Alema 61

Mataupu 61

Ua tau atu e Paorana ia Moronae e uiga i le faatuiesega ma le fouvalega e faasaga i le malo—Ua ave e tagata-tupu Saraʼemila ma ua aufaatasi ma sa Lamanā—Ua talosaga mai Paorana mo se fesoasoani faaleautau e faasaga i e ua fouvale. E tusa o le 62 T.L.M.

1 Faauta, o lenei sa oo ina sa lei umi ona auina atu e Moronae lana tusi i le kovana sili, ae ia maua se tusi mai ia aPaorana, le kovana sili. Ma o upu nei na ia maua mai:

2 O au, o Paorana, o le o au o le kovana sili o lenei laueleele, ou te auina atu nei upu ia Moronae, le kapeteni sili i luga o le autau. Faauta, ou te fai atu ia te oe, Moronae, ou te le olioli i o outou apuapuaga tele, ioe, ua faanoanoa tele ai lou agaga.

3 Ae faauta, o loo i ai i latou o e ua olioli i o outou puapuaga, ioe, ua oo ina latou tutu mai e fouvale faasaga mai ia te au, ioe, ma i latou uma foi o e o oʼu tagata o e o atagata-saoloto, ioe, ma o i latou o e ua tutu fouvale mai ua matua toatele lava.

4 Ma o i latou o e na saili e aveese le nofoa-faamasino mai ia te au, o i latou ia o le pogai o lenei amioletonu tele; ona ua latou faaaoga le faaviivii tele, ma ua latou taitai ese loto o le toatele o tagata, lea o le a a avea ma pogai o puapuaga tiga i totonu o i tatou; ua latou taofi a matou meaai, ma ua latou faamatau o tatou tagata saoloto ua latou le o atu ai ia te outou.

5 Ma faauta, ua latou tuli au i fafo mai o latou luma, ma ua ou sola mai i le laueleele o Kitiona, faatasi ma le toatele o tagata sa mafai ona ou maua.

6 Ma faauta, ua ou auina atu se folafolaga i le vaega atoa lenei o le laueleele; ma faauta, ua latou lolofi mai ia te i matou i aso taitasi, ma a latou auupega, i le puipuiga o lo latou atunuu ma lo latou asaolotoga, ma taui sese ua fai mai ia te i tatou.

7 Ma ua latou o mai ia te i matou, ua oo ina tutu tetee faasaga mai ia te i matou i latou o e na tutulai e fouvale, ioe, sa oo ina latou fefefe ia te i matou ma fefefe e o mai i fafo matou te tau.

8 Ua latou maua le laueleele, po o le aai, o Saraʼemila; ua latou tofia se tupu i luga o i latou, ma ua tusi atu o ia i le tupu o sa Lamanā, lea na ia faia ai se soo ma ia; le soo lea na ia ioe ai na te taofia le aai o Saraʼemila, le taofiga lea na ia manatu o le a mafai ai e sa Lamanā ona manumalo i le vaega o totoe o le laueleele, ma o le a faanofo ai o ia o le tupu i luga o lenei nuu pe a pulea i latou i lalo o sa Lamanā.

9 Ma o lenei, ua e tausalaina au i lau tusi, ae ua le afaina lea; ou te le o ita, a ua ou olioli i le tele o lou loto. O au, o Paorana, ou te le saili mo le pule, nao lou fia taofi i lou nofoa-faamasino ina ia mafai ona ou faasaoina aia ma le saolotoga o ou tagata. Ua tumau mausali pea lou agaga i lena saolotoga ua afaasaolotoina ai i tatou e le Atua.

10 Ma o lenei, faauta, o le a matou tetee atu i le amioleaga e oo lava i le faamasaa toto. Matou te le faamasaaina toto o sa Lamanā pe afai latou te nonofo pea i o latou lava laueleele.

11 Matou te le faamasaaina toto o o tatou uso pe afai latou te le tutu ae i le fouvale ma ave le pelu e faasaga mai ia te i matou.

12 Matou te tuu atu i matou lava i lalo o le amo o le pologa pe afai e tusa ai lea mea ma le faamasinotonu o le Atua, pe afai foi na te poloaiina ai i matou ia faapea ona matou faia.

13 Ae faauta ua le poloaiina e ia i tatou ia tatou tuu atu i tatou lava ia pulea e o tatou fili, ae e tatau ona tatou tuu atu lo tatou afaalagolago ia te ia, ma o le a ia laveaiina i tatou.

14 O lea, lou uso pele e, Moronae, ia tatou tetee atu i le leaga, ma o soo se mea leaga e le mafai ona tatou teena ia tatou upu, ioe, e pei o fouvalega ma faatuiesega, ia tatou ateena i latou ia tatou pelu, ina ia mafai ona tatou taofi o lo tatou saolotoga, ina ia mafai ona tatou olioli i le avanoa tele o la tatou ekalesia, ma i le faamoemoe o lo tatou Togiola ma lo tatou Atua.

15 O lea, ia e sau vave ia te au faatasi ma ni au tagata toaitiiti, ae tuu le vaega e totoe i le vaaiga a Liae ma Teanekuma; tuu atu ia i laua le pule e taitai ai le taua i le vaega lena o le laueleele, e tusa ma le aAgaga o le Atua, o le agaga foi lea o le saolotoga lea o loo ia te i laua.

16 Faauta ua ou auina atu ni meaai itiiti ia te i latou, ina ia latou le fano, seia mafai ona e sau ia te au.

17 Faapotopoto faatasi se autau e mafai ona e faapotopoto i lau savaliga mai iinei, ma o le a tatou o atu vave e faasaga i ia tagata faatuiese, i le malosi o lo tatou Atua, e tusa ma le faatuatua ua ia te i tatou.

18 Ma o le a tatou ave le aai o Saraʼemila, ina ia mafai ona tatou maua o ni meaai e tele e auina atu ia Liae ma Teanekuma; ioe, o le a tatou o atu e faasaga ia te i latou i le malosi o le Alii, ma o le a tatou faaiuina lenei amioletonu tele.

19 Ma o lenei, Moronae e, ua ou olioli lava i loʼu maua mai o lau tusi, ona sa ou popole teisi e uiga i se mea e tatau ona tatou faia, pe ua tonu ia i tatou ona tatou o atu e tetee i o tatou uso.

20 Peitai na e saunoa mai, vagana ai ua latou salamo, ua fetalai mai le Alii ia te oe, e tatau ona e alu atu e faasaga ia te i latou.

21 Tagai ia e afaamalosia Liae ma Teanekuma i la le Alii; fai atu ia te i laua e aua nei fefefe, ona o le a laveaiina i latou e le Alii, ioe, ma i latou uma foi o e e tutumau mausali i le saolotoga lena ua faasaolotoina ai i latou e le Atua. Ma o lenei ua ou faaiu lau tusi i lou uso pele, o Moronae.