Helamana 11–12

Folasaga

Helamana 11–12 e aofia ai tausaga e 14 o le talafaasolopito a sa Nifae ma faaalia ai le i ai o tagata i se taamilosaga o le amiotonu ma le amioleaga. Ona o lo latou faamaualuluga, na le fia salamo ai tagata i a latou amioleaga. Na faamauina e Nifae le lagi, na mafua ai se lamala ma se oge. Na faalotomaualaloina e le lamala ma le oge ia tagata, ma sa latou salamo ma liliu atu i le Alii. Ona sa le’i filifili i latou e lotomaualo, na faigofie ona amata faagalo e tagata le Alii lo latou Atua seia oo ina aumaia i latou i se iloaina o le tele o lo latou manaomia o Lana fesoasoani. I Lona alofa mutimutivale, e aoai ai e le Atua Ona tagata ina ia aumaia i latou i le salamo ma le faaolataga.

Helamana 11

Na ui atu sa Nifae i se taamilosaga o le amiotonu ma le amioleaga

Tusi le taamilosaga lenei o le amiotonu ma le amioleaga i lau api talaaga mo le suesueina o tusitusiga paia. E masani ona ta’ua lenei taamilosaga o le “taamilosaga o le faamaualuga.” Ia matau o le elemene numera 4 o le taamilosaga o loo misi mai le ata. O le a lou manatu i mea e mafai ona faia ia siitia ai se tagata mai le faafanoga ma le pagatia i le amiotonu ma le faamanuiaina? A o e suesueina le Helamana 11, vaavaai mo faamatalaga e fesoasoani ia te oe e faatumu lenei laasaga i le taamilosaga.

Ata
Rightous Cycle

A o e faitau i le Helamana 10, e le faalogo tagata i le afioga a le Atua na tuuina atu e le perofeta o Nifae. Iloilo le Helamana 10:18, ma faailoa mai po o fea e te manatu na i ai sa Nifae i le taamilosaga o le faamaualuga i lena taimi (o le faaiuga o le lona 71 tausaga o le nofoaiga a faamasino).

O le a fesoasoani le gaoioiga o mau nei ia te oe e iloa ai lenei taamilosaga o le amiotonu ma le amioleaga i totonu o tagata o le Tusi a Mamona i le aluga o tausaga e 14 o lo latou talafaasolopito. I lenei siata, faitau mau faasino mai le Helamana 11, tusi se faamatalaga puupuu i le tulaga o sa Nifae, ma tusi i totonu numera e faaali ai le mea o le a e tuu i ai i latou i le taamilosaga o le faamaualuga. Ua tuuina atu faataitaiga e lua mo oe. Vaavaai mo upu e fesoasoani ia te oe e faatumu i totonu le laasaga lona fa o loo misi i le taamilosaga na e tusia i totonu o lau api talaaga mo le suesueina o tusitusiga paia.

Tausaga o le Nofoaiga a Faamasino	Helamana 11	O Se Faamalamalamaga Puupuu o le Tulaga a Sa Nifae	Tulaga o le Taamilosaga
72–73	fuaiupu 1–2	Ua faateteleina finauga ma taua; ma faaauau ai e le vaega faalilolilo o le au faomea le galuega o le faatafunaga.	2, 3
73–75	fuaiupu 3–6
75	fuaiupu 7, 9–12
76–77	fuaiupu 17–18, 20–21	Na olioli tagata ma vivii i le Atua; sa toe amiotonu ma faamanuiaina i latou.	4, 1
78–79	fuaiupu 22–23
80	fuaiupu 24–26
80–81	fuaiupu 27–30, 32–35
82–85	fuaiupu 36–37

E pei ona faaali mai i le gaoioiga o mau, o le elemene 4 i le taamilosaga o le faamaualuga o le “lotomaualalo ma le salamo.” Tusi lenei mea i lau siata i totonu o lau api talaaga mo le suesueina o tusitusiga paia.

O le taamilosaga o le faamaualuga e le na o se ata o se nuu. E mafai foi ona vaaia i totonu o se aiga po o i totonu o se olaga a se tagata. O le malamalama i le auala e galue ai e mafai ona fesoasoani ia i tatou ia aloese mai ai. Tusi i totonu o lau api talaaga mo le suesueina o tusitusiga paia mea e te manatu e manaomia mo oe ia aloese ai mai le ulu atu i vaega o le taamilosaga o le “faamaualuga ma le amioleaga” po o le “faafanoga ma le puapuaga”.

Atonu e te manao e tusi mataupu faavae nei i lau tusitusiga paia i le Helamana 11:: E ala i le lotomaualalo ma le salamo, e mafai ona tatou aloese mai le faamaualuga ma le faafanoga. Atonu e te manao e faailoga i le Helamana 11:4 mea na faamoemoe i ai Nifae o le a faia e le oge mo ona tagata.

