1 නීෆායි

ශුද්ධලියවිලි

මොර්මන්ගේ පොත

අන්තර්ගතය
හැඳින්වීම සහ සාක්ෂීන්
1 නීෆායි
2 නීෆායි
ජේකබ්
ඊනොස්
ජෙරොම්
ඔම්නි
මොර්මන්ගේ වචන
මොසායා
ඇල්මා
හීලමන්
3 නීෆායි
4 නීෆායි
මොර්මන්
ඊතර්
මොරෝනායි

1 නීෆායි

1 වන පරිච්ඡේදය
නීෆායි ඔහුගේ ජනතාවගේ වාර්තාව ආරම්භ කරයි – ලීහායි දර්ශනයෙන් ගිනි කණුවක් දකියි, තවද අනාවැකි පොතකින් කියවයි – ඔහු දෙවියන්වහන්සේට ප්‍රශංසා කරයි, මෙසියස්වහන්සේගේ පැමිණීම ගැන අනවැකි පවසයි, තවද ජෙරුසලමේ විනාශය ගැන අනාවැකි පවසයි – ඔහුට යුදෙව්වන් විසින් හිංසා කරනු ලබයි. ක්‍රි.පූ. 600 පමණ.
2 වන පරිච්ඡේදය
ලීහායි ඔහුගේ පවුල රැගෙන රතු මුහුද අසල වනාන්තරය තුළට යයි – ඔවුන් ඔවුන්ගේ දේපළ අත්හැර යති – ලීහායි ස්වාමීන්වහන්සේ උදෙසා පූජාවක් ඔප්පු කරන අතර ඔහුගේ පුත්‍රයන්ට අණ පනත් පිළිපැදීමට උගන්වයි – ලේමන් සහ ලෙමුවෙල් ඔවුන්ගේ පියාට විරුද්ධව මැසිවිලි නඟති – නීෆායි කීකරුව සිටින අතර ඇදහිල්ලෙන් යාච්ඤා කරයි; ස්වාමීන්වහන්සේ ඔහුට කතා කරන අතර, ඔහුව ඔහුගේ සහෝදරයන්ව පාලනය කිරීමට තෝරාගනු ලබයි. ක්‍රි.පූ. 600 දී පමණ.
3 වන පරිච්ඡේදය
ලීහායිගේ පුතුන් පිත්තල තහඩු ලබා ගැනීමට ජෙරුසලමට ආපසු එයි – ලේබන් තහඩු ලබා දීම ප්‍රතික්ෂේප කරන අතර නීෆායි තම සහෝදරයන්ට අනුශාසනා කර දිරිමත් කරයි – ලේබන් ඔවුන්ගේ දේපළ සොරකම් කර ඔවුන් මරා දැමීමට උත්සාහ කරයි – ලේමන් සහ ලෙමුවෙල් නීෆායි සහ සෑම්ට පහර දුන් අතර දේවදූතයෙකු විසින් අවවාද කරනු ලැබේ. ක්‍රි.පූ. 600–592 පමණ
4 වන පරිච්ඡේදය
නීෆායි ස්වාමීන්වහන්සේගේ අණ පරිදි ලේබන්ව මරා දමන අතර පසුව උපක්‍රමශීලිව පිත්තල තහඩු ලබා ගනියි – සෝරම් වනාන්තරයේ සිටින ලීහායිගේ පවුලට එකතු වීමට තීරණය කරයි. ක්‍රි.පූ. 600–592 පමණ.
5 වන පරිච්ඡේදය
සරායා ලීහායිට විරුද්ධව චෝදනා කරයි – ඔවුන්ගේ පුතුන් නැවත පැමිණීම ගැන දෙදෙනාම ප්‍රීති වෙති – ඔවුහූ පුජාවන් ඔප්පු කරති – පිත්තල තහඩුවල මෝසෙස්ගේ සහ අනාගතවක්තෘවරුන්ගේ ලියවිලි අඩංගුවේ – ලීහායි යොසප්ගෙන් පැවත එන්නෙකු ලෙස තහඩුවලින් හඳුනා ගනී – ලීහායි ඔහුගේ වංශය සහ තහඩු වල ආරක්ෂාව පිළිබඳ අනාවැකි පළ කරයි. ක්‍රි.පූ. 600–592 පමණ.
