Eteru 7–11

Folasaga

E ui na valoia e le uso o Iareto o le faamautuina o se tupu a sa Iareto o le a taitai atu ai i le faatagataotauaina, e lei vave ona faataunuuina ana upu. O le tupu muamua a sa Iareto, o Oraea, na nofotupu i le amiotonu. Ae peitai, na avea se tagata e igoa ia Iareto ma tupu ina ua mavae augatupulaga e lua i le faatuina lea o se faapotopotoga faalilolilo. I le vaitaimi o le nofoaigatupu o a latou tupu, sa oo sa Iareto i le tele o lio o le faalogologo i perofeta ma ola i le amiotonu, ma le teenaina o perofeta ma ola i le amioleaga.

Eteru 7

Na avefaamalosi e Kori’oa le malo mai lona tama, ua toe maua e lona uso o Sule, ma sa fetuuina e perofeta le amioleaga o le nuu

O le a sou manatu o se lagona o se tasi o ola faatagataotaua? Na e i ai se taimi sa e maua ai ni lagona talitutusa o le leai o se saolotoga ona o filifiliga le sa’o sa e faia? Tagai mo ni malamalamaaga i auala e mafai ona e aloese ai mai le faatagataotauaina faaletino ma le faaleagaga ao e suesue le Eteru 7–11.

Ata

alii o loo i le falepuipui

Ina ua amata ona matutua Iareto ma lona uso, sa talosaga sa Iareto mo se tupu. Na lapatai atu e le uso o Iareto ia tagata faapea o le i ai o se tupu o le a taitai atu ai i le faatagataotauaina (tagai Eteru 6:19–23). Sa valoia mai pea e le aunoa e perofeta o le a taitai atu i tatou i le faatagataotaua faaletino po o le faaleagaga.

Tusi i lau api talaaga mo le suesueina o tusitusiga paia se faataitaiga se tasi po o le lua sa lapatai mai ai perofeta o ona po nei ma pe faapefea e na faatinoga ona taitai atu ai i le faatagataotauaina i le faaletino ma le faaleagaga.

E ui i lapataiga a le uso o Iareto, sa filifili tagata ina ia fai se tupu. Faitau le Eteru 7:1–2 e iloa ai pe na faataunuuina le valoaga a le uso o Iareto i le vaitaimi o Oraea, le atalii o Iareto. Mafaufau po o le a sau tala i se tagata o le sa ola i le vaitaimi o le Tupu o Oraea ma e lei talitonu o le a faataunuuina le valoaga a le uso o Iareto.

Sa faataunuuina ia lapataiga faaperofeta a le uso o Iareto i totonu o augatupulaga e lua. Faitau le Eteru 7:3–7, ma iloa ai le auala na nonofo ai Kipi ma lona nuu i le faatagataotauaina i lalo o Kori’oa, lea na tetee i lona tama ona o manaoga manatu faapitoa e avea ma tupu. O lenei ave faatagataotauaina o se taunuuga o le manatu faapito ma le tetee.

Tusi i lau api talaaga mo le suesueina o tusitusiga paia le mea o le a e tau atu i tagata i le aso o e le usiusitai i le fautuaga a perofeta ae latou te le o lagona le pei o ave faatagataotauaina faaleagaga. (I lau tali, atonu e te manao e faaaofia ai le manatu faapea o i latou ua amata ona noatia i le faatagataotauaina faaleagaga e masani lava o le tagata mulimuli lea e iloaina. Tau mai se tulaga faanei ona po o se mea e mafai ona tuu ai se tagata i le faatagataotaua faaleagaga.)

O lenei vaega o le talafaasolopito a sa Iareto o loo faailoa mai ai le mataupu faavae faapea o le teena o upu a perofeta e taitai atu ai i le faatagataotauaina. Mafaufau i ni auala atonu sa e oo i ai faatagataotaua faaleagaga ona o le le usiusitai i poloaiga po o fautuaga faaperofeta.

O le fouvale o Kori’oa e faagasatau i lona tama, o Kipi, na taitai atu ai i le faifai pea o feeseeseaiga ma taua. Ao toeaina o ia, sa maua se isi atalii o Kipi—o Sule. Ina ua matua Sule, sa ia tau faasaga i lona uso fouvale, o Kori’oa.

