1 Áádóó baa hoolzhiizh naadiin hastą́ą́ yihah góneʼ Nephi dineʼé bikéyahgóó andahaazná, tʼáá ałtso diné, baʼáłchíní, bindaadlooshii dóó ndei niłkaadígíí, bilį́į́ʼ dóó bibééghashii, dóó tʼáá átʼé beedahólónígíí.

2 Áádóó baa hoolzhiizh hashtʼeʼndayiznilyę́ę tʼahdoo ałtso deiyą́ą da; éí bąą tʼáadoo deiyíyąʼígíí dahdeidiijaaʼ, tʼáá átʼé ndaniseʼii, dóó bibéésh óola, dóó bibéésh łigaii, dóó tʼáá ałtso bidaʼílíinii, áádóó dabikéyahgóó andahazná, tʼáá ałtso náhookǫs dóó shádiʼááhjigo, tʼáá áłah kéyah náhookǫsjigo dóó kéyah shádiʼááhjigo.

3 Áádóó daʼniʼįįhii kéyah bikááʼgóó kʼé ádahólzingo yee ahadaʼdeestʼánígíí, éí tʼáá Laman dineʼé daniidlį́į doo danízin, ádaneeląʼígíí bikʼehgo, áko bee daholǫ́ǫ doo, yee ndadoolnishígíí, yee iiná ádeidoolíłígíí; áko tʼáá ałtso kédaayahgo kʼé hólǫ́ǫgo ádahoolaa.

4 Áádóó náásdeeskai dóó ayóó átʼáo dahiiná daazlį́į́ʼ; naadiin hastą́ą́ dóó tsostsʼid yihahígíí bił adahóóyah, dóó ayóó átʼáo kéyah bikááʼ hastʼeʼhootʼe hazlį́į́ʼ; áádóó bibee hazʼáanii ahidahoołtʼé dóó tʼáá ákogi átʼéego yikʼehgo ádahoolaa.

5 Áádóó áko tʼáá átʼé kéyah bikááʼgóó dineʼé doo dabidinóołtłʼahgóó daʼatʼį́į́ ńtʼéé, tʼáá hazhoʼó niʼiilzííh yiih náánáákaigo tʼéiyá.

6 Áádóó áko Gidgiddoni, dóó ánahwiiʼaahii, Lachoneus, dóó naatʼáanii ádabiʼdiilyaaígíí, díí ayóó átʼáo kʼé hólǫ́ǫgo ádahoolaa.

7 Áádóó baa hoolzhiizh kin ádaaniidgo hadaasʼáago ádahoolaa, dóó ląʼí kin haalʼá daasáníyę́ę hashtʼéedayiidlaa.

8 Áádóó ląʼí ndaʼaztiin ádayilaa, kin hadaasʼá dóó kin hadaasʼáajįʼ ndaʼaztiingo, áádóó nahazʼą́ dóó nahazʼą́ąjįʼ, dóó tʼááłaʼ ałyóíjį́ dóó łaʼ ałyóígóó.

9 Áádóó áko naadiin tseebíí ałtso nááhai, dóó dineʼé tʼah kʼé bee dahólǫ́.

10 Ákondi naadiin náhástʼéí yihahgo dineʼé bitahgóó łaʼ ałchʼįʼ andaʼdiitsih daazlį́įʼ; dóó łaʼ éí ádaadadzódlí dóó ayóó daʼatʼínígíí biniinaa hadahadzih, aooʼ, hónáasii ayóó átʼéego yee atídaʼałʼį́;

11 Háálá baandaʼiiniihii ląʼí kéyah bikááʼgóó dahólǫ́, dóó ałdóʼ ląʼí aghadaʼdiitʼaahii, dóó ląʼí alą́ąjįʼ naazíinii.

12 Áádóó dineʼé bee béédahoʼdílzinígíí dahazlį́į́ʼ, daʼatʼínígíí bikʼehgo dóó ídahodoolʼáłígíí bikʼehgo; aooʼ, łaʼ éí doo éí dahósin da háálá baa dahojoobaʼígíí biniinaa, áádóó łaʼ éí ayóó átʼáo ídahoołʼaah háálá daʼatʼínígíí biniinaa.

