Tusitusiga Paia
Alema 18


Mataupu 18

Ua manatu le Tupu o Lamonae o Amona o le Agaga Silisili lea—Ua a’oa’o atu e Amona le tupu e uiga i le Foafoaga, o feutaga’iga a le Atua ma tagata, ma le togiola e oo mai e ala mai ia Keriso—Ua talitonu Lamonae ma ua pa’ū ifo i le eleele e pei ua oti. E tusa o le 90 T.L.M.

1 Ma sa oo ina faatonu atu le tupu o Lamonae ia tutula’i mai ana auauna ma molimau mai i mea uma ia sa latou vaai i ai e uiga i le mataupu.

2 Ma ina ua uma ona latou molimau atu i mea na latou vaai i ai, ma ua iloa ai e ia le faamaoni o Amona i le faasaoina o ana lafu manu, ma e uiga foi i lona mana tele i le tauiviga faasaga ia te i latou o ē na saili e fasioti ia te ia, sa ofo tele o ia, ma fai mai: E moni lava, ua sili atu lenei nai lo o se tagata. Faauta, pe le o le Agaga Silisili ea lenei o lē ua ia auina mai faasalaga matautia faapea i luga o lenei nuu, ona o lo latou fasioti tagata?

3 Ma sa latou tali atu i le tupu, ma fai atu: Pe o ia o le Agaga Silisili po o se tagata, matou te le iloa; ae ona pau lenei o le mea ua matou iloa, e ale mafai ona fasiotia o ia e fili o le tupu; pe mafai foi ona latou faasalalauina o lafu manu a le tupu pe a faatasi o ia ma i matou, ona o lona atamai ma lona malosi tele; o lea, ua matou iloa ai o ia o se uo a le tupu. Ma o lenei, le tupu e, matou te lē talitonu ua i ai i se tagata se mana tele faapea, ona ua matou iloa e le mafai ona fasiotia o ia.

4 Ma o lenei, ina ua uma ona faalogo mai o le tupu i nei upu, sa ia fai mai ia te i latou: Ua ou iloa nei o ia o le Agaga Silisili; ma ua afio mai o ia i le taimi nei e faasao o outou ola, ina ia le mafai ona ou afasioti ia te outou e pei ona sa ou faia i o outou uso. O lenei o le Agaga Silisili lenei o lē na tautalatala i ai o tatou tamā.

5 O lea o le uputuu lenei a Lamonae, lea na ia maua mai i lona tamā, e faapea ua i ai se aAgaga Silisili. Peitai e ui ina sa latou talitonu i se Agaga Silisili, sa latou manatu o soo se mea sa latou faia ua sa’o; ae ui i lea, sa amata ona mata’u tele Lamonae, i le fefe ne’i meaane ua ia faia le mea sesē i le fasiotia o ana auauna;

6 Auā sa ia fasiotia le toatele o i latou ona sa faasalalauina e o latou uso a latou lafu manu i le nofoaga o le vai; ma o lea, na fasiotia ai i latou ona sa latou tuu a latou lafu manu ia faasalalauina.

7 O lenei sa avea ma masani a nei sa Lamanā le tutū i tafatafa o vai o Sevusa e faasalalau lafu manu a tagata, ina ia mafai ona latou tutuli ese atu ai i o latou lava laueleele le tele o manu e faasalalauina, ona o se masani lea o le faia o le vete i totonu o i latou.

8 Ma sa oo ina fesili mai le tupu o Lamonae i ana auauna, e faapea: O fea o i ai lenei tagata ua i ai lena mana tele faapea?

9 Ma sa latou fai atu ia te ia: Faauta, o loo fafaga e ia au solofanua. O lenei sa poloaiina e le tupu ana auauna, a’o le’i oo i le taimi e faainu ai a latou lafu manu, ia latou saunia ana solofanua ma kariota, ma momoli atu o ia i le laueleele o Nifae; ona sa i ai se taumafataga tele sa atofa e faia i le laueleele o Nifae, e le tamā o Lamonae, o lē sa tupu i le laueleele uma.

10 O lenei ina ua faalogo mai le tupu o Lamonae o loo sauni e Amona ana solofanua ma ana kariota sa atili ofo o ia, ona o le faamaoni o Amona, ua faapea mai: E moni e le’i i ai lava se auauna i totonu o a’u auauna uma sa faamaoni e pei o lenei tagata; ona e oo lava i a’u poloaiga uma ua ia manatua ia faia i latou.

