

20 O lenei sa oo ina sa le’i tele ni aso ina ua mavae le taua lea sa tau i le laueleele o Sara’emila, e sa Lamanā ma sa Amilikī, sa i ai se tasi autau a sa Lamanā sa oo mai i le nuu o Nifae, i le nofoaga lava lea e ^atasi na fetaia’i ai le autau muamua ma sa Amilikī.

21 Ma sa oo ina sa i ai se autau sa auina atu e tutuli ese i latou mai lo latou laueleele.

22 O lenei, ona sa mafatia Alema lava ia i se ^amanu’a, o lea sa lē alu atu ai o ia e tau i le taimi lea e faasaga ia sa Lamanā;

23 Ae sa ia auina atu se autau toatele e faasaga ia te i latou; ma sa latou o atu ma fasioti le toatele o sa Lamanā, ma tutuli ese e na totoe o i latou, mai tuaoi o lo latou laueleele.

24 Ma ona latou toe foi mai ai lea ma amata ona faatupuina o le filemu i le laueleele, ma lē toe faalavelavea ai mo se taimi e o latou fili.

25 O lenei o nei mea uma sa faia, ioe, o nei taua uma ma finauga na amata ma faai’u i le lona lima o tausaga o le nofoa’iga a faamasino.

26 Ma i le tausaga e tasi na auina atu ai le afe ma afe ma sefulu o afe o agaga i le lalolagi faavavau, ina ia mafai ona latou selesele o latou ^ataui e tusa ma a latou galuega, pe sa lelei pe sa leaga, e selesele le fiafia e faavavau po o le pagatia e faavavau, e tusa ma le agaga sa latou filifili e usiusitai i ai, pe o se agaga lelei po o se agaga leaga.

27 Auā e maua e tagata taitoatasi ^ataui a ia o lē e filifili e ^eusiusitai i ai, ma e tusa ai lea ma upu a le agaga o valoaga; o lea ia faia ai lava e tusa ma le upumoni. Ma sa faapea ona i’u o le lona lima o tausaga o le nofoa’iga a faamasino.