Tusitusiga Paia
Alema 14


Mataupu 14

Ua falepuipui ma sasaina Alema ma Amoleka—Ua susunu i le afi e na talitonu faatasi ma a latou tusitusiga paia—Ua talia e le Alii nei maturo i le mamalu—Ua vete ma pa’u’ū i lalo pa o le falepuipui—Ua lavea’iina Alema ma Amoleka, ma ua fasiotia e na sauaina i laua. E tusa o le 82–81 T.L.M.

1 Ma sa oo ina ua uma ona ia faaiu ona tautala atu i tagata, sa toatele i latou sa talitonu i ana upu, ma amata ona salamo, ma suesue i atusitusiga paia.

2 Peitai o le vaega toatele atu o i latou, sa mananao ia mafai ona latou fasioti ia Alema ma Amoleka; ona sa latou feita ia Alema, ona o le atuusa’o atu o ana upu ia Seseroma; ma sa latou fai mai foi ua epepelo atu Amoleka ia te i latou, ma ua ia faifai e faasaga i la latou tulafono ma faasaga foi ia latou loia ma faamasino.

3 Ma sa latou feita foi ia Alema ma Amoleka; ma talu ai ona sa la’ua molimau manino atu e faasaga ia latou amioleaga, sa latou saili e fasioti faalilolilo i la’ua.

4 Peitai sa oo ina latou le faia; ae sa latou ave i la’ua ma ua saisai ia te i la’ua i maea malolosi, ma ave i la’ua i luma o le faamasino sili o le laueleele.

5 Ma sa o atu tagata ma molimau faasaga ia te i la’ua—ua molimau atu e faapea ua la faifai e faasaga i le tulafono, ma o latou loia ma faamasino o le laueleele, ma tagata uma foi sa i le laueleele; ma e faapea sa la molimau mai foi ua na’o le tasi le Atua o i ai, ma e faapea o le a ia auina mai lona Alo i totonu o tagata, ae o le a ia le faaolaina i latou; ma le tele o mea faapena sa molimau atu ai tagata e faasaga ia Alema ma Amoleka. O lenei sa faia lenei mea i luma o le faamasino sili o le laueleele.

6 Ma sa oo ina faate’ia Seseroma i upu sa tautalagia; ma sa ia iloa foi e uiga i le faatauasoina o mafaufau, lea na ia faatupuina i totonu o tagata i ana upu pepelo; ma sa amata ona aatuatuvale tele lona agaga i lona eiloa o lana lava agasala; ioe, sa amata ona siomia o ia i tigā o seoli.

7 Ma sa oo ina amata ona ia tagi atu i tagata, ua faapea atu: Faauta, ua ’ou asala, ma o nei alii ua le ponā i luma o le Atua. Ma sa amata ona ia aioi atu mo i la’ua mai i lena taimi ma agai atu i le lumanai; peitai sa latou faifai ia te ia, fai mai: Pe ua ulutinoina foi oe e le tiapolo? Ma sa latou tuufeanu ia te ia, ma etuli ese o ia mai totonu o i latou, ma i latou uma foi o e na talitonu i upu na tautatala atu ai Alema ma Amoleka; ma sa latou tutuli ese i latou i fafo, ma sa auina mai tagata e fetogi i latou i maa.

8 Ma sa latou aumai faatasi a latou avā ma fanau, ma o soo se tasi sa talitonu pe sa a’oa’oina ia talitonu i le afioga a le Atua, sa latou faatonu ia lafo i latou i le afi; ma sa latou aumai foi a latou talafaamaumau sa i ai i totonu tusitusiga paia, ma lafo foi i latou i le afi, ina ia susunuina ai ma faaumatia i le afi.

9 Ma sa oo ina latou ave Alema ma Amoleka, ma auina atu i la’ua i le nofoaga o le faamaturoga, ina ia la molimauina le faaumatiaga o i latou o e na susunuina i le afi.

10 Ma ina ua vaai atu Amoleka i tigā o fafine ma fanau o e na susunu i le afi, sa tigā foi o ia; ma sa ia fai atu ia Alema: E mafai faapefea ona ta vaai atu i lenei vaaiga matautia? O lea, ia ta faaloaloa atu o ta lima, ma faaaoga le amana o le Atua lea ua ia te i ta’ua, ma lavea’i i latou mai apeafi mumū.

