ບົດທີ 40
ພຣະຄຣິດນຳເອົາການຟື້ນຄືນຊີວິດມາໃຫ້ມະນຸດທຸກຄົນ—ຄົນຕາຍທີ່ຊອບທຳໄປຫາທີ່ສຸຂະເສີມ ແລະ ຄົນຊົ່ວໄປຫາຄວາມມືດພາຍນອກເພື່ອລໍຖ້າມື້ແຫ່ງການຟື້ນຄືນຊີວິດຂອງພວກເຂົາ—ທຸກສ່ວນຈະຖືກປະກອບເຂົ້າກັນໃນລັກສະນະອັນສົມບູນຂອງມັນໃນວັນແຫ່ງການຟື້ນຄືນຊີວິດ. ປະມານ 74 ປີ ກ່ອນ ຄ.ສ.
1 ບັດນີ້ລູກຂອງພໍ່, ນີ້ຄືເລື່ອງທີ່ພໍ່ຈະເວົ້າເພີ່ມເຕີມກັບລູກອີກ; ເພາະພໍ່ເຫັນວ່າຈິດໃຈຂອງລູກກັງວົນກ່ຽວກັບເລື່ອງການຟື້ນຄືນຊີວິດຂອງຄົນຕາຍ.
2 ຈົ່ງເບິ່ງ, ພໍ່ເວົ້າກັບລູກວ່າ, ບໍ່ມີການຟື້ນຄືນຊີວິດ—ຫລື, ພໍ່ຈະເວົ້າອີກຄຳໜຶ່ງວ່າ, ຄວາມເປັນມະຕະບໍ່ໄດ້ສວມໃສ່ ກຄວາມເປັນອະມະຕະ, ຄວາມເນົ່າເປື່ອຍນີ້ບໍ່ໄດ້ ຂສວມໃສ່ຄວາມບໍ່ເນົ່າເປື່ອຍ—ຄຈົນຮອດພາຍຫລັງການສະເດັດມາຂອງພຣະຄຣິດ.
3 ຈົ່ງເບິ່ງ, ພຣະອົງໄດ້ນຳ ກການຟື້ນຄືນຊີວິດມາໃຫ້ຄົນຕາຍ. ແຕ່ຈົ່ງເບິ່ງ, ລູກຂອງພໍ່, ມັນຍັງບໍ່ໄດ້ເກີດການຟື້ນຄືນຊີວິດເທື່ອ. ບັດນີ້, ພໍ່ໄດ້ເປີດເຜີຍຄວາມລຶກລັບໃຫ້ລູກຟັງກ່ອນ; ປານນັ້ນ, ມັນຍັງມີ ຂຄວາມລຶກລັບຫລາຍເລື່ອງ ຊຶ່ງຖືກ ຄເກັບກຳໄວ້, ຊຶ່ງບໍ່ມີຜູ້ໃດຮູ້ຈັກມັນນອກຈາກພຣະເຈົ້າເອງ. ແຕ່ພໍ່ຈະເລົ່າໃຫ້ລູກຟັງເຖິງເລື່ອງໜຶ່ງ ຊຶ່ງພໍ່ໄດ້ທູນຖາມພຣະເຈົ້າຢ່າງພາກພຽນເພື່ອພໍ່ຈະໄດ້ຮູ້—ເພາະມັນກ່ຽວກັບການຟື້ນຄືນຊີວິດ.
4 ຈົ່ງເບິ່ງ, ມີເວລາກຳນົດໄວ້ທີ່ທຸກຄົນຈະ ກອອກມາຈາກຄວາມຕາຍ. ບັດນີ້ເມື່ອໃດເວລານີ້ຈະມາເຖິງກໍບໍ່ມີຜູ້ໃດຮູ້; ແຕ່ພຣະເຈົ້າຮູ້ເວລາທີ່ກຳນົດໄວ້.
