1 Áádóó baa hoolzhiizh diné áłah nilínée dóó ałdóʼ bikééʼ naazíinii, kʼadí tʼáadoo sodadołziní, yidííniid. Áádóó nihijéí biyiʼdi nihisodizin niʼ ádaohłeʼ lágo yidííniid.

2 Áádóó ńdoohjeeh dóó daohsįįh yidííniid. Áádóó ńdiijééʼ dóó deizįʼ.

3 Áádóó baa hoolzhiizh bááh ninááyiztiʼ dóó yikʼi sonáádoolzin, dóó bikééʼ naazíinii yitaizką́ doo dayííyą́ą́ʼ.

4 Áádóó ałtso daʼiiyą́ąʼgo bááh ńdahohtííh dóó diné baa dahidohkááł yidííniid.

5 Áádóó diné áłah jílínée yitaadeizką́ chʼil naʼatłʼoʼii bitooʼ ałdóʼ baa nááneiníką́, dóó dayoodlą́ą́ʼ dóó áłah jílínée baa náádookaał yidííniid.

6 Áko, bááh, dóó chʼil naʼatłʼoʼii bitooʼ, éí akééʼ naazíinii doo łaʼ yiníʼą́ą da, dóó doo łaʼ yiníką́ą da, doo áłah jílínée ałdóʼ;

7 Ákondi tʼáá aaníí éí bááh yiteizką́ doo daʼiiyą́ą́ʼ, dóó chʼil naʼatłʼoʼii bitooʼ ałdóʼ yiteizką́ doo dayoodlą́ą́ʼ.

8 Áádóó kóhodííniid: Háíshį́į́ díí bááh yiyííyą́ʼígíí éí shitsʼíís jidooyį́įł dóó hatsʼíís dóó hayiʼ sizíinii yee átʼée doo; áádóó háíshį́į́ díí chʼil naʼatłʼoʼii bitooʼ yoodlą́ʼígíí éí shidił jidoodlį́įł dóó hatsʼíís dóó hayiʼ sizíinii yee átʼée doo dóó hwiiʼ sizíinii éí doo dichin dóó doo dibááʼ náádoodleeł da, ndi tʼáadoo yídin nilíní da dooleeł.

9 Áko, diné áłah jílínée ałtso daʼiiyą́ą́ʼ dóó daʼoodlą́ąʼgo, áko shooh, tʼah ńtʼéeʼ Iiʼ Sizį́ Diyiinii bikʼidahooleʼ; dóó iinééʼ tʼááłahjįʼ hadadeeshghaazh, dóó Jesus yaa dahaznih, éí dayiiłtsą́ doo deidiiztsʼą́ą́ʼ.

10 Áádóó baa hoolzhiizh tʼáá ałtso Jesus yaa dahaznihgo, kóyidííniid: Áko shooh kojįʼ díí bee hazʼáanii díí diné, éí éí Israel bighandóó dineʼé danilínígíí bídéétʼiʼ, Diyin aZhéʼé nilíinii yee shichʼįʼ haadzíʼée ałtso baa naahosisneʼ.

11 Shą́ą́ʼ béédaohłniihgo, díí bee nihichʼįʼ haasdzíiʼ neʼ, dóó kódííniid neʼ Isaiah bizaad bidaʼhoolyaago—áko shooh díí éí nááháasdzo, éí éí kǫ́ǫ́ nihidáahgo, éí bąą biiʼ dadínóhʼį́į́ʼ—

12 Áádóó tʼáá aaníí, tʼáá aaníigo, Nihichʼįʼ haasdziih, éí bizaad bidaʼhoolyaago índa Diyin aZhéʼé nilíinii bidineʼé yił ahadaʼdeestʼánée bidaʼalnéeh dooleeł, O Israel bighandóó danohłíinii.

13 Áádóó índa, dineʼé chʼéédzíhígíí nahasdzáán bikááʼgóó daʼníłtsʼą́ąjigo ałtsʼádaneeskaad yę́ę, haʼaʼaahdę́ę́ʼ, eʼeʼaahdę́ę́ʼ, dóó shádiʼááhdę́ę́ʼ dóó náhookǫsdę́ę́ʼ áłah ábidiʼdoolnííł; dóó Bóhólníihii biDiyin God, bá nináʼnídláhígíí yéédahodoosįįł.