6 වන පරිච්ඡේදය
නීෆායි දෙවියන්වහන්සේගේ දේවල් ලියයි – නීෆායිගේ අභිප්‍රාය වන්නේ ආබ්‍රහම්ගේ දෙවියන්වහන්සේ වෙතට පැමිණ ගැළවීම ලබාගැනීමට මනුෂ්‍යයන් පෙළඹවීමයි. ක්‍රි.පූ. 600–592 පමණ.
7 වන පරිච්ඡේදය
ලීහායිගේ පුත්‍රයන් ජෙරුසලමට නැවත ගොස් ඉෂ්මායෙල්ට සහ ඔහුගේ නිවැසියන්ට ඔවුන්ගේ ගමනට එක්වීමට ආරාධනා කරති – ලේමන් සහ අනෙක් අය කැරලි ගසති – නීෆායි ඔහුගේ සහෝදරයන් හට ස්වාමීන්වහන්සේ කෙරෙහි ඇදහිල්ල ඇති කර ගැනීමට දිරිමත් කරයි – ඔවුන් ඔහුව ලණුවලින් බැඳ ඔහුගේ විනාශය සැලසුම් කරති – ඇදහිල්ලේ බලයෙන් ඔහු නිදහස් වේ – ඔහුගේ සහෝදරයන් සමාව අයදති – ලීහායි සහ ඔහුගේ කණ්ඩායම පූජා හා දවන පූජා ඔප්පු කරති. ක්‍රි.පූ. 600–592 පමණ.
8 වන පරිච්ඡේදය
ලීහායි ජීවනයේ වෘක්ෂය පිළිබඳ දර්ශනයක් දකියි – ඔහු එහි ඵලය අනුභව කරන අතර ඔහුගේ පවුලද එසේ කරනවාට ආශා කරයි – ඔහු යකඩ අත්වැලක්, පටු සහ අවහිර මාර්ගයක්, සහ මනුෂ්‍යයන් වසා ගන්නා අන්ධකාරයේ මීදුම ද දකී – සරායා, නීෆායි, සහ සෑම් ඵලය අනුභව කළ ද, ලේමන් සහ ලෙමුවෙල් ප්‍රතික්ෂේප කරති. ක්‍රි.පූ. 600–592 පමණ.
9 වන පරිච්ඡේදය
නීෆායි වාර්තා කට්ටල දෙකක් සාදයි – ඒ සෑම එකක්ම නීෆායිගේ තහඩු ලෙස නම් කරයි – විශාල තහඩුවල ලෞකික ඉතිහාසය අඩංගු වේ; කුඩා ඒවා ප්‍රධාන වශයෙන් ශුද්ධ වූ දේවල් සමඟ කටයුතු කරයි. ක්‍රි.පූ. 600–592 පමණ.
10 වන පරිච්ඡේදය
බබිලෝනියානුවන් විසින් යුදෙව්වන්ව වහල්භාවයට ගෙන යනු ලබන බවට ලීහායි අනාවැකි කියයි – යුදෙව්වන් අතරට මෙසියස්වහන්සේ, ගැළවුම්කරුවාණන් හා මිදුම්කරුවාණන්ගේ පැමිණීම ගැන ඔහු කියයි – ලීහායී එසේම දෙවියන්වහන්සේගේ බැටළුපැටවාණන් බෞතීස්ම කරන්නාවු තැනැත්තාගේ පැමිණීම පිළිබඳව කියයි – ලීහායි මෙසියස්වහන්සේගේ මරණය සහ උත්ථානය ගැන කියයි – ඔහු ඊශ්‍රායලය විසුරුවාලීම සහ එක්රැස් කිරීම ඔලිව ගසක් හා සංසන්දනය කරයි – නීෆායි දෙවියන්වහන්සේගේ පුත්‍රයාණන් ගැන, ශුද්ධාත්මයාණන්ගේ දීමනාව පිළිබඳව, සහ ධර්මිෂ්ඨකම සඳහා ඇති අවශ්‍යතාවය ගැන කථා කරයි. ක්‍රි.පූ. 600–592 පමණ.
11 වන පරිච්ඡේදය
නීෆායි ස්වාමීන්වහන්සේගේ ආත්මය දකින අතර ජීවන වෘක්ෂය දර්ශනයෙන් පෙන්වනු ලබයි – ඔහු දෙවියන්වහන්සේගේ පුත්‍රයාණන්ගේ මව දකින අතර දෙවියන්වහන්සේගේ නිහතමානීකම ගැන ඉගෙන ගනී – ඔහු දෙවියන්වහන්සේගේ බැටළුපැටවාණන්ගේ බෞතීස්මය, මෙහෙවර සහ කුරුසිපත් වීම දකී – ඔහු බැටළුපැටවාණන්ගේ ප්‍රේරිතයින් දොළොස්දෙනාගේ කැඳවීම සහ මෙහෙවර ද දකියි. ක්‍රි.පූ. 600–592 පමණ.
