1 Ndien idahaemi edikem ete Moroni ikitreke ndibeŋe idem nnɔ ekɔŋ, mme ndikpeme ikɔt esie mbaŋa mme Lamanite; koro enye ama anam ete yak mbon ekɔŋ esie etɔŋɔ ke ntɔŋɔ ɔyɔhɔ isua ukara edip mme ebiere ikpe, ete yak mmɔ etɔŋɔ ndidɔk mme ebok ntan nkanade kpukpru mme obio, ke ofuri kpukpru isɔŋ emi mme Nephite ekenyenede.

2 Ndien ke enyɔŋ mme ebok ntan emi enye anam ete ebon mme eto, iŋ, mme ŋkpɔ emi enamde ke mme eto emi ekoŋde nte owo, ekanarede mme obio oro ekuk.

3 Ndien enye anam ete ke mme ŋkpɔ emi enamde ke mme eto oro yak edori mme ŋkukim eto ebɔpde ke mme eto oro ekanade; ndien mmɔ ema esɔŋ idem enyuŋ ekoŋ.

4 Ndien enye anam ebɔp mme tower emi esede mme ŋkukim oro, ndien enye anam ebɔp mme ebiet ukpeme ke enyɔŋ mme tower oro, man mme itiat ye mme idaŋ mme Lamanite ukunɔ mmɔ unan.

5 Ndien mmɔ ema ebeŋe idem man mmɔ edoro ke enyɔŋ oro etop mme itiat, nte asaŋade ye udɔŋ mmɔ ye odudu mmɔ, nyuŋ nwot enye emi odomode ndisaŋa mkpere mme ibibene obio oro.

6 Ke ntem Moroni ama ebeŋe mme mkpɔsɔŋ ebiet abaŋa edidi mme asua mmɔ, akanade ofuri obio ke kpukpru isɔŋ oro.

7 Ndien edikem ete Moroni anam ete mbon ekɔŋ esie eka edem usiaha utin wilderness; iŋ, ndien mmɔ eka enyuŋ ebin kpukpru mme Lamanite emi ekedude ke edem usiaha utin wilderness esin ke mme isɔŋ eke mmɔ, emi ekedude ke usuk usuk isɔŋ Zarahemla.

8 Ndien isɔŋ Nephi akasaŋa ke nnen nnen adaŋa oto ke edem usiaha utin inyaŋ aka edem usop utin.

9 Ndien edikem ete ke ini Moroni amakebin kpukpru mme Lamanite osio ke edem usiaha utin wilderness, emi ekedide edem edere mme isɔŋ inyene mmɔ, enye anam ete mbon emi ekeduŋde emi ekedude ke isɔŋ Zarahemla ye ke ŋkanade-ŋkuk isɔŋ ete eka edem usiaha utin wilderness, tutu ke mme adaŋa mben-mmɔŋ, enyuŋ eda isɔŋ oro enyene.

10 Ndien enye ŋko enim mbon ekɔŋ ke usuk usuk, ke mme adaŋa inyene mmɔ, ndien anam mmɔ ebɔp mme ebiet ukpeme man mmɔ ekpekpeme mbon ekɔŋ mmɔ ye ikɔt mmɔ ke ubɔk mme asua mmɔ.

11 Ndien ke ntem enye esibe kpukpru mme mkpɔsɔŋ ebiet mme Lamanite osio ke edem usiaha utin wilderness, iŋ, ŋko ye ke edem usop utin, ɔsɔŋɔ adaŋa ke ufɔt mme Nephite ye mme Lamanite, ke ufɔt isɔŋ Zarahemla ye isɔŋ Nephi, ɔtɔŋɔ ke edem usop utin inyaŋ, ebe ke ibuot akpa Sidon—mme Nephite enyenede kpukpru isɔŋ ke edem edere isɔŋ, iŋ, kpa kpukpru isɔŋ emi ekedude ke edem edere isɔŋ Bountiful, nte asaŋade ye udɔŋ mmɔ.

12 Ke ntem Moroni, ye mbon ekɔŋ esie, emi eketɔtde ke usen ke usen ke ntak eŋwɔŋɔ ukpeme emi mme utom esie ɔkɔnɔde mmɔ, ema eyom ndisibe ukeme ye odudu mme Lamanite nsio ke mme isɔŋ inyene mmɔ, man mmɔ ekunyene odudu ke mme isɔŋ inyene mmɔ.

13 Ndien edikem ete mme Nephite etɔŋɔ ndibɔp obio, ndien mmɔ ekot enyiŋ obio oro Moroni; ndien enye okodu ke edem usiaha utin inyaŋ; ndien okodu ke usuk usuk ke adaŋa mme inyene mme Lamanite.

14 Ndien mmɔ etɔŋɔ ndibɔp itiat idakisɔŋ nnɔ obio ke ufɔt obio Moroni ye obio Aaron, adianade kiet ye mme adaŋa Aaron ye Moroni; ndien mmɔ ekot enyiŋ obio oro, mme isɔŋ oro, Nephihah.

