Alma 30

Si Alma at si Korihor

Pananampalataya na totoo ang Diyos

Ngumiti at nakipag-usap si Korihor sa isang tao habang magkasama silang naglalakad sa isang kalsada na maraming tao

Isang lalaking nagngangalang Korihor ang nagpunta sa lupain ng Zarahemla. Sinabi niya sa mga tao na hindi totoo ang Diyos at si Jesucristo.

Alma 30:6, 12, 37–38, 45

Ngumiti at nagmuwestra si Korihor sa isang malungkot na bata

Sinabi ni Korihor na malalaman lamang ng mga tao ang isang bagay kung nakita nila ito. Pinagtawanan niya ang mga taong naniniwala kay Jesus.

Alma 30:13–16

Ngumiti at nakipag-usap si Korihor sa isang pulutong ng mga tao

Sinabi ni Korihor na hindi kailangan ng mga tao ang mga kautusan ng Diyos. Sinabi niya na maaaring gawin ng mga tao ang anumang nais nila. Maraming tao ang naniwala sa kanya. Nagpasiya silang gumawa ng masasamang bagay.

Alma 30:17–18

Iginapos at dinala ng mga sundalo si Korihor palabas ng nayon

Tinangka ni Korihor na turuan ang mga Anti-Nephi-Lehi, ngunit hindi sila naniwala sa kanya. Itinali nila siya at pinaalis. Sa halip ay nagtungo siya sa lupain ng Gedeon. Iginapos din siya ng mga tao roon. Dinala nila siya kay Alma.

Alma 30:19–29

Ngumiti at nagmuwestra si Korihor kay Alma

Sinabi ni Korihor kay Alma na hindi totoo ang Diyos. Sinabi niya na si Alma at ang iba pang mga saserdote ay nagsinungaling sa mga tao. Sinabi ni Korihor na pinasunod nila ang mga tao sa mga hangal na kaugalian. Sinabi rin niya na kumukuha sila ng pera mula sa mga tao. Alam ni Alma na hindi ito totoo. Naniwala siya sa Diyos at kay Jesus.

Alma 30:30–40

Kinausap ni Alma ang isang pulutong ng mga tao habang nakaupo si Korihor sa likuran na nakahalukipkip ang mga bisig

Sinabi ni Alma na ang mga propeta at ang lahat ng bagay sa mundo ay tumutulong sa mga tao na malaman na totoo ang Diyos. Humingi pa si Korihor ng karagdagang katibayan. Sinabi ni Alma na bibigyan niya si Korihor ng katibayan. Sinabi niya na gagawin ng Diyos na hindi makapagsalita si Korihor. Nang sandaling sabihin ito ni Alma, hindi na makapagsalita si Korihor.

Alma 30:41–50

Mukhang malungkot si Korihor at nakaturo siya sa isang piraso ng papel na may sulat habang naglalakad palayo sa kanya ang isang pulutong ng mga tao

Isinulat ni Korihor na alam niyang totoo ang Diyos. Alam na niya ito noon pa man. Isinulat niya na nilinlang siya ng diyablo. Sinabihan ng diyablo si Korihor na magturo ng mga kasinungalingan tungkol sa Diyos at kay Jesus. Nang malaman ng mga tao ang katotohanan tungkol kay Korihor, hindi na sila naniwala sa kanyang mga turo. Sila ay nagsisi at muling sumunod kay Jesus.

Alma 30:52–53, 57–58