Mga Kuwento sa mga Banal na Kasulatan
Kababaihan sa Ilang


“Kababaihan sa Ilang,” Mga Kuwento sa Aklat ni Mormon (2023)

1 Nephi 16–17

Kababaihan sa Ilang

Paglakad kasama ng Panginoon

Larawan
kababaihang nagtatrabaho

Naglakbay ang mga anak na babae ni Ismael kasama ang kanilang pamilya sa ilang. Mahirap ang paglalakbay. Pagkaraan ng ilang panahon, pinakasalan nila ang mga anak nina Lehi at Saria.

1 Nephi 16:7; 17:1

Larawan
malulungkot na mga anak na babae sa tabi ng libingan ni Ismael

Isang araw, namatay si Ismael. Napakalungkot ng kanyang mga anak na babae. Nangulila sila sa kanilang ama. Nag-alala ang mga anak na babae na sila at ang kanilang mga pamilya ay mamamatay rin sa ilang. Nagalit sila kina Lehi at Nephi, at gusto nilang umuwi sa Jerusalem.

1 Nephi 16:34–36

Larawan
magkakapatid na babae na inaalo ang isa’t isa

Ang tinig ng Panginoon ay nangusap sa mga anak na babae ni Ismael at sa kanilang mga pamilya. Nagsisi sila, at pinagpala sila ng Panginoon.

1 Nephi 16:39

Larawan
si Saria kasama ng maliliit na bata

Ang mga kababaihan ay nanganak sa ilang. Si Saria ay nagkaroon ng dalawa pang anak na lalaki na sina Jacob at Jose.

1 Nephi 17:1; 18:7

Larawan
mga pamilyang naglalakbay

Tinulungan ng Panginoon ang kababaihan sa kanilang paglalakbay. Biniyayaan Niya sila ng maraming gatas para sa kanilang mga sanggol. Tinulungan Niya ang mga babae na maging mas malakas habang naglalakbay sila.

1 Nephi 17:1–3

Larawan
mga ina at mga anak sa tolda

Sinabi ng Panginoon na inaakay Niya ang mga anak na babae at ang kanilang mga pamilya papunta sa isang lupang pangako. Ipinangako ng Panginoon sa mga pamilya na matatamo nila ang lahat ng kailangan nila habang naglalakbay sila. Ginawa Niyang masarap ang pagkaing mula sa kanilang pangangaso, at ginabayan Niya sila.

1 Nephi 17:3, 5, 12–14

Larawan
mga pamilya sa dalampasigan

Pagkaraan ng walong taon sa ilang, nakarating ang mga pamilya sa dagat. Nagalak ang mga babae kasama ng kanilang pamilya. Ang lupain sa dagat ay maganda. Tinawag nila itong Masagana dahil puno ito ng prutas at pulot na makakain. Inihanda ng Panginoon ang lahat ng ito para sa kanila.

1 Nephi 17:4–6