Alema 6

Mataupu 6

Ua faamamaina le Ekalesia i Saraʼemila ma ua faatulaga maopoopo—Ua alu atu Alema i Kitiona e talai ai. E tusa o le 83 T.L.M.

1 Ma o lenei sa oo ina ua uma ona tautala atu o Alema i tagata o le ekalesia, lea sa faatu i le aai o Saraʼemila, sa ia afaauuina faitaulaga ma etoeaina, i le faaee atu o ona ilima, e tusa ma le faatulagaga a le Atua, e pulefaamalumalu ma oleoleo i luga o le ekalesia.

2 Ma sa oo ina o soo se tasi sa lē auai i le ekalesia o e na salamo ia latou agasala sa apapatisoina i le salamo, ma taliaina i le ekalesia.

3 Ma sa oo foi ina o soo se tasi sa auai i le ekalesia o e sa lē asalamo ia latou amioleaga ma sa lē faamaualalalo i latou lava i luma o le Atua—o le uiga o laʼu tala o i latou ia o e sa faafefeteina i luga i le efaamaualuluga o o latou loto—o i latou lava ia sa lē taliaina, ma isoloi ese o latou igoa, ina ia lē faitauina o latou igoa i totonu o igoa o e ua amiotonu.

4 Ma sa faapea ona amata ona latou faatu o le faatulagaga o le ekalesia i le aai o Saraʼemila.

5 O lenei ou te manao ina ia outou malamalama sa tuufua mai le afioga a le Atua i tagata uma, sa leai se tasi sa taofi mai i le avanoa e potopoto faatasi ai i latou lava e faalogologo i le afioga a le Atua.

6 E ui i lea sa poloaiina fanau a le Atua e tatau ona latou faapotopoto faatasi soo i latou lava, ma aufaatasi i le aanapogi ma le tatalo malosi mo le manuia o agaga o i latou o e sa latou lē iloaina le Atua.

7 Ma o lenei sa oo ina ua uma ona faia e Alema nei faatonuga sa alu ese atu o ia mai ia te i latou, ioe, mai le ekalesia lea sa i le aai o Saraʼemila, ma alu aʼe i luga i le itu i sasae o le vaitafe o Saitonu, i le avanu o Kitiona, lea sa faatu ai iina se aai, lea sa taua o le aai o Kitiona, lea sa i le vanu sa taua o Kitiona, lea sa faaigoa i le tagata o lē na efasioti e le lima o Neʼoa i le pelu.

8 Ma sa alu atu Alema ma amata ona alaga atu o le afioga a le Atua i le ekalesia lea sa faatu i le vanu o Kitiona, e tusa ma le faaaliga o le moni o le afioga lea na tautalagia e ona tamā, ma e tusa ma le agaga o valoaga sa ia te ia, e tusa ma le amolimau e uiga ia Iesu Keriso, le Alo o le Atua, o lē o le a afio mai e togiola ona tagata mai ia latou agasala, ma e tusa ma le faatulagaga paia lea na valaaulia i ai o ia. Ma ua faapea ona tusia. Amene.