Alema 20

Mataupu 20

Ua auina atu e le Alii Amona i Mitonae e laveai ona uso sa falepuipui—Ua feiloai Amona ma Lamonae ma le tamā o Lamonae, o le o le tupu i luga o le laueleele atoa—Ua faamalosi e Amona le tupu matua ia faataga mai le tatalaina o ona uso. E tusa o le 90 T.L.M.

1 Ma sa oo ina ua uma ona latou faatuina se aulotu i lena laueleele, sa manao le tupu o Lamonae ia Amona la te o faatasi ma ia i le laueleele o Nifae, ina ia mafai ona ia faailoa atu o ia i lona tamā.

2 Ma sa oo mai le siufofoga o le Alii ia Amona, ua fetalai mai: Aua e te alu aʼe i le laueleele o Nifae, aua faauta, o le a saili e le tupu lou ola; ae ia e alu i le laueleele o Mitonae; aua faauta, o lou uso o Arona, ma Muloki foi ma Ama, ua i ai i le falepuipui.

3 O lenei sa oo ina ua faalogo Amona i lenei mea, sa ia fai atu ia Lamonae: Faauta, o loʼu uso ma le au uso, ua i ai i le falepuipui i Mitonae, ma ou te alu ina ia mafai ona ou laveaiina i latou.

4 O lenei sa fai mai Lamonae ia Amona: Ua ou iloa, e mafai ona e faia o mea uma i le amalosi o le Alii. Ae faauta, o le a ou alu atu faatasi ma oe i le laueleele o Mitonae; ona o le tupu o le laueleele o Mitonae, o lona igoa o Anetiomino, o se uo ia te au; o lea ou te alu atu ai i le laueleele o Mitonae, ina ia mafai ona ou faalupelupeina le tupu o le laueleele, ma o le a ia tatala ai i fafo ou uso mai le efalepuipui. O lenei sa fai mai Lamonae ia te ia: O ai na ia tau atu ia te oe ua i ai ou uso i le falepuipui?

5 Ma sa fai atu Amona ia te ia: E leai se tasi na ia tau mai ia te au, vagana ai le Atua; ma sa ia fetalai mai ia te au—Alu e laveai ou uso, ona ua i ai i latou i le falepuipui i le laueleele o Mitonae.

6 O lenei ina ua faalogo mai Lamonae i lenei mea, sa ia faatonu atu ia saunia e ana auauna ana asolofanua ma ana kariota.

7 Ma sa ia fai mai ia Amona: Maliu mai ia, o le a ou alu atu faatasi ma oe i le laueleele o Mitonae, ma o le a ou aioi atu i le tupu iina o le a ia tatala mai ai i fafo ou uso mai le falepuipui.

8 Ma sa oo ina aʼo malaga atu Amona ma Lamonae iina, sa latou fetaui ma le tamā o Lamonae, o le sa tupu i luga o le alaueleele atoa.

9 Ma faauta, sa fai mai le tamā o Lamonae ia te ia: Aisea na e le sau ai i le aaiga i le aso tele lena na ou faia ai se aiga mo oʼu atalii uma, ma mo loʼu nuu?

10 Ma sa ia fai mai foi: O fea o le a e alu i ai ma lenei sa Nifaē, o se tasi o fanau a se tagata apepelo?

11 Ma sa oo ina faamatala atu e Lamonae ia te ia le mea o loo ia alu atu i ai, ona sa fefe o ia e faaita ia te ia.

12 Ma sa ia faamatala atu foi ia te ia le pogai atoa o lona nofo ai pea i lona lava malo, na ia le alu atu ai i lona tamā i le aiga lea na ia sauniaina.

13 Ma o lenei ina ua uma ona faamatala atu e Lamonae nei mea uma ia te ia, faauta, i lona ofo tele, sa ita mai lona tamā ia te ia, ma fai mai: Lamonae, o le a e alu atu e laveai nei sa Nifaē, o e o atalii o se tagata pepelo. Faauta, na ia faoa o tatou tamā; ma o lenei ua o mai foi ana fanau i totonu o i tatou ina ia mafai, e ala i lo latou faitogafiti ma a latou pepelo, ona latou faasese i tatou, ina ia mafai ona latou toe faoa i tatou ia tatou meatotino.

14 O lenei sa faatonu mai le tamā o Lamonae ia te ia, ia ona fasioti Amona i le pelu. Ma sa ia faatonu mai foi ia te ia, ia aua neʼi alu atu o ia i le laueleele o Mitonae, ae ia toe foi atu o ia faatasi ma ia i le laueleele o aIsamaeli.

15 Peitai sa fai atu Lamonae ia te ia: Ou te le fasiotia Amona, pe ou te toe foi atu i le laueleele o Isamaeli, ae ou te alu i le laueleele o Mitonae ina ia mafai ona ou tatalaina uso o Amona, ona ua ou iloa o i latou o ni tagata amiotonu ma ni perofeta paia a le Atua moni.

