1 Nephi 18

Isang Bagyo sa Dagat

Pagkakaroon ng kapayapaan sa Panginoon

mga pamilyang nagdadala ng pagkain sa sasakyang-dagat

Sinabi ng Panginoon kay Lehi na oras na para sumakay sa barko. Nag-impake ang mga pamilya ng maraming makakain habang naglalakbay sila. Pagkatapos ay sumakay silang lahat sa barko at naglayag papunta sa lupang pangako.

1 Nephi 18:5–8

mga taong nag-iinuman habang nasa barko

Pagkaraan ng maraming araw sa dagat, ang ilan sa mga tao ay nagsimulang maging walang paggalang at bastos. Nalimutan nila na tinulungan sila ng Panginoon.

1 Nephi 18:9

sina Lemuel, Nephi, at Laman sa barko habang may paparating na bagyo

Nag-alala si Nephi na baka mapagalit nila ang Panginoon. Kung wala ang tulong ng Panginoon, hindi magiging ligtas ang kanilang barko. Hiniling ni Nephi sa kanyang mga kapatid na tumigil.

1 Nephi 18:10

sina Laman at Lemuel na itinatali si Nephi

Nagalit sina Laman at Lemuel kay Nephi. Itinali nila siya at naging masama sa kanya. Hindi nila sinunod ang Panginoon, at hindi na gumana ang Liahona. Hindi nagtagal ay dumating ang isang malakas na bagyo. Pagkaraan ng tatlong araw ng pagbagyo, natakot silang lahat na baka malunod sila.

1 Nephi 18:10–13

babaeng nagmamakaawa kina Laman at Lemuel

Nagmakaawa ang pamilya ni Nephi kina Laman at Lemuel na kalagan si Nephi. Pero hindi pa rin hinayaan nina Laman at Lemuel na kalagan ng sinuman si Nephi. Sina Saria at Lehi ay nalungkot at nagkasakit nang malubha. Hindi tumigil ang pagbagyo.

1 Nephi 18:17–19

si Nephi na hawak ang Liahona

Sa ikaapat na araw, nalaman nina Laman at Lemuel na malapit nang lumubog ang barko. Nagsisi sila at kinalagan si Nephi. Nang manalangin si Nephi, tumigil ang pagbagyo. Muling gumana ang Liahona. Ginamit ito ni Nephi para imaniobra ang barko sa tamang direksyon.

1 Nephi 18:14–15, 20–22

mga pamilyang bumababa ng barko at si Lehi na nagdarasal

Pagkaraan ng maraming araw, nakarating ang mga pamilya sa lupang pangako.

1 Nephi 18:23