Alema 29

Mataupu 29

Ua manao Alema e talai atu le salamo ma le finafinau tele faaagelu—Ua tuuina mai e le Alii faiaoga mo atunuu uma—Ua mitamita Alema i le galuega a le Alii ma le manuia o le galuega a Amona ma ona uso. E tusa o le 76 T.L.M.

1 E, pe ana o au o se agelu, ma mafai ona ou maua le moomooga o loʼu loto, ina ia mafai ona ou alu atu ma tautala atu ma le pu a le Atua, ma i se leo e luluina ai le eleele, ma alaga atu le salamo i tagata uma!

2 Ioe, po ua ou alaga atu i agaga uma taitoatasi, i se leo e pei o le faititili, le salamo ma le fuafuaga o le togiolaina, ina ia latou salamo ma ao mai i lo tatou Atua, ina ia le toe i ai se faanoanoa i luga o le lalolagi uma.

3 Ae faauta, o au o se tagata, ma ua ou agasala i loʼu manao; ona e tatau ona ou malie i mea ua tuuina mai e le Alii ia te au.

4 E le tatau ona ou lagā i luga i ou manaʼo le poloai mausali a le Atua amiotonu, ona ua ou iloa e tuu mai e ia i tagata e tusa ma o latou amanao, pe mo le oti pe mo le ola; ioe, ua ou iloa e tuu mai e ia i tagata, ioe, e poloai mai e ia ia te i latou poloaiga e le masuia, e tusa ma o latou eloto, pe mo le olataga i latou, pe mo le faafanoga.

5 Ioe, ma ua ou iloa ua oo mai le lelei ma le leaga i luma o tagata uma; o ia o le ua ia le iloaina le lelei mai le leaga ua le tausalaina; ae o ia o le ua ia ailoaina le lelei ma le leaga, e tuuina mai ia te ia e tusa ma ona manao, pe manao o ia i le lelei po o le leaga, le ola po o le oti, le olioli po o le faanoanoa o le emafaufau.

6 O lenei, ona ua vaai ua ou iloa nei mea, aisea ou te manao tele ai nai lo le faia o le galuega ua valaauina ai au?

7 Aisea ou te manao ai pe a na o au o se agelu, ina ia mafai ona ou tautala atu ai i tuluiga uma o le lalolagi?

8 Aua faauta, ua tuuina mai e le Alii i aatunuu uma, ni isi o lo latou lava atunuu ma egagana, latou te aoao atu lana afioga, ioe, i le poto, mea uma ua ia isilafia e tatau ona latou maua; o lea ua tatou vaai ai e faatonu mai le Alii i le poto, e tusa ma le mea ua tonu ma moni.

9 Ua ou iloa le mea ua poloaiina ai au e le Alii, ma ua ou mitamita ai. Ou te le amitamita ona o au lava ia, ae ou te mitamita i le mea ua poloaiina ai au e le Alii; ioe, ma o lou mitamitaga lenei, atonu ia mafai ona avea au o se auupega i aao o le Atua e aumai ai se agaga i le salamo; ma o lou olioli lea.

10 Ma faauta, a ou vaai atu i le toatele o ou uso ua salamo faamaoni, ma ua o mai i le Alii lo latou Atua, ona faatumulia lea o lou agaga i le olioli; ona ou manatua lea o amea na faia e le Alii mo au, ioe, e oo lava i le faafofogaina e ia o lau tatalo; ioe, ona ou manatua lea o lona aao alofa mutimuti tele na ia faaloaloa mai ia te au.

11 Ioe, ma ou te manatua foi le faatagataotauaina o ou tamā; ona ua ou iloa moni lava sa laveaiina i latou e le aAlii mai le pologa, ma o lenei mea na ia faatuina ai lana ekalesia; ioe, o le Alii le Atua, o le Atua o Aperaamo, o le Atua o Isaako, ma le Atua o Iakopo, na laveaiina i latou mai le pologa.

12 Ioe, ua ou manatua pea le faatagataotauaina o ou tamā; ma o lena lava Atua e tasi o le na alaveaiina i latou mai lima o tagata Aikupito, na laveaiina i latou mai le pologa.

13 Ioe, ma o lena lava Atua e tasi na faatuina lana ekalesia i totonu o i latou; ioe, ma o lena lava Atua na valaauina au i se valaauga paia, e talai atu le afioga i lenei nuu, ma tuuina mai ia te au le manuia tele, o se mea ua atoatoa ai lou aolioli.

14 Peitai ua le nao lou lava manuia ua ou olioli ai, ae ua sili atu le atoatoa o lou olioli ona o le amanuia o ou uso, o e na o ae i le laueleele o Nifae.

15 Faauta, sa latou galulue malolosi, ma ua latou aumai fua e tele; ma o le a tele lava lo latou taui!

16 O lenei, pe a ou mafaufau i le manuia o ou uso nei e segia ese atu lou agaga, ua oo lava e peiseai ua vavae ese atu ai mai le tino, i le tele naua o lou olioli.

17 Ma o lenei ia talosia lava ia tuuina mai e le Atua ia te i latou nei, o ou uso, ia mafai ona latou nonofo i lalo i le malo o le Atua; ioe, ma i latou uma foi o e o fua o a latou galuega, ina ia latou le toe ulufafo atu, ae ia mafai ona latou viia o ia e faavavau; ma ia talosia lava ia tuuina mai e le Atua ia faia e tusa ma au upu, e pei lava ona ou tautala atu ai. Amene.