Mafaufau o oe o se fai lipoti ua atofaina e faia se tala e uiga ia Sule. Faitau le Eteru 7:8–13, ma tusi se parakalafa puupuu i lau api talaaga mo le suesueina o tusitusiga paia e lipoti atu mea e te faamamafaina atu i lau sailiiliga i le olaga o Sule.

I le vaitaimi o le nofoaiga a Sule, na o mai le toatele o perofeta i le nuu ma lapatai atu i latou e uiga i lo latou amioleaga. Faitau le Eteru 7:23–25, ma faailoa mai mea sa valoia e perofeta ma le auala na tali atu ai tagata. Na faapefea ona tali atu Sule? Na faapefea e le puipuiga a Sule o perofeta ona faamanuiaina ai lona nuu?

Faitau le Eteru 7:26–27, ma tagai mo le mea na tupu pe a usitaia e tagata ia upu a perofeta. Sa “manatua e [Sule] mea tetele na faia e le Alii mo ona tama” (Eteru 7:27). Pe a e manatuaina mea tetele sa faia e le Alii mo oe, atonu o le a e maua le agaga faafetai mo Ia ma ola amiotonu.

O nei mea na tutupu o loo molimau mai e uiga i se mataupu faavae taua: A o tatou salamo mai a tatou solitulafono, o le a amata ona tatou manuia. O le upu manuia o lona uiga o le “faamoemoe” ma le “faamanuiaina” ma “e masani ona faaaogaina i le tulaga o manuia faaletino, [ae] e le faapea o le uiga o se faulaiga o oa faaletino—pe oo foi i se olaga toafimalie e leai ni faafitauli. …

“O tagata amiotonu faamaoni e manuia, i le tulaga e i ai se latou talitonuga, lea e faaosofia ai le faatuatua ina ia galue ma mamanuina ni tulaga aoga mai tagata le taualoa. Latou te le faatali mo le Alii e tuuina atu pe aveesea mai ni taui, ae nai lo lena e valaau atu ia te ia mo se taitaiga e uiga i le mea o le a sili ona aoga mo i latou, e le gata i le faaletino ae faapea ma le faaleagaga. O lea ituaiga taitaiga e ono taitai atu i le suiga o galuega, siitia atu i se isi itu, mauaina o aoaoga po o tomai fou, po o le taliaina o mea e pei ona i ai ao galue i totonu o ni tapulaa a le tagata lava ia ma mulimuli i le taitaiga a le Agaga i isi auala” (Alan Webster, “I Have a Question,” Ensign, Apr. 1990, 52–53).

Tali le fesili lenei, i lau api talaaga mo le suesueina o tusitusiga paia:
1. Pe sa faamanuiaina oe mo le usitaia o upu a perofeta?
2. O le a se mea e tasi e mafai ona sili atu ona e faia e usitaia ai upu a perofeta ma agavaa ai mo faamanuiaga a le Alii?

Eteru 8:1–9:12

Na avea Iareto sosoo ai ma Akiso o ni tupu o sa Iareto e ala i faapotopotoga faalilolilo

Faitau le lisi lenei: musika e te faalogologo i ai, manatu e te mafaufau i ai, lau amio i le aoga, ata e te matamata ai, lau amio i tafaoga faamasani, gaoioiga e te faia ma au uo, o au mea e fai pe a leai se tasi o i ai. Aisea e manao ai se tasi o loo gauai atu i amioga leaga e nana le ala o latou auai ai i se tasi po o le sili atu foi o nei gaoioiga mai a latou uo, matua, po o taitai? O le a se tulaga matautia o le gauai atu i gaoioiga faalilolilo le amiotonu?

E tusa ai ma le Eteru 8, sa avea Omera ma tupu ina ua maliu Sule, peitai o le atalii o Omera o Iareto sa “fouvale i lona tama” (Eteru 8:2) ma “tuu atu lona loto atoa i le malo ma le mamalu o le lalolagi” (Eteru 8:7). Sa faia e le afafine o Iareto ma lona tama se fuafuaga o le a toe avatu ai le malo ia te ia. O ia o se tamaitai lalelei, ma ina ua siva o ia i luma o se tagata e igoa ia Akiso, sa manao Akiso e faaipoipo ia te ia. Sa fai atu Iareto ia Akiso e mafai ona ia faaipoipo i lona afafine “pe afai e te aumaia ia te au le ulu o lo’u tama, le tupu” (Eteru 8:12). Sa ulu atu Akiso i se faapotopotoga faalilolilo ma ana uo e fasioti le Tupu o Omera. O le faapotopotoga faalilolilo o se mea lea e faia ai e ni tagata se toalua pe sili atu ni tautoga e nana a latou amioga le amiotonu ina ia mafai ai ona aloese mai taunuuga o a latou amioga.