13 Łaʼ ádaadadzodlí daazlį́į́ʼ, dóó łaʼ éí tʼáá íiyisíí aʼoh daazlį́į́ʼ; łaʼ éí tʼóó akʼijįʼ hadahahdziih dóó nátʼą́ą́ʼ bikʼijįʼ hadaʼiidziih, łaʼ bichʼįʼ hadaʼiidziih dóó bikʼįjįʼʼ daʼídlį́įgo dóó ałʼąą átʼéego achʼįʼ ndahwiiná bichʼįʼ kódaalʼį́įgo, dóó doo nátʼą́ą́ʼ akʼijįʼ ánaadaʼałʼį́į da, ákondi Diyin God bidááhdóó aʼoh danilį́.

14 Áádóó áko ayóó átʼáo tʼáá átʼé kéyah bikááʼgóó doo aheełtʼéego dahdaʼíldééh dahazlį́į́ʼ, hónáasiiʼ sodizin yę́ę ałtsʼá needééʼ silį́į́ʼ; aooʼ, hónáasiiʼ tádiin yihah góneʼ sodizinyę́ę tʼáá ałtso adahwiisʼáágóó ałtsʼáníídeeʼ tʼáá hazhoʼó Laman dineʼé tʼáá dikwíhígo tʼáá anííjí oodląʼ yidahidiikai; dóó doo yitsʼákááh da, háálá yéego deiyótąʼígíí biniinaa, dóó doo nahjįʼ kódaanééhgóó, dóó doo dahidinááh da, tʼáá ałtsóní yee Diyin Bóhólníihii bibee hazʼáanii yéego yidadiilkaalgo yikʼeh dahółʼį́.

15 Áko díí biniinaa diné bąąhági ádáátʼįįł—Chʼį́įdii ayóó átʼáo bidziil, dineʼé ałʼąą átʼéego bąąhági ádeiłʼį́įgo hainiłchaad, dóó ádaadadzóhdlíigo ádeileʼ, adziil, dóó óhólnííh, dóó daʼatʼį́įgo, dóó nihokááʼ bikááʼgóó yee alááh dadooleełii yichʼįʼ yóʼoołkąąh.

16 Áádóó kótʼáo Chʼį́įdii dineʼé bijéí bąąhági ádaʼałʼį́įgo yóóʼ ayiiʼéésh; éí bąą tʼáá díkwíí nááhaijįʼ kʼe beedahólǫ́ǫgo bił ahoolzhiizh.

17 Áádóó áko, tádiin yihah bee hanááhoolzhiizhgo—dineʼé nizaadgóó biʼiiníziinii bíʼoolkąąh nabilóozgo hoolzhiizh tʼáá bí íínízinjigo, dóó bąąhági átʼéii bí íinízinígíí ádeiłʼį́ nízingo—áko díí tádiin, yihah góneʼ, tʼáá íiyisíí tʼóó baaʼihgo doo yáʼáshǫ́ǫ́góó bił hooʼaʼ.

18 Áko bił béédahózingo bąąhági ádaʼałʼį́į ńtʼę́ę́ʼ, háálá Diyin God bá yinízinígíí bíł béédahózin, áko bee ndabiʼdineestą́ą́ʼ; éí bąą bił béédahózingo Diyin God yikʼijįʼ ndiijééʼ.

19 Áádóó áko Lachoneus bíyoołkałę́ę́dą́ą́ʼ, biyé Lachoneus, Lachoneus éí bizhéʼé dasidą́héedi dahneezdá dóó éí yihah biyiʼ dineʼé yáhooʼááł ńtʼę́ę́ʼ.

20 Áádóó diné yá ąąshdę́ę́ʼ bił dahóoneʼ dóó adabiʼdiisʼaʼ, adahwiisʼáágóó dineʼé yitah naazį́, ndaʼnitin dóó yéego tʼáá aníigo dineʼé bibąąhági ádaatʼéii dóó doo yáʼátʼéhii yaa dahoolneʼ, dóó tʼáá aníigo Diyin Bóhólníihii bidineʼé yá nináʼnídláii bídadéétʼiʼígíí yaa hoolneʼ, éí doodago kótʼáo ááłdishní, Christ nááhiiʼnáʼígíí; dóó tʼáá aaníí biʼdiisyį́ dóó tiʼhoozniiʼígíí yaa hoolne.

