Momon, Profet blong Ol Man blong Nifae

Wan profet we i wan man blong Nifae; hem i wan kapten blong ami, mo i kipim ol histri insaed long Buk blong Momon. Momon i laef samples long 311–385 A.K.B. (Momon 1:2, 6; 6:5–6; 8:2–3). Hem i wan ami lida long kolosap ful laef blong hem, stat taem hem i gat fiftin yia (Momon 2:1–2; 3:8–12; 5:1; 8:2–3). Amaron i talem long Momon blong mekem hemwan i rere blong tekemap wok blong raetem ol histri mo blong lukaotgud long olgeta (Momon 1:2–5; 2:17–18). Afta we hem i raetemdaon histri blong laef blong hemwan, Momon i raetemsot ol bigfala buk blong Nifae i go long ol buk blong Momon. Afta, hem i givim tabu rekod ia i go long boe blong hem Moronae. Ol buk ia oli pat blong rekod ia we Josef Smit i transletem Buk blong Momon long hem.

Ol Toktok blong Momon

Wan smol buk insaed long Buk blong Momon. Bitwin ol las toktok blong Amalekae insaed long buk blong Omnae mo ol fas toktok insaed long buk blong Mosaea, Momon, we i stap stretem evri histri, i ademap smol buk ia. (Luk long “Wan Smol Toktok long saed blong Buk blong Momon” we i stap long fored blong Buk blong Momon.)

Buk blong Momon

Wan defren buk we i stap insaed long buk blong skripja we oli save olsem Buk blong Momon. Ol japta 1–2 oli tokbaot Amaron, wan profet blong Ol Man blong Nifae, we i talemaot long Momon wetaem mo weaples blong karem ol buk ia. Mo tu, ol bigfala oli stat, mo Olgeta Tri Man blong Nifae, Lod i tekemaot olgeta from nogud fasin blong ol pipol. Ol japta 3–4 oli tokbaot Momon we i stap talem long ol pipol blong oli sakem sin, be oli nomo save harem save samting, mo bigfala nogud fasin i rul bitim bifo long Isrel. Ol japta 5–6 oli tokbaot ol las faet bitwin Ol Man blong Nifae mo Ol Man blong Leman. Oli kilimded Momon wetem kolosap ful nesen blong Ol Man blong Nifae. Long japta 7, bifo hem i ded, Momon i singaotem ol pipol—long tetaem ia mo long fiuja—blong oli sakem sin. Ol japta 8–9 oli tokbaot se long en, boe blong Momon nomo, Moronae i stap. Hem i raet long saed blong ol las taem blong ded, mo fasin blong kilim ded man, wetem en blong ol pipol blong Nifae, mo i raetem wan mesej i go long ol fiuja jeneresen mo olgeta we bae oli ridim buk ia.