5 ບັດນີ້, ບໍ່ວ່າມັນຈະມີຄັ້ງດຽວ, ຫລື ຄັ້ງ ກທີສອງ, ຫລື ຄັ້ງທີສາມ, ທີ່ມະນຸດຈະອອກມາຈາກຄວາມຕາຍນັ້ນ, ມັນບໍ່ສຳຄັນ ເພາະພຣະເຈົ້າ ຂຮູ້ເລື່ອງທັງໝົດນີ້; ແລະ ເປັນການພຽງພໍສຳລັບພໍ່ທີ່ພຽງຮູ້ວ່າມັນເປັນເຊັ່ນນັ້ນ—ຄືມີເວລາກຳນົດໄວ້ທີ່ທຸກຄົນຈະລຸກຂຶ້ນຈາກຄວາມຕາຍ.
6 ບັດນີ້ມັນຈຳຕ້ອງມີໄລຍະເວລາລະຫວ່າງການຕາຍກັບເວລາຂອງການຟື້ນຄືນຊີວິດ.
7 ແລະ ບັດນີ້ພໍ່ຢາກຖາມວ່າມັນຈະເກີດອັນໃດຂຶ້ນກັບ ກຈິດວິນຍານຂອງມະນຸດຕັ້ງແຕ່ເວລາຂອງການຕາຍຈົນເຖິງເວລາທີ່ກຳນົດໄວ້ສຳລັບການຟື້ນຄືນຊີວິດ?
8 ບັດນີ້ບໍ່ວ່າມັນຈະມີຫລາຍກວ່າຄັ້ງດຽວທີ່ກຳນົດໄວ້ເພື່ອໃຫ້ມະນຸດລຸກຂຶ້ນມາຈາກຄວາມຕາຍນັ້ນ ມັນກໍບໍ່ສຳຄັນ; ເພາະທຸກຄົນບໍ່ໄດ້ຕາຍພ້ອມກັນ ແລະ ມັນບໍ່ສຳຄັນເພາະທັງໝົດນີ້ເປັນຄືກັນກັບໜຶ່ງມື້ສຳລັບພຣະເຈົ້າ; ແລະ ເປັນພຽງເວລາທີ່ມະນຸດໃຊ້ນັບກັນເທົ່ານັ້ນ.
9 ສະນັ້ນ, ມັນຈຶ່ງມີເວລາກຳນົດໃຫ້ນະມຸດລຸກຂຶ້ນຈາກຄວາມຕາຍ ແລະ ມີໄລຍະເວລາລະຫວ່າງການຕາຍ ແລະ ການຟື້ນຄືນຊີວິດ. ແລະ ບັດນີ້, ກ່ຽວກັບໄລຍະເວລາຂອງຕອນນີ້ ຈະມີຫຍັງເກີດຂຶ້ນກັບຈິດວິນຍານຂອງມະນຸດເປັນເລື່ອງທີ່ພໍ່ໄດ້ທູນຖາມມາຢ່າງພາກພຽນຈາກພຣະຜູ້ເປັນເຈົ້າ ເພື່ອຈະໄດ້ຮູ້ຈັກ; ແລະ ນີ້ຄືເລື່ອງທີ່ພໍ່ຮູ້ມາ.
10 ແລະ ເມື່ອເວລາມາເຖິງ ທຸກຄົນຈະລຸກຂຶ້ນ, ແລ້ວພວກເຂົາຈະຮູ້ວ່າພຣະເຈົ້າຮູ້ ກເວລາທັງໝົດທີ່ກຳນົດໄວ້ໃຫ້ມະນຸດ.
11 ບັດນີ້, ກ່ຽວກັບສະພາບຂອງຈິດວິນຍານລະຫວ່າງ ກການຕາຍກັບການຟື້ນຄືນຊີວິດ—ຈົ່ງເບິ່ງ, ທູດໄດ້ເຮັດໃຫ້ເປັນທີ່ຮູ້ຈັກແກ່ພໍ່ວ່າ ວິນຍານຂອງມະນຸດທຸກຄົນນັ້ນ ທັນທີທີ່ອອກຈາກຮ່າງກາຍທີ່ເປັນມະຕະ, ແທ້ຈິງແລ້ວ, ວິນຍານຂອງມະນຸດທຸກຄົນ, ບໍ່ວ່າເຂົາດີ ຫລື ຊົ່ວ, ຍ່ອມຖືກນຳກັບ ຂບ້ານໄປຫາພຣະເຈົ້າຜູ້ປະທານຊີວິດໃຫ້ແກ່ເຂົາ.