11 O lenei ua ou iloa moni lava o le Agaga Silisili lenei; ma ou te manao ia te ia ia sau i totonu ia te a’u, ae ou te fefe.

12 Ma sa oo ina ua uma ona saunia e Amona o solofanua ma kariota mo le tupu ma ana auauna, sa alu atu o ia i totonu i le tupu, ma sa vaai atu o ia ua sui foliga o le tupu; o lea na ia sauni ai e toe foi ese mai ona luma.

13 Ma sa fai atu se tasi o auauna a le tupu ia te ia, Rapana e, o lona uiga, pe a faaliliuina, o le tupu mamana po o le tupu silisili, i lo latou manatu i o latou tupu ua mamana lava i latou; ma sa faapea ona ia fai atu ia te ia: Rapana e, ua finagalo le tupu ia e nofo mai.

14 O lea na liliu atu ai e Amona o ia lava i le tupu, ma fai atu ia te ia: Le tupu e, o se a se mea ua e finagalo i ai ou te faia mo oe? Ma sa le tali mai le tupu ia te ia mo le va o se itula, e tusa ma la latou taimi, ona sa le iloa e ia se mea e tatau ona ia fai mai ia te ia.

15 Ma sa oo ina toe fai atu Amona ia te ia: O le a se mea ua e finagalo i ai mai ia te a’u? Peitai sa le tali mai lava le tupu ia te ia.

16 Ma sa oo ina ua faatumuina Amona i le Agaga o le Atua, o lea na ia iloa ai amafaufauga o le tupu. Ma sa ia fai atu ia te ia: Pe ona ua e faafofoga ea sa ou puipuia au auauna ma au lafu manu, ma fasioti le toafitu o o latou uso i le maatā ma le pelu, ma vavae ese lima o isi, ina ia puipuia ai au lafu manu ma au auauna; faauta, o le pogai ea lenei ua e ofo ai?

17 Ou te fai atu ia te oe, o le a ea le mea, ua e ofo tele ai faapea? Faauta, o a’u o se tagata, ma o a’u o lau auauna; o lea, soo se mea e te finagalo i ai ua sa’o, o le mea lena ou te faia.

18 O lenei ina ua faalogo mai le tupu i nei upu, sa toe ofo o ia, ona ua iloa e ia ua mafai e Amona ona ailoa ona mafaufauga; ae e ui i lea, sa tatala e le tupu o Lamonae lona fofoga, ma fai mai ia te ia: O ai ea oe? O oe ea o lena Agaga Silisili, o lē ua esilafia mea uma?

19 Sa tali atu Amona ma fai atu ia te ia: E lē o a’u lea.

20 Ma sa fai mai le tupu: E faapefea ona e iloa mafaufauga o lo’u loto? E mafai ona e tautala mai ma le lotoa, ma faamatala mai ia te a’u e uiga i nei mea; ma faamatala mai foi ia te a’u po o le a le mana na e fasiotia ma vavae ese ai lima o o’u uso, o ē na faataapeapeina a’u lafu manu—

21 Ma o lenei, afai e te faamatala mai nei mea ia te a’u, soo se mea e te manao i ai ou te avatu ia te oe; ma afai e manaomia ai, ou te leoleoina oe i a’u autau; peitai ua ou iloa ua sili atu lou mamana nai lo i latou uma; ae ui i lea, soo se mea e te manao i ai mai ia te a’u, ou te tuu atu ia te oe.

22 O lenei ona sa poto Amona, ae sa le gaoiā, sa ia fai atu ai ia Lamonae: E te faafofoga mai i a’u upu, pe afai ou te faamatala atu ia te oe po o le a le mana na ou faia ai nei mea? Ma o le mea lenei ou te manao i ai mai ia te oe.

23 Ma sa tali mai le tupu ia te ia, ma fai mai: Ioe, o le a ou talitonu i au upu uma. Ma sa faapea ona maua o ia i le faa’ole’ole.

24 Ma sa amata ona tautala atu o Amona ia te ia ma le alototele, ma fai atu ia te ia: E te talitonu ea e i ai se Atua?

25 Ma sa tali mai o ia, ma fai mai ia te ia: Ou te lē iloa le uiga o lena mea.

26 Ma ona fai atu lea o Amona: E te talitonu ea o loo i ai se Agaga Silisili?

27 Ma sa fai mai o ia, Ioe.

28 Ma sa fai atu Amona: O le Atua lenei. Ma sa toe fai atu Amona ia te ia: E te talitonu ea o lenei Agaga Silisili, o le Atua lea, na foafoaina mea uma ua i le lagi ma i le lalolagi?