14 Áádóó Diyin aZhéʼé nilíinii díí kéyah baa didííʼááł shiłní, náásgóó dahodooleełii bá.

15 Áádóó ánihidishní, Gentile dineʼé ayóó átʼéego hakʼidahojisdliʼgo dóó shidineʼé ałtso daʼníłtsʼą́ąjigo ałtsʼádajineeskaad bikéédóó doo ádaańdaʼookąąhgóó—

16 Áko índa nihí, Jacob bighandóó dineʼé danohłínígíí tʼáá daadziihígíí, éí bitaadaahkai dooleeł; dóó tʼóó ahayóígi ánéelą́ąʼ doo áko éí bitahgi naahkai dooleeł; dóó náshdóítsoh naaldlooshii daʼáłchínígíí tsintahgóó dahólónígíí yitah yigááł nahalingo, dóó náshdóí ániid naagháhí dibé yitah yílwod nahalingo, éí éí, yitah yigháahgo yił nayiideeł dóó nayiiłdlaad, dóó tʼáadoo yisdábidooʼishí da.

17 Nihílaʼ éí nihikʼijįʼ nilíinii bee bikʼijįʼ dah dołnih dooleeł, dóó tʼáá ałtso nihikʼijįʼ danilíinii éí ádadoołdįįł.

18 Áádóó shidineʼé áłah ádeeshłííł diné léiʼ tłʼoh naadą́ą́ʼ ahąąh náyiiłjooł nahalingo.

19 Háálá Diyin aZhéʼé nilíinii diné yił ahaʼdeetʼánée éí shidineʼé ádeeshłííł, aooʼ, nihideeʼ béésh ditʼóódgo ádeeshłííł, dóó nihikeeʼ béésh łitsoiigo ádeeshłííł. Áádóó tsʼídá diné tʼóó ahayóí bee ndadoołtsxił; dóó yee daʼatʼínée Diyin Bóhólníihii bichʼįʼ deidoolzį́į́ł, dóó binaalyéhé tʼáá ałtso nahasdzáán biDiyin Bóhólníihii bichʼįʼ kódeeshłííł. Áádóó áko shooh, shí éí ákódeeshłííł.

20 Áádóó baa hodoolzhish, ní Diyin aZhéʼé nilíinii, áajįʼ ayííłką́ągo shibéésh hał tʼáá ákogi átʼáo ánihwiitʼaahii éí hakʼi dasitą́ą dooleeł; dóó tʼáá hazhóʼó ádaańdaʼooskango tʼéiyá doo hakʼijįʼ ndookǫs da, ní Diyin aZhéʼé nilíinii, aooʼ, tsʼídá tʼáá ałtsogo Gentile dineʼé kéédahatʼį́įgo éí hakʼijįʼ ndi ákótʼé.

21 Áádóó baa hodoolzhish shidineʼé, O Israel bighandóó danohłíinii, éí háádideeshdłííł.

22 Áádóó áko shooh, díí diné éí díí kéyah bikáaʼgi bá hwiideeshʼaał dóó ńdahidooʼnééł, nihizhéʼé Jacob bił ahadaʼdinishtʼánée áajįʼ bohodoolnííł; dóó éí Jerusalem Ániidígíí dooleeł. Áádóó yáʼąąshdi bee daʼadziilii éí nihiníiʼgi siláa dooleeł; aooʼ, tʼáá shí nihiníiʼgi honishłǫ́ǫ doo.

23 Áko shooh, Moses kóníigo łaʼ yaa yáłtiʼę́ę éí shí áshtʼį́: Bóhólníihii niDiyin God éí nihitahdóó Diyin yá yáłtiʼii łaʼ yidoosiįįł, shígi átʼée dooleeł; éí tʼáá haʼátʼííshį́į́ yee nanihinitinígíí deísínóołtsʼą́ąʼ dooleeł. Áádóó baa hodoolzhish tʼáá łaʼí nízínígo doo Diyin God yá yáłtiʼii dayiistsʼą́ʼígíí éí dineʼé bitahdóó nahjįʼ kódabiʼdidoolnííł.

24 Tʼáá aaníigo Nihichʼįʼ haasdziih, aooʼ, dóó Diyin yá yáłtiʼii tʼáá ałtso Samuel bikééʼdóó índa éí wónáásdóó, ląʼída dahoolneʼígíí, éí shaa ńdahasneʼ.