Mafaufau e uiga i tali o fesili nei:

Mata e manaomia e se nuu, aiga, po o se tagata ona mulimuli i le taamilosaga o le faamaualuga?
O a mea e te manatu e manaomia ona faia e nuu, aiga, po o se tagata ia aloese ai mai le maileiina i totonu o le taamilosaga o le faamaualuga?

Na saunoa Elder Richard G. Scott o le Korama a Aposetolo e Toasefululua i mea nei e faatatau i le tatalo a Nifae: “Na faafofoga le Alii i le aioiga a Lana auauna [i le Helamana 11:10–14] ma taofia ai le oge, ae e lei faia seia oo i le tausaga na sosoo ai. O lenei mea na tupu ua faaalia mai ai e faafofoga le Alii ia tatou talosaga i le taimi lena ae e tali mai pe a, i Lana lava atamai, o le a sili atu ona faamanuiaina ai i tatou i Lana tali” (“Nifae, Atalii o Helamana,” i le Heroes from the Book of Mormon [1995,] 154.)

Na aoao mai Peresitene Ezra Taft Benson e uiga i mea e mafai ona tatou faia ina ia aloese ai mai le maileiina i le taamilosaga o le faamaualuga:

“Ua finagalo le Atua i se nuu lotomaualalo. E mafai ona tatou filifili e lotomaualalo, pe e mafai foi ona faamalosia i tatou ia tatou lotomaualalo. Fai mai Alema, ‘Amuia i latou o e latou te faalotomaualalaloina i latou lava e aunoa ma le faamalosia ia lotomaualalalo.’ (Alema 32:16.)

“Ia tatou filifili e lotomaualalo.

“E mafai ona tatou filifili e lotomaualalo i le tatou faatoilalo lea o le fai fili i o tatou uso ma tuafafine, ma manatu taua ia i latou e pei o i tatou lava, ma sii a’e i latou maualuga pe maualuga sili atu nai lo i tatou lava. …

“E mafai ona tatou filifili e lotomaualalo i le tatou talia lea o fautuaga ma a’oa’iga. …

“E mafai ona tatou filifili e lotomaualalo i le tatou faamagalo atu ia i latou o e ua faatiga mai ia i tatou. …

“E mafai ona tatou filifili e lotomaualalo i le tatou faia lea o galuega auauna lē manatu faapito. …

“E mafai ona tatou filifili e lotomaualalo i le tatou o lea e ave ni misiona ma talai atu le afioga e mafai ona faalotomaualalo ai isi. …

“E mafai ona tatou filifili e lotomaualalo i le tatou ulu soo atu lea i le malumalu.

“E mafai ona tatou filifili e lotomaualalo i le tatou ta’uta’u atu lea ma lafoai a tatou agasala ma toe fanaufouina i la le Atua. …

“E mafai ona tatou filifili e lotomaualalo i le tatou alolofa atu lea i le Atua, ma malolo atu o tatou loto i Lona finagalo, ma faamuamua o Ia i o tatou olaga. …

“Ia tatou filifili e lotomaualalo. E mafai ona tatou faia. Ua ou mautinoa e mafai ona tatou faia” (“Faaeteete i le Faamaualuga,” Liahona, Iulai 1989, 5–7).

Helamana 12

Ua faamatala mai e Mamona le mafuaaga e aoai ai e le Alii ia tagata

Vaai faalemafaufau o oe o le perofeta o Mamona ma ua maea ona tusitusia e uiga i tausaga e 14 o le talafaasolopito o sa Nifae o loo maua i le Helamana 11. O le a faapefea ona e faamaeaina lenei faamatalaga: “Ma ua faapea ona mafai ona tatou vaai .”

Faitau le Helamana 12:1, ma faailoa mai mea na manao Mamona ia tatou vaai i ai. Mafaufau i le tala a Mamona e uiga i le “le maumaututu o loto o le fanauga a tagata.”

Suesue le Helamana 12:2–3, ma faailoa mai isi lesona na manao Mamona ia tatou aoaoina. Ia matau lelei le fasifuaitau “e mafai ona tatou vaai” (fuaiupu 2) ma le “ua faapea ona tatou vaai” (fuaiupu 3).

Tali le fesili lenei, i lau api talaaga mo le suesueina o tusitusiga paia:
1. Aisea e te manatu ai e faigofie tele mo i latou o e ua faamanuiaina ona faagalo le Alii?
2. O a ni faataitaiga o le faigofie ma faamanuiaina i o tatou aso atonu e taitai atu ai se tagata e faagalo le Atua?
3. O a ni tulaga ua e nofouta i ai ua faagalo ai e se tagata po o se vaega le Alii ina ua faamanuiaina i latou?