12 ແລະ ເມື່ອນັ້ນ ເຫດການຈະບັງເກີດຂຶ້ນ, ຄືວິນຍານຂອງຜູ້ທີ່ຊອບທຳຈະຖືກຮັບເຂົ້າໃນສະພາບແຫ່ງ ກຄວາມສຸກ, ຊຶ່ງເອີ້ນວ່າ ທີ່ ຂສຸຂະເສີມ, ສະພາບຂອງ ຄການພັກຜ່ອນ, ສະພາບຂອງ ງສັນຕິສຸກ, ຊຶ່ງບ່ອນນັ້ນພວກເຂົາຈະພັກຜ່ອນຈາກຄວາມຫຍຸ້ງຍາກທັງໝົດຂອງພວກເຂົາ ແລະ ຈາກຄວາມກັງວົນ, ແລະ ຄວາມເສົ້າສະຫລົດໃຈທຸກຢ່າງ.
13 ແລະ ເມື່ອນັ້ນເຫດການຈະບັງເກີດຂຶ້ນ, ຄືວິນຍານຂອງຄົນຊົ່ວ, ແທ້ຈິງແລ້ວ, ຜູ້ທີ່ຊົ່ວ—ເພາະຈົ່ງເບິ່ງ, ພວກເຂົາບໍ່ມີແມ່ນແຕ່ສ່ວນໜຶ່ງຂອງພຣະວິນຍານຂອງພຣະຜູ້ເປັນເຈົ້າເລີຍ; ເພາະຈົ່ງເບິ່ງ, ພວກເຂົາໄດ້ເລືອກເອົາວຽກງານຊົ່ວແທນວຽກງານດີ; ສະນັ້ນ ວິນຍານຂອງມານໄດ້ເຂົ້າຢູ່ກັບພວກເຂົາ, ແລະ ເຂົ້າເປັນເຈົ້າຂອງບ້ານຂອງພວກເຂົາ—ແລະ ຄົນເຫລົ່ານີ້ຈະຖືກຂັບໄລ່ອອກໄປຫາ ກຄວາມມືດພາຍນອກ; ມັນຈະມີ ຂການຮ້ອງໄຫ້, ແລະ ການຄວນຄາງ, ແລະ ການຂົບແຂ້ວຄ້ຽວຟັນ, ແລະ ນີ້ເພາະຄວາມຊົ່ວຮ້າຍຂອງຕົນເອງ, ໂດຍທີ່ພວກເຂົາຖືກນຳໄປເປັນຊະເລີຍດ້ວຍຄວາມປະສົງຂອງມານ.
14 ບັດນີ້, ນີ້ຄືສະພາບຂອງຈິດວິນຍານຂອງ ກຄົນຊົ່ວ, ແທ້ຈິງແລ້ວ, ໃນຄວາມມືດ, ແລະ ໃນສະພາບອັນ ຂເປັນຕາຢ້ານຫລາຍ, ເຝົ້າຄອຍຄວາມເຄືອງແຄ້ນເໝືອນກັບໄຟອັນໜ້າເກງຂາມ ແລະ ໜ້າຢ້ານກົວຂອງພຣະພິໂລດຂອງພຣະເຈົ້າທີ່ມີກັບພວກເຂົາ; ເຂົາຈະຄົງຢູ່ໃນ ຄສະພາບນີ້ດັ່ງນັ້ນ, ເຊັ່ນດຽວກັບຄົນຊອບທຳຢູ່ໃນທີ່ສຸຂະເສີມຈົນເຖິງເວລາແຫ່ງການຟື້ນຄືນຊີວິດຂອງພວກເຂົາ.