29 Ma sa tali mai o ia: Ioe, ou te talitonu o ia na foafoaina mea uma ua i le lalolagi; ae ou te lē iloa le lagi.

30 Ma sa fai atu Amona ia te ia: O le lagi o se nofoaga lea ua afio ai le Atua ma ana agelu paia uma.

31 Ma sa fai mai le tupu o Lamonae: Pe ua i luga a’e ea o le lalolagi?

32 Ma sa fai atu Amona: Ioe, ma ua silasila mai o ia i lalo i le fanauga uma a tagata; ma ua silafia e ia amafaufauga ma faamoemoega uma o le loto; auā o lona aao na foafoaina ai i latou uma lava mai i le amataga.

33 Ma sa fai mai le tupu o Lamonae: Ou te talitonu i nei mea uma ua e tautala mai ai. Pe na auina mai ea oe mai le Atua?

34 Sa fai atu Amona ia te ia: O a’u o se tagata; ma o le atagata i le amataga sa foafoaina e tusa ma foliga o le Atua, ma ua valaauina a’u e lona Agaga Paia ou te ea’oa’o atu nei mea i lenei nuu, ina ia mafai ona aumai i latou i le malamalama o mea ua tonu ma moni;

35 Ma ua nofo i totonu ia te au se vaega o lena aAgaga, lea ua ia tuuina mai ia te au le emalamalama, ma le mana foi e tusa ma lo’u faatuatua ma manaoga ia ua i ai i le Atua.

36 O lenei ina ua uma ona fai atu e Amona nei upu, sa ia amata mai i le foafoaga o le lalolagi, ma le foafoaga foi o Atamu, ma faamatala atu ia te ia mea uma e uiga i le pa’ū o le tagata, ma afaamatala ma fola atu i ona luma talafaamaumau ma etusitusiga paia a le nuu, ia na fetalai i ai iperofeta, seia oo mai i lalo i le taimi na tuua ai e lo latou tamā o Liae, Ierusalema.

37 Ma sa ia faamatala atu foi ia te i latou (ona o le tupu ma ana auauna sa tautala atu i ai) malaga uma a o latou tamā i le vao, ma o latou mafatiaga uma i le fia aai ma le fia feinu, ma o latou puapuaga, ma isi mea faapena.

38 Ma sa ia faamatala atu foi ia te i latou e uiga i fouvalega a Lamana ma Lemuelu, ma atalii o Isamaeli, ioe, o a latou fouvalega uma sa ia faamatala atu ia te i latou; ma sa ia faamalamalama atu foi ia te i latou talafaamaumau ma tusitusiga paia uma mai le taimi na tuua ai e Liae Ierusalema seia oo mai lava i le taimi nei.

39 Ae sa lē na o le pau lea; ona sa ia faamalamalama atu foi ia te i latou le afuafuaga o le togiola, lea na saunia mai le faavaega o le lalolagi; ma sa ia faailoa atu foi ia te i latou e uiga i le afio mai o Keriso, ma sa ia faailoa atu ia te i latou galuega uma a le Alii.

40 Ma sa oo ina ua uma ona fai atu e ia nei mea uma, ma faamalamalama atu ia mea i le tupu, sa oo ina talitonu le tupu i ana upu uma.

41 Ma sa amata ona ia tagi atu i le Alii, ua faapea atu: Le Alii e, ia e alofa mutimutivale mai; ia i ai i o’u luga, ma luga o lo’u nuu, lou alofa mutimutivale, e tusa ma lou aalofa mutimutivale tele ua i ai ia te oe i luga o le nuu o Nifae.

42 Ma o lenei, ina ua uma ona fai mai e ia nei upu, sa pa’ū ifo o ia i le eleele, e peiseai ua oti o ia.

43 Ma sa oo ina ave o ia e ana auauna ma avatu o ia i totonu i lana masiofo, ma faataoto o ia i luga o se moega; ma sa taoto o ia mo le va o ao e lua ma po e lua e peiseai ua oti o ia; ma sa fetagisi faanoanoa lana masiofo, ma ona atalii, ma ona afafine i ona luga, e tusa ma le tu a sa Lamanā, ua fetagisi auēuē lava i lona toesea.