15 Ndien mmɔ ŋko etɔŋɔ kpa ke ukem isua oro ndibɔp uwak obio ke edem edere, kiet ke utɔ usuŋ kiet emi mmɔ ekekotde Lehi, emi okodude ke edem edere ke mme adaŋa mben-inyaŋ.

16 Ndien ke ntem ke ɔyɔhɔ isua edip eketre.

17 Ndien ke mme edu uforo emi ke ikɔt Nephi ekedu ke ntɔŋɔ ɔyɔhɔ isua ukara edip ye kiet mme ebiere ikpe nnɔ ikɔt Nephi.

18 Ndien mmɔ ema eforo ata eti eti, ŋko mmɔ ema enyene ŋkpɔ ata eti eti; iŋ, ndien mmɔ etɔt enyuŋ ekop odudu ke isɔŋ oro.

19 Ndien ke emi nnyin ikut ite ke Jehovah enyene mbɔm onyuŋ edi edinen ke kpukpru mme edinam esie, ke ndinam kpukpru ikɔ esie osu ɔnɔ nditɔ owo; iŋ, nnyin imikeme ndikut ite ke mme ikɔ esie esu, kpa ke ini emi, emi enye eketiŋde ɔnɔ Lehi, ete:

20 Ɔfɔfɔn ɔnɔ fi ye nditɔ fo; ndien eyediɔŋ mmɔ, ke adaŋa nte mmɔ edinimde mme ibet mi mmɔ eyeforo ke isɔŋ. Edi ti ete, ke adaŋa nte mmɔ midinimke mme ibet mi eyesibe mmɔ esio ke iso Jehovah.

21 Ndien nnyin imikut ite ke mme eŋwɔŋɔ emi edisu ɔnɔ ikɔt Nephi; koro enye ekedi mme utɔk mmɔ ye mme eneni mmɔ, iŋ, mme uwot owo mmɔ, ye mme udia ŋwo mmɔ, ukpono ndem mmɔ, mme use mmɔ, ye mme mbubiam mmɔ, emi ekedude ke otu mmɔ, emi ekedade mme ekɔŋ mmɔ ye mme nsobo mmɔ ɔsɔk mmɔ.

22 Ndien ema enam mbon emi ekebuɔtde idem ke ndinim mme ibet Jehovah ebɔhɔ ke kpukpru ini, ke ini esinde mme tɔsin idiɔk nditɔ eka mmɔ ke ufin, mme ndikpa ke akaŋkaŋ, mme nditaha ke unana edinim ke akpanikɔ, ndien ebuaha ye mme Lamanite.

23 Edi sese akananam ini ikiduhe emi ekenemde esit ekan emi ke otu ikɔt Nephi, tɔŋɔ ke eyo Nephi, ekan ke eyo Moroni, iŋ, kpa ke ini emi, ke ɔyɔhɔ isua ukara edip ye kiet mme ebiere ikpe.

24 Ndien edikem ete ke ntɔŋɔ ɔyɔhɔ isua ukara edip ye iba mme ebiere ikpe eketre ke emem ŋko; iŋ, ye ŋko isua edip ye ita.

25 Ndien edikem ete ke ntɔŋɔ ɔyɔhɔ isua ukara edip ye inaŋ mme ebiere ikpe, ke emem ŋko okpokodu ke otu ikɔt Nephi ekpedi ikidighe eneni emi okodude ke otu mmɔ kabaŋa isɔŋ Lehi, ye isɔŋ Morianton, emi akadianade ke mme adaŋa isɔŋ Lehi; mbiba emi ekedude ke mme adaŋa mben inyaŋ.

26 Koro sese, mbon emi ekenyenede isɔŋ Morianton ema edɔhɔ ke mmɔ enyene ubak isɔŋ Lehi; ke ntak oro ɔkpɔsɔŋ eneni ɔtɔŋɔ ndidu ke ufɔt mmɔ, tutu ete ke mbon Morianton ema eka eŋwan ye nditɔ eka mmɔ, ndien mmɔ ema ebiere ke akaŋkaŋ ndiwot mmɔ.

27 Edi sese, mbon emi ekenyenede isɔŋ Lehi ema efehe eka nna-ekɔŋ Moroni, enyuŋ eyom uŋwam esie; koro sese mmɔ ikiduehe.

28 Ndien edikem ete ke ini mbon Morianton, emi edide owo emi ekekotde Morianton akada mmɔ usuŋ, ekekutde ete ke ikɔt Nephi ema efehe eka nna-ekɔŋ Moroni, mmɔ ema efehe ndik ata eti eti ete ke mbon ekɔŋ Moroni eyedi eŋwan ye mmɔ ndien ke eyewot mmɔ.

29 Ke ntak oro, Morianton esin ke esit mmɔ ete mmɔ efehe eka isɔŋ emi okodude ke edem edere, emi ikpɔ mmɔŋ ekefukde, enyuŋ eda isɔŋ oro enyene emi okodude ke edem edere.