15 ບັດນີ້, ມີບາງຄົນທີ່ເຂົ້າໃຈວ່າ ສະພາບແຫ່ງຄວາມສຸກ ແລະ ສະພາບແຫ່ງຄວາມທຸກທໍລະມານຂອງຈິດວິນຍານນີ້ກ່ອນການຟື້ນຄືນຊີວິດເປັນການຟື້ນຄືນຊີວິດຄັ້ງທຳອິດ. ແທ້ຈິງແລ້ວ, ພໍ່ຍອມຮັບວ່າມັນອາດຈະເປັນຄຳເວົ້າທີ່ໃຊ້ເອີ້ນກັນວ່າ ເປັນການຟື້ນຄືນຊີວິດ, ເປັນການຍົກວິນຍານ ຫລື ຈິດວິນຍານຂຶ້ນ ແລະ ເປັນການສົ່ງພວກເຂົາໄປຫາຄວາມສຸກ ຫລື ຄວາມທຸກທໍລະມານ, ຕາມຄຳທີ່ໄດ້ເວົ້າໄວ້.
16 ແລະ ຈົ່ງເບິ່ງ, ມັນມີເວົ້າໄວ້ອີກວ່າ, ກການຟື້ນຄືນຊີວິດ ຂຄັ້ງທຳອິດນີ້, ເປັນການຟື້ນຄືນຊີວິດຂອງທຸກຄົນທີ່ເຄີຍມີຊີວິດມາແລ້ວ, ຫລື ກຳລັງມີຊີວິດຢູ່, ຫລື ທີ່ຈະມີຊີວິດ, ລົງມາເຖິງການຟື້ນຄືນພຣະຊົນຂອງພຣະຄຣິດຈາກຄວາມຕາຍ.
17 ບັດນີ້, ພວກເຮົາບໍ່ຄິດວ່າການຟື້ນຄືນຊີວິດຄັ້ງທຳອິດນີ້, ຊຶ່ງເວົ້າເຖິງຕາມທີ່ວ່າມານີ້ຈະເປັນການຟື້ນຄືນຊີວິດຂອງຈິດວິນຍານ ແລະ ກການສົ່ງພວກເຂົາໄປຫາຄວາມສຸກ ຫລື ໄປຫາຄວາມທຸກທໍລະມານ. ລູກຈະບໍ່ຄິດວ່າມັນໝາຍຄວາມວ່າແນວນີ້.
18 ຈົ່ງເບິ່ງ, ພໍ່ເວົ້າກັບລູກວ່າ, ບໍ່ເລີຍ; ແຕ່ມັນໝາຍເຖິງການກັບມາຮ່ວມເຂົ້າກັນຂອງຈິດວິນຍານ ແລະ ຮ່າງກາຍ, ຂອງຄົນເຫລົ່ານີ້ນັບແຕ່ວັນເວລາຂອງອາດາມລົງມາຈົນເຖິງ ກການຟື້ນຄືນພຣະຊົນຂອງພຣະຄຣິດ.
19 ບັດນີ້, ບໍ່ວ່າຈິດວິນຍານ ແລະ ຮ່າງກາຍຂອງຄົນຊົ່ວ ແລະ ຄົນຊອບທຳຈະຮ່ວມເຂົ້າກັນໃນເວລາດຽວກັນ, ພໍ່ຈະບໍ່ເວົ້າເຖິງ; ຂໍໃຫ້ມັນພຽງພໍເທົ່ານີ້, ພໍ່ມີແຕ່ຈະເວົ້າວ່າພວກເຂົາທຸກຄົນຈະອອກມາ ຫລື ອີກຄຳໜຶ່ງ, ການຟື້ນຄືນຊີວິດຂອງພວກເຂົາຈະເກີດຂຶ້ນ ກກ່ອນການຟື້ນຄືນຊີວິດຂອງຄົນທີ່ຕາຍພາຍຫລັງການຟື້ນຄືນພຣະຊົນຂອງພຣະຄຣິດ.
20 ບັດນີ້, ລູກຂອງພໍ່, ພໍ່ບໍ່ໄດ້ເວົ້າວ່າການຟື້ນຄືນຊີວິດຂອງພວກເຂົາມາພ້ອມກັບການຟື້ນຄືນພຣະຊົນຂອງພຣະຄຣິດ; ແຕ່ຈົ່ງເບິ່ງ, ພໍ່ໃຫ້ຄວາມເຫັນວ່າ ຈິດວິນຍານ ແລະ ຮ່າງກາຍຂອງຄົນທີ່ຊອບທຳຈະກັບມາຮ່ວມກັນໃນເວລາດຽວກັບການຟື້ນຄືນພຣະຊົນຂອງພຣະຄຣິດ, ແລະ ກການສະເດັດຂຶ້ນສະຫວັນຂອງພຣະອົງ.