11 Peitai sa fai atu Alema ia te ia: Ua vaoia a’u e le Agaga ia aua ne’i ou faaloaloa atu lo’u lima; auā faauta ua aveina a’e i latou e le Alii ia te ia lava, i le amamalu; ma ua ia tuuina ia mafai ona latou faia lenei mea, po ua mafai e tagata ona faia lenei mea ia te i latou, e tusa ma le maaa o o latou loto, ina ia tonu efaamasinoga o le a ia faia i luga o i latou i lona to’asā; ma o le a fai le itoto o e ua omamā o se molimau e faasaga ia te i latou, ioe, ma alaga leotele mai e faasaga ia te i latou i le aso gataaga.

12 O lenei sa fai mai Amoleka ia Alema: Faauta, atonu o le a latou susunuina foi i ta’ua.

13 Ma sa fai atu Alema: Ia faia lava e tusa ai ma le finagalo o le Alii. Ae faauta, e le’i uma la ta galuega; o lea latou te le susunuina ai i ta’ua.

14 O lenei sa oo ina ua uma ona mu o tino o i latou o e na lafo i le afi, faapea ma talafaamaumau foi ia na lafo i le afi faatasi ma i latou, sa sau le faamasino sili o le laueleele ma ua tu i luma o Alema ma Amoleka, a’o noanoatia i la’ua; ma ua ia taia i la’ua i lona lima i o la’ua alafau, ma fai mai ia te i la’ua: Ona o mea ua oulua vaai i ai, pe lua te toe tala’i atu ea i lenei nuu, o le a lafo i latou i se alepa afi ma le teio?

15 Faauta, ua oulua vaai ua leai se mana ua ia te oulua e lavea’i ai i latou o e na lafo i le afi; pe na lavea’iina foi i latou e le Atua ona o i latou o la oulua faatuatuaga. Ma sa toe taia i la’ua e le faamasino i o la’ua alafau, ma fesili mai: O le a sa oulua faamatalaga mo oulua lava?

16 O lenei o lea faamasino sa mulimuli i le faatulagaga ma le faatuatuaga a aNe’oa, o lē na fasiotia Kitiona.

17 Ma sa oo ina sa le’i tali atu Alema ma Amoleka ia te ia i se mea e tasi; ma sa ia toe taia i la’ua, ma tuu atu i la’ua i leoleo e lafo i le falepuipui.

18 Ma ina ua mavae aso e tolu talu ona lafo o i la’ua i le falepuipui, sa o ane ni aloia e toatele, ma faamasino, ma faitaulaga, ma a’oa’o, o e sa auai i le faatuatuaga a Ne’oa; ma sa latou o atu i totonu o le falepuipui e vā’ai ia te i la’ua, ma sa latou fesiligia i la’ua e uiga i upu e tele; peitai sa la’ua le tali atu ia i latou i se mea.

19 Ma sa oo ina tula’i mai le faamasino i o la’ua luma ma fai mai: Aisea lua te le tali mai ai i upu a lenei nuu? Lua te le iloa ea ua ia te a’u le mana e tuu atu ai oulua e lafo i apeafi mumū? Ma sa ia faatonuina i la’ua ia tautatala mai; peitai sa le’i tali atu i la’ua i se mea e tasi.

20 Ma sa oo ina latou o ese atu ma o atu i o latou ala, ae sa latou toe o ane i le aso na sosoo ai; ma sa toe taia foi i la’ua e le faamasino i o la’ua alafau. Ma sa toatele foi na o ane, ma taia i la’ua, ua fai mai: Pe lua te toe tutū ea ma faamasino i lenei nuu, ma ta’uleaga la matou tulafono? Afai ua ia te oulua se mana tele faapena aisea lua te le alavea’i ai oulua lava?

21 Ma e tele mea faapena sa latou fai mai ai ia te i la’ua, ma le lilivau o o latou nifo ia te i la’ua, ma tuufeanu i o la’ua luga, ma fai mai: E faape’ī o matou foliga pe a faasalaina i matou?