12 වන පරිච්ඡේදය
නීෆායි පොරොන්දු දේශය දර්ශනයකින් දකියි; එහි වැසියන්ගේ ධර්මිෂ්ඨකම්, අයුතුකම් සහ වැටී යාම; දෙවියන්වහන්සේගේ බැටළුපැටවාණන් ඔවුන් අතරට පැමිණීම; ගෝලයන් දොළොස්දෙනා සහ ප්‍රේරිතයන් දොළොස්දෙනා ඊශ්‍රායලය විනිශ්චය කරන්නා වූ ආකාරය; තවද විශ්වාසයෙන් පිරිහෙන අයගේ පිළිකුල් සහගත හා අපවිත්‍ර ස්වභාවය. ක්‍රි.පූ. 600–592 පමණ.
13 වන පරිච්ඡේදය
නීෆායි අන්‍යජාතීන් අතර යක්ෂයාගේ සභාව පිහිටුවා තිබෙන බවත්, ඇමරිකාව සොයාගැනීම සහ ජනපද පිහිටුවීම, ශුද්ධ බයිබලයේ පැහැදිලි සහ අනර්ඝ බොහෝ කොටස් නැතිවීම, එය කරණකොටගෙන අන්‍යජාතීන් ඇදහිල්ල අත්හැරීමේ ප්‍රතිඵලය, ශුභාරංචිය නැවත පිහිටුවීම, පසු දවස්වල ශුද්ධ ලියවිලි ඉදිරියට පැමිණීම සහ සියොනය ගොඩනැගීම දර්ශනයකින් දකියි. ක්‍රි.පූ. 600–592 පමණ.
14 වන පරිච්ඡේදය
දේවදූතයෙක් අන්‍යජාතීන් මත පතිත වන්නා වූ ආශීර්වාදයන් සහ ශාපයන් පිලිබඳ නීෆායිට පවසයි – සභාවන් දෙකක් පමණක් ඇත්තේය: දෙවියන්වහන්සේගේ බැටළුපැටවාණන්ගේ සභාව සහ යක්ෂයාගේ සභාවය – බලවත් සහ පිළිකුල් සභාව විසින් සියලුම ජාතීන් වල දෙවියන්වහන්සේගේ ශුද්ධවන්තයන්ට හිංසා කරනු ලබයි – ලෝකයේ අවසානය පිලිබඳ ප්‍රේරීතවර යොහන් ලියනු ලබයි. ක්‍රි.පූ. 600–592 පමණ.
15 වන පරිච්ඡේදය
ලීහායිගේ වංශයට පසුදවස්වල දී අන්‍යජාතිකයන්ගෙන් ශුභාරංචිය ලැබීමට නියමිතය – ඊශ්‍රායෙල් ජාතිය රැස් කිරීම ඔලිව් ගසකට ස්වභාවික ශාඛා නැවත බද්ධ කිරීම හා සමාන කර ඇත – නීෆායි ජීවන වෘක්ෂයේ දර්ශනය අර්ථ දක්වා දුෂ්ටයන් ධර්මිෂ්ඨයන්ගෙන් වෙන් කිරීම තුළ දෙවියන්වහන්සේගේ යුක්තිය ගැන කතා කරයි. ක්‍රි.පූ. 600–592 පමණ.
16 වන පරිච්ඡේදය
දුෂ්ටයන් සත්‍යය දුෂ්කර ලෙස සලකති – ලීහායිගේ පුත්‍රයෝ ඉෂ්මායෙල්ගේ දූවරුන් හා විවාහ වෙති – ලියහෝනාව මගින් ඔවුන්ට වනාන්තරයේ ගමන් මග පෙන්වයි – ස්වාමීන්වහන්සේගේ පණිවුඩ ලියහෝනාව මත විටින් විට ලියනු ලබයි – ඉෂ්මායෙල් මරණයට පත් වෙයි; පීඩාවන් නිසා ඔහුගේ පවුලේ අය මැසිවිලි නඟති. ක්‍රි.පූ. 600–592 පමණ.