30 Ndien sese, mmɔ ekpekenam uduak emi, (emi ekpekedide ntak ekpekesemede) edi sese, Morianton kedide owo ikpon esit, ke ntak oro enye ama ayaresit ye ofin aŋwan esie kiet, ndien enye omum enye onyuŋ amia enye eti eti.

31 Ndien edikem ete enye efehe, onyuŋ aka nna-ekɔŋ Moroni, onyuŋ ɔdɔhɔ Moroni kpukpru ŋkpɔ kabaŋa ŋkpɔ oro, ŋko ye kabaŋa mme uduak mmɔ ndifehe nka isɔŋ ke edem edere.

32 Idahaemi sese, mbon emi ekedude ke isɔŋ Bountiful, mme Moroni, efehe ndik ete ke mmɔ eyekpaŋ utɔŋ enɔ mme ikɔ Morianton ndien ediana ye ikɔt esie, ndien ke ntem ke enye eyeneyene mme ubak isɔŋ oro, emi edinimde ntak inɔ ata akamba utip ke otu ikɔt Nephi, iŋ, mme utip emi edinamde uwɔrɔ ufin mmɔ ɔbɔhɔ mmɔ.

33 Ke ntak oro Moroni ɔdɔŋ mbon ekɔŋ, ye nna-ekɔŋ mmɔ, ete ebem ikɔt Morianton iso, ndikpan mmɔ ndifehe nduk ke isɔŋ ke edem edere.

34 Ndien edikem ete ke mmɔ ikibemke mmɔ iso tutu mmɔ edisim mme adaŋa isɔŋ Desolation; ndien do ke mmɔ ekebem mmɔ iso, ke mfafaha usuŋ emi ekebede ekpere inyaŋ oduk ke isɔŋ ke edem edere, iŋ, ekpere inyaŋ, ke edem usop utin ye ke edem usiaha utin.

35 Ndien edikem ete mbon ekɔŋ emi Moroni ɔkɔdɔŋde, emi owo emi enyiŋ esie ekedide Teancum akadade usuŋ, ema sobo ye ikɔt Morianton; ndien ikɔt Morianton ema esɔŋ ibuot eti eti, (ke ntak ibak esie ekesinde mmɔ ibifik ye mme nnem-inua ikɔ esie) tutu eŋwan ɔtɔŋɔ ke otu mmɔ, emi Teancum okowotde Morianton onyuŋ akande mbon ekɔŋ esie, ndien omum mmɔ nte mbon ŋkpɔkɔbi, onyuŋ afiak ɔnyɔŋ aka nna-ekɔŋ Moroni. Ndien ke ntem ke ɔyɔhɔ isua ukara edip ye inaŋ mme ebiere ikpe nnɔ ikɔt Nephi eketre.

36 Ndien ke ntem ke ekeda ikɔt Morianton enyɔŋ edi. Ndien ke ini mmɔ enamde ediomi ndinim emem ema efiak enim mmɔ ke itie ke isɔŋ Morianton, ndien edidian mmɔ ye ikɔt Lehi; ndien ema efiak enim mmɔ ke itie ke mme isɔŋ mmɔ.

37 Ndien edikem ete ke kpa ke isua oro ke ema efiak enim emem ke itie enɔ ikɔt Nephi, ete ke Nephihah, ɔyɔhɔ ada ibuot mme ebiere ikpe iba, ama akpa, ke eketiede ke itie ikpe ye edinen ido emi ɔfɔnde ama ke iso Abasi.

38 Edi, enye ama asin ndiyak Alma ada mme ŋwed oro enyene ye mme ŋkpɔ emi Alma ye mme ete esie ekesede nte ata edisana; ke ntak oro Alma amayak mmɔ ɔnɔ eyen esie, Helaman.

39 Sese, edikem ete ema emek eyen Nephihah ete etie ke itie ikpe, ke itie ete esie; iŋ, ema emek enye ete edi ada ibuot mme ebiere ikpe ye andikara ɔnɔ mme owo, ye uŋwɔŋɔ ye edisana edinam ndibiere ikpe ke nnen nnen usuŋ, ye ndinim emem ye uwɔrɔ ufin mme owo, ye ndinɔ mmɔ mme saŋa-saŋa ifet ndikpono Jehovah Abasi mmɔ, iŋ, ndiŋwam nyuŋ nnim usuŋ Abasi ke ofuri eyo esie, ye ndinam ŋkpɔ ye mbon ibak ke nnen nnen usuŋ nte asaŋade ye ubiat mbet mmɔ.

40 Idahaemi sese, enyiŋ esie ekedi Pahoran. Ndien Pahoran ama etie ke itie ete esie, ama onyuŋ ɔtɔŋɔ ukara esie ke utit ɔyɔhɔ isua edip ye inaŋ, ɔnɔ ikɔt Nephi.