22 Ma e tele mea faapena, ioe, ituaiga o mea uma faapena sa latou fai mai ia te i la’ua; ma sa faapena ona latou tauemu ia te i la’ua mo aso e tele. Ma sa latou taofi meaai mai ia te i la’ua ina ia la’ua fia aai, faapea ma vai ina ia la’ua fia feinu; ma sa latou aveese foi mai ia te i la’ua o la’ua ofu ma sa la le lavalavā ai; ma sa faapea ona saisaia o i la’ua i maea malolosi, ma tuu i le falepuipui.

23 Ma sa oo ina ua mavae ona mafatia i la’ua faapea mo aso e tele, (ma o le aso sefulu lua, o le masina lona sefulu, i le lona sefulu o tausaga o le nofoa’iga a faamasino i le nuu o Nifae) sa o atu ai le faamasino sili i luga o le nuu o Amonaea ma le toatele o o latou a’oa’o ma o latou loia i le falepuipui, lea sa saisaia ai Alema ma Amoleka i maea.

24 Ma sa tula’i le faamasino sili i o la’ua luma, ma toe taia i la’ua, ma fai atu ia te i la’ua: Afai ua ia te oulua le mana o le Atua, ia oulua lavea’i ia te oulua lava mai nei fusi, ona matou talitonu ai lea o le a faaumatia e le Alii le nuu lenei e tusa ma a oulua upu.

25 Ma sa oo ina latou o atu uma ma taia i la’ua, ma fai atu upu lava e tasi, seia oo lava i le tagata mulimuli; ma ina ua uma ona tautala atu o le tagata mulimuli ia te i la’ua sa oo ifo le amana o le Atua i luga o Alema ma Amoleka, ma sa la tutula’i a’e ma tutū i luga i o la’ua vae.

26 Ma sa alaga atu Alema, ua faapea atu: O le a le umi ma te onosaia ai nei apuapuaga tetele, le Alii e? Le Alii e, ia tuu mai ia te i ma’ua le malosi e tusa ma lo ma’ua faatuatua ua ia Keriso, seia lavea’iina ai i ma’ua. Ona la motusi ai lea o maea sa saisai ai i la’ua; ma ina ua vaai mai tagata i lenei mea, sa amata ona latou sosola, ona ua oo mai i o latou luga le mata’u i le faafanoga.

27 Ma sa oo ina sa matuā tele lava lo latou matata’u ma sa latou pa’u’ū ifo i le eleele, ma sa latou le oo atu i le faitotoa i fafo o le afalepuipui; ma sa matuā luluina tele le eleele, ma sa nuti puipui o le falepuipui, sa latou pa’u’ū i le eleele; ma o le faamasino sili, ma loia, ma faitaulaga, ma a’oa’o, o e na taiaina Alema ma Amoleka, sa fasiotia i le pa’ū o le falepuipui.

28 A’o Alema ma Amoleka, sa o mai i fafo o le falepuipui, ma sa le faamanu’alia i la’ua; ona sa tuu mai e le Alii ia te i la’ua le mana, e tusa ma lo la’ua faatuatua sa ia Keriso. Ma sa o mai sa’o i la’ua i fafo o le falepuipui; ma ua atatalaina i la’ua mai i o la’ua noanoataga; ma ua pa’ū le falepuipui i le eleele, ma o tagata uma sa i totonu o ona puipui, vaganā ai Alema ma Amoleka, sa fasiotia; ma sa la o atu sa’o loa lava i le aai.

29 O lenei ina ua faalogo mai tagata i se gogolo tele, sa latou taufetuli mai faatasi i motu o tagata e fia iloa lona pogai; ma ina ua latou vaai mai ia Alema ma Amoleka ua o mai i fafo o le falepuipui, ma ua pa’u‘ū i le eleele ona puipui, sa taia i latou i le mata’u tele, ma sa sosola ese mai luma o Alema ma Amoleka e pei ona sola ese se ’oti ma lana tama mai ni leona se lua; ma sa faapea ona latou sosola ese mai luma o Alema ma Amoleka.