16 O lenei ina ua faalogo mai lona tamā i nei upu, sa ita o ia ia te ia, ma sa ia sei lana pelu ina ia mafai ona ia taiaina o ia i le eleele.

17 Ae sa tu atu Amona ma fai atu ia te ia: Faauta, aua e te fasioti i lou atalii; e ui i lea, e asili ona lelei pe a pau o ia nai lo oe, aua faauta, ua esalamo o ia i ana agasala; ae afai e te pau i le taimi nei, i lou ita, e le mafai ona faaolaina lou agaga.

18 O lenei foi, e tatau lava ona e onosai; ona afai e te afasioti i lou atalii, ona o ia o se tagata le sala, o le a tagi aʼe lona toto mai le eleele i le Alii lona Atua, mo se tauimasui ia oo mai i ou luga; ma atonu o le a fano ai lou eagaga.

19 O lenei ina ua uma ona fai atu e Amona nei upu ia te ia, sa ia tali mai ia te ia, fai mai: Ua ou iloa afai ou te fasiotia loʼu atalii, o le a ou faamaligiina le toto le sala; aua o oe lea ua saili e faaumatia o ia.

20 Ma sa ia faaloloa mai lona lima e fasioti Amona. Peitai sa talitali e Amona ana ta, ma ia ta foi lona lima sa le mafai ai ona ia faaaogaina.

21 O lenei ina ua vaai atu le tupu e mafai e Amona ona fasioti o ia, sa amata ona ia aioi mai ia Amona ia faasaoina e ia lona ola.

22 Peitai sa sii e Amona lana pelu, ma fai atu ia te ia: Faauta, o le a ou taiaina oe vagana ai ua e tuu mai ia te au ia mafai ona ou tatalaina i fafo oʼu uso mai le falepuipui.

23 O lenei o le tupu, i le fefe nei aveeseina lona ola, ua fai mai: Afai e te faasaoina au, o le a ou tuu atu ia te oe soo se mea e te fai mai ai, e oo lava i le afa o le malo.

24 O lenei ina ua vaai atu Amona ua ia uunaia le tupu matua e tusa ma lona manao, sa ia fai atu ia te ia: Afai e te tuu mai ia mafai ona tatala i fafo oʼu uso mai le falepuipui, ma ia taofi foi e Lamonae lona malo, ma ia aua e te toatamai ia te ia, ae tuu mai ia mafai ona ia faia e tusa ai ma ona lava manao i asoo se mea e mafaufau i ai o ia, ona ou faasaoina lea o oe; a leai o le a ou taiaina oe i le eleele.

25 O lenei ina ua uma ona fai atu e Amona nei upu, sa amata ona olioli le tupu mo lona ola.

26 Ma ina ua ia vaai atu ua leai se manao ia Amona e faaumatia o ia, ma ina ua ia vaai foi i le alofa tele o ia i lona atalii o Lamonae, sa ofo tele o ia, ma fai mai: Talu ai ona ua pau nei o mea ua e manao i ai, ia ou tatalaina ou uso, ma tuu atu ia taofi pea e lou atalii o Lamonae lona malo, faauta, o le a ou tuu atu ia te oe ia taofi pea e loʼu atalii lona malo mai i le taimi nei ma le faavavau; ma o le a ou le toe pulea o ia—

27 Ma o le a ou tuu atu foi ia te oe ia mafai ona tatala i fafo ou uso mai le falepuipui, ma ia mafai ona o mai o oe ma ou uso ia te au, i loʼu malo; ona o le a ou fia vaai tele ia te oe. Ona sa ofo tele le tupu i upu na ia tautala atu ai, ma upu foi na tautala atu ai lona atalii o Lamonae, o lea na ia amanao ai e aoao i ai.

28 Ma sa oo ina faaauau e Amona ma Lamonae la laua malaga agai i le laueleele o Mitonae. Ma sa talileleia Lamonae i le silafaga a le tupu o le laueleele; o lea na aumai ai i fafo uso o Amona mai le falepuipui.

29 Ma ina ua feiloai Amona ma i latou sa faanoanoa tele o ia, ona faauta sa le lavalava i latou, ma sa aiaia tetele o latou pau ona sa saisaia i maea malolosi. Ma sa mafatia foi i latou i le fia ʼai, fia inu, ma ituaiga uma o puapuaga; e ui i lea sa latou aonosai i o latou mafatiaga uma.

30 Ma, e pei ona tupu, o lo latou lafo le pauu atu i lima o ni tagata sili ona maaa ma ua maaa; o lea sa latou le fia faalogo ai ia latou upu, ma latou tutuli ese ai i latou i fafo, ma sasa i latou, ma tutuli i latou mai lea fale i lea fale, ma mai i lea mea i lea mea, seia oo ina latou taunuu mai i le laueleele o Mitonae; ma o iina na ave ai i latou ma lafo i le falepuipui, ma saisai i amaea malolosi, ma taofi i latou i le falepuipui mo aso e tele, ma laveai mai ai e Lamonae ma Amona.