25 Áádóó áko shooh, nihí éí Diyin yá yádaałtiʼii baʼáłchíní danohłį́; dóó Israel éí bighandóó nohłį́; dóó nihizhéʼé Diyin nihiZhéʼé nilíinii yił ahadaʼdeestʼánée éí óhtʼį́ʼ, Abraham kóyidííniidée: Dóó nikʼǫ́ǫ́ʼ éí binahjįʼ nihokááʼ dineʼé bikʼidahojídlíi dooleeł.

26 Diyin aZhéʼé nilíinii éí nihichʼįʼ áłtsé shineesą́, dóó nihichʼįʼ shiʼníłniiʼ tʼááłáʼí nozinígo nihíkáʼadeeshwoł áko bąąhági átʼéii nahjįʼ kódadoohłííł; dóó díí éí Diyin God bił ahaʼdeetʼáanii baʼáłchíní nohłínígíí biniinaa—

27 Áádóó kótʼéego nihikʼihojisdliʼgo Diyin aZhéʼé nilíinii Abraham yił ałhaʼdeetʼánée bohoolyaa, kóníigo: Nihikʼǫ́ǫ́ʼ binahjįʼ éí nihokááʼ dineʼé tʼáá ałtso bikʼidahojídlíi dooleeł—Iiʼ Sizį́ Diyinii éí Gentile dineʼé yéego bee bikʼijideeshdliił, díí Gentile dineʼé bikʼihojisdliʼgo tsʼídá tʼáá ałtsóní biláahdi ádabóodziil dooleeł, kótʼéego shidineʼé daʼníłtsʼą́ąjigo ałtsʼádeineeskaad, O Israel bighandóó danohłíinii.

28 Áádóó éí díí kéyah bikááʼgóó diné kéédahatʼínígíí tsʼídá doo yichʼįʼ ndahwiiłnáa da dooleeł. Ákótʼée ndi, tsʼídá shinahatʼá bee yisdáʼiildéehii tʼáá ałtso bee hadilyaaígíí nidazhdiiláago, índa doo hajéí dazhdotłʼisgo habąąhági átʼéii éí hakʼijįʼ kóńdeeshdlííł, ní Diyin aZhéʼé nilíinii.

29 Áádóó shidineʼé bił ahaʼdinishtʼánée béédeeshnih; áko shá bóhónéedzą́ą́ góneʼ ahínáhiʼdeeshʼish, dóó díí bizhéʼé kéyah baa diníʼánée éí baa ńdideeshʼááł dóó nihí dooleeł dishníigo bił ałhadiʼnishtʼą́, éí díí kéyah Jerusalem ááłdishní, éí hoolʼáágóó kéyah baa deetʼą́, ní Diyin aZhéʼé nilíinii.

30 Áádóó baa hodoolzhish, shinahatʼá bee yisdáʼiildéehii tʼáá ałtso bee hadilyaaígíí bee nabídínóóʼtįįł;

31 Áádóó shí Jesus Christ, Diyin God biYeʼ nishłínígíí, deidoodląął, dóó Diyin aZhéʼé nilíinii bichʼįʼ shízhiʼ yinahjįʼ sodadilzin dooleeł.

32 Índa nihá hadaʼasíidii biinééʼ dei kódeidoolííł; dóó biinééʼ yee dahataał dooleeł; háálá tʼáá áłtsóní yee tʼááłaʼí danilį́į dooleeł.

33 Áko índa Diyin nihiZhéʼé nilíinii áłah ánááhodoodlííł, dóó kéyah Jerusalem éí bikéyah dooleełgo yeididooʼááł.

34 Índa bił dahózhǫ́ǫgo dahataał dooleeł—Tʼáá ánółtso ahił dahohtaał, Jerusalem dahóóchxǫʼę́ęgo kéédahohtʼíinii; Diyin aZhéʼé nilíinii éí bidineʼé yikʼijisdliʼ, Jerusalem éí yikʼé nináʼnídlá.

35 Diyin aZhéʼé nilíinii bibee adziilii ałʼąą dóoneʼé dah deikááhgóó yił ííshjání áyiilaa; dóó tsʼídá ndahoneesʼą́ąjįʼ dineʼé Diyin aZhéʼé nilíinii bee yisdáʼiildéehii deidoołtsééł; dóó Diyin aZhéʼé nilíinii dóó shí éí tʼááłáʼí niidlį́.