21 ແຕ່ບໍ່ວ່າຈະເປັນໄປໃນເວລາຂອງການຟື້ນຄືນພຣະຊົນຂອງພຣະອົງ ຫລື ພາຍຫລັງ, ພໍ່ຈະບໍ່ກ່າວເຖິງ; ແຕ່ຂໍກ່າວພຽງເທົ່ານີ້, ວ່າມັນມີໄລຍະ ກເວລາລະຫວ່າງການຕາຍກັບການຟື້ນຄືນຊີວິດຂອງຮ່າງກາຍ, ແລະ ມີສະພາບຂອງຈິດວິນຍານຢູ່ໃນ ຂຄວາມສຸກ ຫລື ຢູ່ໃນ ຄຄວາມທຸກທໍລະມານ ຈົນເຖິງເວລາທີ່ພຣະເຈົ້າກຳນົດວ່າຄົນຕາຍຈະອອກມາ, ແລະ ທັງຈິດວິນຍານ ແລະ ຮ່າງກາຍຈະເຂົ້າຮ່ວມກັນ, ແລະ ຖືກ ງນຳມາຢືນຢູ່ຕໍ່ພຣະພັກຂອງພຣະເຈົ້າ, ແລະ ຈະຖືກພິພາກສາຕາມວຽກງານຂອງພວກເຂົາ.
22 ແທ້ຈິງແລ້ວ, ສິ່ງນີ້ຈະນຳສິ່ງເຫລົ່ານັ້ນຄືນມາຊຶ່ງກ່າວໄວ້ໂດຍປາກຂອງສາດສະດາ.
23 ກຈິດວິນຍານຈະ ຂກັບຄືນເຂົ້າຫາ ຄຮ່າງກາຍ, ແລະ ຮ່າງກາຍເຂົ້າຫາຈິດວິນຍານ; ແທ້ຈິງແລ້ວ, ທຸກແຂນຂາ ແລະ ຂໍ້ຕໍ່ຈະກັບຄືນເຂົ້າຫາຮ່າງກາຍຂອງມັນ; ແທ້ຈິງແລ້ວ, ເຖິງແມ່ນຜົມເສັ້ນໜຶ່ງໃນຫົວກໍຈະບໍ່ເສຍໄປ; ແຕ່ທຸກຢ່າງຈະຖືກນຳກັບຄືນຫາໂຄງຮ່າງອັນຖືກຕ້ອງ ແລະ ສົມບູນຂອງມັນ.
24 ແລະ ບັດນີ້, ລູກຂອງພໍ່, ນີ້ຄືການກັບຄືນຊຶ່ງໄດ້ ກເວົ້າໄວ້ດ້ວຍປາກຂອງສາດສະດາ—
25 ແລະ ເມື່ອນັ້ນຄົນຊອບທຳຈະສ່ອງແສງສະຫວ່າງໃນອານາຈັກຂອງພຣະເຈົ້າ.
26 ແຕ່ຈົ່ງເບິ່ງ, ກຄວາມຕາຍອັນເປັນຕາຢ້ານຈະມາຫາຄົນຊົ່ວ; ເພາະພວກເຂົາຕາຍໃນເລື່ອງທີ່ກ່ຽວກັບຄວາມຊອບທຳ; ເພາະພວກເຂົາບໍ່ສະອາດ, ແລະ ຈະບໍ່ມີ ຂສິ່ງທີ່ບໍ່ສະອາດຈະສາມາດຮັບເອົາອານາຈັກຂອງພຣະເຈົ້າເປັນມູນມໍລະດົກໄດ້; ແຕ່ພວກເຂົາຈະຖືກຂັບໄລ່ອອກໄປ, ແລະ ຖືກສົ່ງໄປຮັບສ່ວນທີ່ໄດ້ກະທຳໄວ້, ຫລື ວຽກງານຊົ່ວຂອງພວກເຂົາ; ແລະ ພວກເຂົາຈະດື່ມສິ່ງທີ່ສົກກະປົກຈາກຈອກທີ່ຂົມຂື່ນນັ້ນ.