មិត្ត របស់ខ្ញុំ បាន ឃ្លាតឆ្ងាយពីសាសនាចក្រដោយសារតែ អ្នកដទៃសើចចំអក ។ តើខ្ញុំគួរតែធ្វើយ៉ាងដូចម្តេច ?
ដំណោះស្រាយដ៏ល្អបំផុតដើម្បីធ្វើនៅក្នុងស្ថានភាពនោះគឺ ៖ ( ១ ) មានចិត្តល្អ ស្រឡាញ់ និងទទួលយកមិត្តរបស់អ្នក ហើយ ( ២ ) មិនត្រូវមានចិត្តរារែកនៅក្នុងទីបន្ទាល់របស់អ្នកទេ ។
បើអ្នកអនុវត្តដំណោះស្រាយទាំងនេះ នោះមិត្តរបស់អ្នកនឹងមានអារម្មណ៍ដឹងពីក្ដីស្រឡាញ់របស់អ្នក ហើយទទួលយក និងចង់នៅជិតអ្នកដោយក្ដីសង្ឃឹម ។ ហើយសូមសង្ឃឹមថាគាត់នឹងមើលឃើញថា ការចំអក និងរិះគន់នោះ គឺជារឿងដ៏អាក្រក់ ហើយថាមនុស្សដែលគាត់សរសើរហើយរាក់ទាក់ នឹងមិនវាយប្រហារដល់ជំនឿរបស់មនុស្សម្នាក់ទៀតតាមរបៀបនោះទេ ។
គំរូរបស់អ្នកអាចជាពំនឹងដ៏ល្អបំផុតមួយដែលមិត្តរបស់អ្នកអាចមាន ។ សូមធ្វើឲ្យដូចជាមនុស្សដែលនៅក្នុងសុបិនរបស់លីហៃ ដែលទទួលទានផ្លែឈើនៃជីវិត ហើយដែលត្រូវបានចំអកដោយមនុស្សដែលនៅលើអគារដ៏ធំ និងទូលាយ ប៉ុន្តែ « ឥតយកចិត្តទុកដាក់ដល់គេឡើយ » ( នីហ្វៃទី ១ ៨:៣៣ ) ។ បើមិត្តរបស់អ្នកមើលឃើញថា អ្នកលើកកម្ពស់ដល់ជំនឿរបស់អ្នក ហើយទប់ទល់ចំពោះការចំអករបស់អ្នកដទៃដោយសេចក្ដីថ្លៃថ្នូរ ការគោរព និងការលេងសើចក្នុងន័យល្អៗ នោះគាត់អាចមើលឃើញថា វាអាចទៅរួចសម្រាប់គាត់ដើម្បីធ្វើដូចគ្នានេះដែរ ។ បើសិនជាគាត់នៅតែមានគ្រាប់ពូជនៃទីបន្ទាល់មួយនៅក្នុងដួងចិត្តរបស់គាត់ នោះគំរូដែលអ្នកបានធ្វើ និង ទីបន្ទាល់ដែលអ្នកបានថ្លែង អាចនឹងជារឿងមួយចំនួនដែលជួយគាត់ឲ្យមានអារម្មណ៍ពីព្រះវិញ្ញាណ ហើយចងចាំនូវអ្វីដែលគាត់ធ្លាប់បានស្គាល់ម្តងរួចទៅហើយនោះ ។