36 Áádóó índa ńdaháasdzoyę́ę éí bidahoʼdoolnííł: Chʼéénídzííd, chʼénínáánídzííd, dóó nidziilgo íʼdílnééh, O Zion; niʼééʼ nizhónígíí biih nínááh, O Jerusalem, kintah diyinii, háálá kodóó éí doo daʼoodlánígíí índa bąąhági átʼéii yaa ndaakai doo łaʼ nił yahʼadooghááł da.

37 Ńdiidááh, łeezh ádąąh nikad, dóó nídaah, O Jerusalem; nikʼos gónaa bináztʼiʼę́ę nahjįʼ kónílééh, O Zion bichʼéʼé ąąh shijééʼ danilíinii.

38 Háálá Diyin Bóhólníihii éí kóní: Tʼáadoo bą́ą́h ílínígo ndanihiʼdiizniiʼ, dóó béeso tʼáágééd nihá ninináʼdoolyééł.

39 Tʼáá aaníí, tʼáá aaníigo, Nihichʼįʼ haasdziih, shidineʼé éí shízhiʼ bił béédahózin dooleeł; aooʼ, éí biiníłką́ągo díí yáłtiʼígíí éí shí áshtʼį́įgo bił béédahodoozįįł.

40 Áádóó índa kódadidooniił: Dooládóʼ danizhóní da dził yikáaʼgi dahdadéesʼeezígíí, éí haneʼ yáʼátʼéehii yaa dahalneʼii, éí kʼé hwiinidzin yíndaʼniłtin; yáʼádaatʼéehgo dahináanii haneʼ baa hózhóonii yitaadeiʼáʼ yisdánáʼiildééh yaa dahalneʼ; éí Zion ádeiłní: NihiDiyin God ákʼi bíhólnííh.

41 Áádóó índa kótʼéego hodidootsʼį́į́ł: Bitsʼánóhkááh, bitsʼánóhkááh, áádę́ę́ʼ yíwohjįʼ, bąąhági ádaatʼéii tʼáadoo ádiihdahołéhé; binííʼdóó chʼínóhkááh; chin nihąąh ádingo ídaʼdółnééh Diyin Bóhólníihii binaalyéii dahdeinóhłéii.

42 Háálá doo éí tsxį́įłgo chʼídoohkah da dóó doo chʼídadínóohdzoł da; háálá Diyin Bóhólníihii éí nihilą́ąjįʼ yigáał dooleeł, dóó Israel biDiyin God éí nihikééʼdę́ęʼgo nihaa áhályą́.

43 Áko shooh, shá naalʼaʼí éí tʼáá ałtsojįʼ dahóyą́ągo naalnish dooleeł; éí éí ayóó átʼéego dóó baa haʼniihgo dóó tsʼídá wódahgo baa ntsáhákees dooleeł.

44 Tʼóó ahayóí nikʼee bił dahóóyóí—biniiʼjįʼ éí achʼįʼ nahwiiʼná bee bikʼeʼeshchʼį́ʼ, diné tsʼídá tʼáadoo łaʼ kótʼéego bichʼįʼ nahwiiʼnáa da, dóó bitsʼíísdóʼ nihokááʼ dineʼé beʼashiiké biláahgo ájiidzaa—

45 Áko ląʼígo ałʼąą dineʼé bił nahazʼą́ągo yikʼíidoołkał; aláahdi naatʼáanii danilíinii hakʼee dazhdidoołhił, tʼahdoo bee hoł dahaneʼígíí éí daazhdínóołʼįįł; dóó tʼahdoo daazhdiitsʼį́įhii éí baa ntsídajíkees dooleeł.

46 Tʼáá aaníí, tʼáá aaníigo, Nihichʼįʼ haasdziih, díí tʼáá ałtso baa dahodoolzhish, tsʼídá Diyin aZhéʼé nilíinii bee hadiidzih shidííniidę́ę ndi. Índa ahaʼdeetʼaahii Diyin aZhéʼé nilíinii bidineʼé yee yił ahaʼdeetʼánée ałtso bidahodoolnííł; dóó índa Jerusalem shidineʼé yiih ńdahidooʼnééł, dóó náasdi daabí dooleeł.