17 වන පරිච්ඡේදය
නැවක් සැදීම සඳහා නීෆායි හට අණ කරනු ලබයි – ඔහුගේ සහෝදරයන් ඔහුට විරුද්ධ වෙති – දෙවියන්වහන්සේ ඊශ්‍රායලය සමඟ ක්‍රියා කළ ආකාරයේ ඉතිහාසය විස්තර කරමින් ඔහු ඔවුන්ව දිරිමත් කරයි – නීෆායි දෙවියන්වහන්සේගේ බලයෙන් පුරවනු ලබයි – වියළන ලද බට දණ්ඩක් මෙන් වියළී නොයන පිණිස, ඔහුගේ සහෝදරයන්ට ඔහුව ස්පර්ශ කිරීම තහනම් කරනු ලබයි. ක්‍රි.පූ. 592–591 පමණ.
18 වන පරිච්ඡේදය
නැව සාදා අවසන් විය – ජේකබ්ගේ සහ ජෝසෆ්ගේ උපත සඳහන් කරයි – සමූහය පොරොන්දු වූ දේශය කරා නැව් නගියි – ඉෂ්මායෙල්ගේ පුත්‍රයන් සහ ඔවුන්ගේ භාර්යාවන් ද ඝෝෂාකාර උත්සවයට සහ කැරැල්ලට එක් වෙති – නීෆායිව බැඳ තබන අතර, දරුණු කුණාටුව විසින් නැව පසුපසට යවයි – නීෆායිව නිදහස් කරයි, සහ ඔහුගේ යාච්ඤාවෙන් කුණාටුව නවතියි – ජනතාව පොරොන්දු වූ දේශයට පැමිණෙති. ක්‍රි.පූ. 591–589 පමණ.
19 වන පරිච්ඡේදය
නීෆායි ලෝහ වලින් තහඩු සාදා, ඔහුගේ ජනතාවගේ ඉතිහාසය වාර්තා කරයි – ලීහායි ජෙරුසලමින් පිට වූ කාලය සිට අවුරුදු හයසියයකින් ඊශ්‍රායල්හි දෙවියන්වහන්සේ පැමිණෙන සේක – නීෆායි උන්වහන්සේගේ වේදනාවන් සහ කුරුසිපත් වීම ගැන කියයි – පසුදවස් වන තෙක් යුදෙව්වරුන් හෙළා දැක සහ විසුරුවන්නේ, ඔවුන් ස්වාමීන්වහන්සේ වෙත නැවත පැමිණෙන විටය. ක්‍රි.පූ. 588–570 පමණ.
20 වන පරිච්ඡේදය
ස්වාමීන්වහන්සේ උන්වහන්සේගේ පරමාර්ථයන් ඊශ්‍රායලයට එළිදරව් කරන සේක – පීඩාවන් නමැති උදුනෙන් ඊශ්‍රායලය තෝරාගනු ලැබ ඇත්තේය, තවද බබිලෝනියාවෙන් ඉදිරියට යා යුතුය – යෙසායා 48 සසඳන්න. ක්‍රි.පූ. 588–570 පමණ.
21 වන පරිච්ඡේදය
මෙසියස්වහන්සේ අන්‍යජාතීන්ට ආලෝකයක් වන අතර සිරකරුවන්වද නිදහස් කරනු ලබන්නේය – අන්තිම දවස්වල ඊශ්‍රායලය බලයෙන් යුක්තව රැස්කරනු ඇත – රජවරුන් ඔවුන්ගේ රැකබලා ගන්නා පියවරුන් වනු ඇත – යෙසායා 49 සසඳන්න. ක්‍රි.පූ. 588–570 පමණ.
22 වන පරිච්ඡේදය
ඊශ්‍රායලය මුළු පොළෝ තලය පුරා විසිරුවණු ලැබේ – අන්‍යජාතිකයන් අවසාන දවස් වලදී ශුභාරංවියෙන් ඊශ්‍රායල් පෝෂණය කර සහ රැකබලාගනු ඇත – ඊශ්‍රායලය එක් රැස් කර ගළවාගනු ලබන්නේය, තවද දුෂ්ටයන් ඉපනැල්ල සේ පිළිස්සෙනු ඇත – යක්ෂයාගේ රාජ්‍යය විනාශ වනු ඇත, තවද සාතන් බැඳ තබනු ඇත. ක්‍රි.පූ. 588–570 පමණ.