21 Áko dineʼé ląʼí tʼáá íiyisíí bádahóóchįįd háálá díí tʼáá aaníigo yaa dahoolneʼígíí biniinaa; áádóó bádahachʼįʼígíí aláahdi andahwiiʼaahii íiyisíí, áádóó high priest dóó aghadaʼdiitʼaahii danilínée, aooʼ, tʼáá átʼé aghadaʼdiitʼáahii tʼáá aaníigo díí yaa dahoolneʼígíí yikʼee bádáhóóchįįd.

22 Áko aghadaʼdiitʼaahii doodaiiʼ ándahwiiʼaahii éí doodaiiʼ high priest iidiyoolyééł yee ndahodooʼááłgo doo bee bídahólniih da tʼáá hazhóʼó kéyah yikʼi hóóʼááłii ndahazʼanígíí dooyizhiʼ yikááʼíídoolííł da.

23 Áko ląʼí Christ bídéétiʼígíí tʼáá aaníigo yeehadahaazdzííʼ éí yéego tʼáá aníigo hadahaasdzííʼ, ándahwiiʼaahii éí deitsxił dóó ndahonitʼingo ndeistseed, áko ndaaztseedígíí kéyah yikʼi nahaʼáíi tʼáadoo yaahodiiztsʼą́ą da ałtsogo índa.

24 Áko shooh, díí kéyah bikááʼgóó bee hazʼáanii bikʼijįʼ, áko da doo łaʼ yidiyoolhééł da tʼáá hazhóʼó kéyah yikʼi hooʼáłígíí łą́ bił níigo tʼéiyá—

25 Éí bąą Zarahemla bikéyahdééʼ saad hazlį́į́ʼ, kéyah yikʼi hooʼááłii bikʼijįʼ, ándahwiiʼaahii Diyin Bóhólníihii yá yádaałtiʼii yándahwiizʼą́ dóó ndeistseed, éí doo bééhazʼáanii bikʼehgo ádajitʼį́į da.

26 Áko baa hoolzhiizh deiyiiłtsood dóó anahwiiʼaahii bidááh niidlóóz, atídaʼiilaaígíí bikʼehgo bá nahodootʼááł biniyé, dineʼé bee hazʼáanii ádayilaaígíí bikʼehgo.

27 Áádóó baa hoolzhiizh éí andahwiiʼaahii bikʼiské dóó bikʼéí tʼóó adahayóí; áádóó łaʼígíí, aooʼ, tʼáá átʼé aghadaʼdiitʼaahii dóó high priest danilínígíí, ahííkai, dóó éí ándahwiiʼaahii bee hazʼáanii bikʼehgo bá hadaʼdoodzihígíí bikʼéí yił ahíikai.

28 Áádóó saad yee ahadaʼdeestʼą́, aooʼ, ałkʼidą́ą́ʼ bee ahaʼditʼaah baadahasyáhą́ą́ʼ bikʼehgo, éí ahaʼdeetʼaah biʼiiníziinii yinílá dóó eiidiníʼą́, tʼáá ałtso yáʼátʼéehgo oodááł yikʼijįʼ áyiilaa.

29 Éí bąą Diyin Bóhólníihii bidineʼé bikʼijįʼ ályaa, ndeidoołtsxił biniyé ahadaʼdeestʼą́, dóó ndaʼastseed yę́ę bándahwiitʼą́ą́dééʼ hadeidoolóós, éí kʼadę́ę bee hazʼáanii bikʼehgo baadahiditʼaah.

30 Áádóó bee hazʼáanii yikʼijįʼ danilį́įgo nahjįʼ ndeizlá dóó bikʼéyah yáʼátʼéehgo báʼádaʼalyaa; áádóó kéyah yánahaʼáí deidiyoołhééłgo yee ahadaʼdeestʼą́, áádóó kéyah yikʼi aláahdi naatʼáanii hadeididoołʼį́į́ł, kéyah yę́ę doo tʼáá bí ádeinízinii yikááʼkeedahatʼį́į da doo ákondi aláahdi naatʼáanii danilíinii yikʼidahwééʼaah doo.