Faitau le Eteru 8:15–18, ma faailoa mai upu ma fuaitau lea e faamatalaina nisi o faamoemoega ma metotia o i tua atu o i latou o e opogiina ia faapotopotoga faalilolilo.

Tali ia fesili nei e lua pe sili atu i lau api talaaga mo le suesueina o tusitusiga paia:
1. Aisea e auai atu ai nisi tagata i faapotopotoga faalilolilo?
2. Aisea e te manatu ai o se tulaga le lelei faaleagaga le talitonu e mafai ona e faia “amioleaga ma faitaaga uiga eseese uma” (Eteru 8:16) po o “soo se mea” e te manao i ai (Eteru 8:17) e aunoa ma le feagai ai ma soo se taunuuga?
3. O fea le fuaitau i le Eteru 8:18 o tau maia lagona o le Alii e uiga i faapotopotoga faalilolilo? Aisea e te manatu ai o ia ituaiga o faapotopotoga ua “sili ona inosia ma amioleaga i mea uma”?

Faitau le Eteru 8:20–22, 25 ma le Eteru 9:5–6, 11–12, vaavaai mo taunuuga o le lagolagoina o faapotopotoga faalilolilo. Aotele mai mea sa e aoaoina:

O se tasi o upumoni atonu na e matauina i nei fuaiupu o le: O le lagolagoina o faapotopotoga faalilolilo e oo atu ai i le faaumatiaina o tagata faapea malo.

Sa taofi le tusiaina e Moronae o taua a sa Iareto ina ia talanoa mai ia i tatou. Faitau le Eteru 8:23–24, 26, ma faailoa mai pe na faapefea ona uunaia e Moronae tagata o o tatou aso e faaaoga ana lapataiga e uiga i faapotopotoga faalilolilo.

Mafaufau e uiga i tali i fesili nei: Aisea e te manatu ai o le a i ai se malo, o se nuu, po o se isi vaega i se “tulaga leaga matautia” (Eteru 8:24) pe a i ai se faapotopotoga faalilolilo i totonu o i latou? E faapefea ona maua e nei faapotopotoga le malosi ona o le faalilolilo? E mafai faapefea i le iloaina o le upumoni e uiga i faapotopotoga faalilolilo ona fesoasoani i tagata e aua le faia lenei amioleaga?

Toe tagai i tua o le lisi o faatinoga na tuuina atu i le amataga o le vaega lenei o le lesona. E ui o le faia o filifiliga le amiotonu i nei vaega o lou olaga e le faapea ua faavasegaina ai o se faapotopotoga faalilolilo, tusi i lau api talaaga mo le suesueina o tusitusiga paia le tulaga matautia lea e oo mai i le filifili e gauai atu i gaoioiga ma lagona ai e se tagata le manaomia ona nanaina mai isi.

Eteru 9:13–11:23

E suitulaga le tasi tupu i le isi—o nisi e amiotonu, o nisi e amioleaga

E pei ona faamaumauina i le Eteru 9–11, e toatele tupu na pulea sa Iareto, o nisi i le amiotonu ma nisi i le amioleaga. Faitau le Eteru 9:26–35 (i le vaitaimi o le nofoaiga a Hetu) ma le Eteru 11:1–8 (i le vaitaimi o le nofoaiga a Komi ma Sipelona), vaavaai mo se faamaoniga o le moni o le mataupu faavae faapea o le tetee i upu a perofeta e taitai atu ai i le faatagaotaua, lea na talanoaina i le amataga o lenei lesona.

Ata

palealii taua

Toe mafaufau i le auala na e manatu ai ina ia usitaia lelei ia upu a perofeta. I aso a sau, mulimulitai i le sini lenei ma tagai mo ni avanoa e faasoa atu ai lau molimau i le taua o le usiusitai i upu a perofeta.

Tusi le mea lenei i lalo o le galuega atofaina o le aso i lau api talaaga mo le suesueina o tusitusiga paia:

Ua ou suesueina le Eteru 7–11 ma faamaeaina lenei lesona i le (aso).

Fesili, mafaufauga, ma manatu faaopoopo ou te fia faasoa i lou faiaoga: