ការអានឲ្យល្អប្រសើរជារៀងរាល់ថ្ងៃ
អ្នកនិពន្ធរស់នៅក្នុងរដ្ឋ យូថាហ៍ ស.រ.អា និង ប្រទេសបូលីវី ។
យ៉ូសែប បានបើកទំព័រសៀវភៅរបស់គាត់ ។ គាត់ជ្រួញចិញ្ចើម ។ គាត់នៅមានច្រើនទំព័រច្រើនទៀត ដែលមិនទាន់បានអាន ។
ម៉ាក់បានសួរថា « តើកូនមិនអីទេឬ ? »
យ៉ូសែប បាននិយាយថា « កូនចូលចិត្តអាន » ។ « ប៉ុន្តែកូនអានយឺតណាស់ ។ តើកូនអាចរៀនអានឲ្យបានល្អជាងនេះដោយរបៀបណា ? »
ម៉ាក់បាននិយាយថា « ម៉ាក់មានយោបល់មួយ » ។ « អានព្រះគម្ពីរមរមនមួយជំពូកជារៀងរាល់ថ្ងៃ ។ វានឹងជួយកូនរៀនអានបានកាន់តែល្អប្រសើរ » ។
យ៉ូសែបបានព្យាយាម ។ ដំបូងឡើយ គាត់បានចំណាយពេលច្រើនលើវា ។ គាត់ត្រូវរៀនពាក្យវែងៗ ។ ប៉ុន្តែគាត់បន្ដអានជារៀងរាល់ថ្ងៃ ។ មិនយូរប៉ុន្មាន គាត់អាចអានបានច្រើនជាងមួយជំពូក ។
ពីរសប្ដាហ៍បានកន្លងផុតទៅ ។ វត្ថុស៊កចំណាំក្នុងសៀវភៅរបស់ យ៉ូសែប បានផ្លាស់ពីនីហ្វៃទី ១ ទៅនីហ្វៃទី ២ ។ បន្ទាប់មកវាត្រូវបានដាក់នៅក្នុងគម្ពីរយ៉ាកុប !
នៅយប់មួយ វាដល់វេនរបស់យ៉ូសែប ដើម្បីបង្រៀនមេរៀននៅក្នុងរាត្រីជួបជុំក្រុមគ្រួសារ ។
យ៉ូសែបបានគិតថា « ខ្ញុំដឹងថាត្រូវធ្វើអ្វីហើយ ! » គាត់បានរកឃើញសៀវភៅ រឿងនិទានអំពីព្រះគម្ពីរមមរន ។ វាមានអក្សរ និងរូបភាព ។ គាត់បានបើកទៅទំព័រជាច្រើន រហូតដល់គាត់រកឃើញរឿងដ៏ល្អមួយ ។
យ៉ូសែប បានអានរឿងនោះឲ្យគ្រួសាររបស់គាត់ស្ដាប់ ។ គាត់បានអានពាក្យខ្លីៗដូចជា កប៉ាល់ ។ គាត់អានពាក្យវែងៗ ដូចជា ត្រូវបានបញ្ជា ។ ពួកព្យាការីបានសរសេរពាក្យទាំងនេះជាយូរលង់មកហើយ ។ ពាក្យទាំងនេះងាយអាន ។
នៅពេលរឿងនោះបានចប់ ម៉ាក់បានស្រក់ទឹកភ្នែក ។
យ៉ូសែប បានសួរថា « ម៉ាក់ តើម៉ាក់មិនអីទេឬ ? »
ម៉ាក់បានប្រាប់ថា « មិនអីទេ » ។ « ម៉ាក់សប្បាយចិត្ត ។ កូនបានខិតខំណាស់ » ។
យ៉ូសែប ញញឹមយ៉ាងពព្រាយ ។
« ខ្ញុំបានអានរៀងរាល់ថ្ងៃ ដូចម៉ាក់បានប្រាប់ » ។ គាត់បានបង្ហាញដល់ម៉ាក់នូវព្រះគម្ពីរមរមនរបស់គាត់ ។ វត្ថុស៊កចំណាំក្នុងសៀវភៅរបស់គាត់ដាក់ដល់អាលម៉ា !
នៅថ្ងៃណាមួយវត្ថុស៊កចំណាំក្នុងសៀវភៅរបស់ យ៉ូសែប នឹងទៅដល់ចុងព្រះគម្ពីរ ។ រួចហើយ គាត់អាចអានសារឡើងវិញ !