O nisi o lesona na manao Mamona ia aoaoina e ona tagata o le: Afai e tatou te le faaeteete, e mafai e lo tatou faamanuiaina ona taitai i tatou ia faagalo le Alii, ma le e aoai e le Alii Ona tagata ina ia fagua i latou i luga e manatua o Ia.

Ua aoao mai Elder D. Todd Christofferson o le Korama a Aposetolo e Toasefululua e uiga i le mafuaaga e aoai ai i tatou e le Alii:

“E ui lava e masani ona faigata ona onosaia, ae o le mea moni e tatau ona tatou olioli ua manatu mai le Atua ia i tatou lea ua aoga ai le taimi ma faafitauli e faasa’o ai.

“E tolu faamoemoega o aoaiga faalelagi: (1) ia faaoleole i tatou ia salamo, (2) ina ia faamamaina ma faapaiaina i tatou, ma le lona (3) i taimi e toe faatonutonu ai o tatou ala o le olaga i le mea ua silafia e le Atua o se ala e sili atu ona lelei” (“Ou te Aoai Atu ma Sasa ia i Latou Uma Ou te Alofa I Ai,” Ensign po o le Liahona, Me 2011, 98).

O fea o nei faamoemoega e te lagona e atagia ai le faamoemoega a le Alii i le aoaiina o sa Nifae ma sa Lamana i le Helamana 11–12? Mo le fea o faamoemoega ua Ia faaaoga ai le aoaiga i lou olaga?

Tali le fesili lenei, i lau api talaaga mo le suesueina o tusitusiga paia:
1. Faitau Helamana 12:4–6, ma vaavaai mo faamatalaga faaopoopo o i latou o e faagalo le Atua. O a ni uiga faaletagata e taofia ai tagata mai le manatuaina o le Atua?
2. Faitau le Helamana 12:7–13. Aisea na faapea mai ai Mamona “o fanauga a tagata … e oo i la efuefu o le eleele ua latou maualalalo ifo ai”? O a mea e faia e efuefu lea e le naunau ai tagata e faia i nisi o taimi?

Ata

Ua Fausia e Ieova le Lalolagi

Na aoao mai Peresitene Iosefa Filitia Samita: “O lenei perofeta o [Mamona] e lei foliga mai na faapea mai e sili atu le popole o le Alii mo ma e sili atu ona alofa i le efuefu o le eleele nai lo i ana fanau. … O le uiga o lana faamatalaga, e usiusitai le efuefu o le eleele. E lelea i i ma o i le poloaiga a le Alii O mea uma e ogatusa ma ana tulafono. O mea uma i le atulaulau e usiusitai i tulafono ua tuuina atu i ai, e tusa ai ma lou iloa, sei vagana ai le tagata. I soo se mea lava e te vaai i ai e te maua ai le tulafono ma le faatulagaga, e usitaia e elemene tulafono ua tuuina atu ia i latou, i le faamaoni i o latou valaauga. Ae e tetee le tagata, ma i lenei mea e itiiti ifo ai le tagata nai lo le efuefu o le eleele aua ua ia teena fautuaga a le Alii” (i le Conference Report, Apr. 1929, 55).

Na malamalama Mamona e faapea, o tagata e avea le Alii ma o latou taiala e sili atu nai lo le efuefu o le eleele. O Lana faatusatusaga o le gauai atu lea ia i latou o e ua faamaualuluga ma teena le siufofoga o le Alii ma e e le mautu o latou loto. E pei ona faamaumauina i le Helamana 12:9–20, ua faamanatu mai e Mamona ia i tatou e uiga i le mana sili o le Alii i luga o elemene faaletino—latou te gaoioi uma i Lana poloaiga. Faaalu se taimi e manatunatu loloto ai i lou lava tulaga o le usiusitai i poloaiga a le Alii. E faapefea e lou naunautai e usitai i Ana poloaiga ona faaalia ai le lotomaualalo? E faapefea e le faaaogaina o lo tatou faitalia e lē usitai i Ana afioga ona faaalia ai le faamaualuga?

Tusi ma faauma le fasifuaitau lenei i lau api talaaga mo le suesueina o tusitusiga paia:
1. Ma ua faapea ona ou vaaia i le Helamana 11–12 …
2. O le mea lea, o le a ou …

A o tatou manatua le Alii, faalogo i Lona siufofoga, ma salamo, ua tatou faaalia lo tatou faamaualalo ma lo tatou faatuatua ia te Ia. I le isi itu, e Na te tausia Ana folafolaga e faamanuia ma faamanuiaina i tatou, ma mulimuli ane tuuina mai ia i tatou le ola e faavavau.

Tusi le faamatalaga lenei i lalo o le galuega atofaina o le aso i lau api talaaga mo le suesueina o tusitusiga paia:

Ua ou suesueina le Helamana 11–12 ma faamaeaina lenei lesona i le (aso).

Fesili, mafaufauga, ma manatu faaopoopo ou te fia faasoa i lou faiaoga: