គំនិតទាំងឡាយសម្រាប់រាត្រីជួបជុំក្រុមគ្រួសារ
ច្បាប់នេះមាននូវអត្ថបទ និង សកម្មភាពនានាដែលអាចយកទៅប្រើប្រាស់សម្រាប់រាត្រីជួបជុំក្រុមគ្រួសារបាន ។ ខាងក្រោមនេះគឺជាឧទាហរណ៍ពីរ ។
« ចូរមកតាមខ្ញុំ ៖ ការបង្រៀនគោលការណ៍មូលដ្ឋាននៅក្នុងគេហដ្ឋាន » ទំព័រ ២៨ ៖ អត្ថបទនេះ មានគំនិតយោបល់អំពីការបង្រៀន និងការរៀនសូត្រចំពោះប្រធានបទចំនួនប្រាំមួយ ។ អ្នកអាចប្រើគំនិតយោបល់សម្រាប់ប្រធានបទយុវវ័យនៃខែមករា អំពីក្រុមព្រះ នៅក្នុងរាត្រីជួបជុំក្រុមគ្រួសារ ។ អ្នកក៏អាចរំឭកជាគ្រួសារផងដែរអំពីវិធីសាស្ត្រនៃការរៀនសូត្រ ដែលបានពិពណ៌នានៅក្នុងអត្ថបទ ហើយពិភាក្សាថាតើវិធីសាស្ត្រជាក់លាក់ណាមួយដែលមានប្រយោជន៍ចំពោះគ្រួសាររបស់អ្នក ។ អ្នកអាចអញ្ជើញសមាជិកគ្រួសារអ្នកឲ្យប្រើវិធីសាស្ត្រទាំងនេះ ដើម្បីរៀបចំមេរៀនរាត្រីជួបជុំក្រុមគ្រួសារនាពេលអនាគត ដោយផ្អែកទៅលើប្រធានបទដំណឹងល្អនៅក្នុងអត្ថបទនេះ ។
« ការធ្វើដំណើរនៅក្នុងព្រៃរហោស្ថាន »ទំព័រ ៧៦ ៖ ចូរពិចារណាធ្វើការរៀបចំជាវគ្គសិក្សាមួយដោយដាក់ជាឧបសគ្គតូចមួយនៅក្នុងគេហដ្ឋានរបស់អ្នក អ្នកអាចត្រូវផ្លាស់ប្ដូរទីតាំងគ្រឿងសង្ហារឹមសារជាថ្មីឡើងវិញ ហើយចងខ្សែកាត់តាមផ្លូវដើរ ។ បិទភ្នែកសមាជិកគ្រួសារគ្រប់រូប ទុកតែមនុស្សម្នាក់ដែលនឹងណែនាំដល់សមាជិកគ្រួសារទាំងមូលអំពីរបៀបដើម្បីដើរឆ្លងកាត់ឧបសគ្គនោះ ។ បន្ទាប់មកអ្នកអាចពិភាក្សាអំពីរបៀបដែលព្រះវរបិតាសួគ៌ បានដឹកនាំនីហ្វៃ និងគ្រួសាររបស់គាត់ឲ្យទៅកាន់ដែនដីសន្យា ។ រួចហើយអ្នកអាចពិភាក្សាអំពីវិធីសាស្ត្រនានាដែលព្រះវរបិតាសួគ៌ បានប្រទានឲ្យអ្នក និងគ្រួសារអ្នកដើម្បីជួយអ្នកឲ្យធ្វើដំណើរទៅកាន់គេហដ្ឋាននៅឯសួគ៌ាវិញដោយសុវត្ថិភាព ។