Mana

Wan smol raon kaekae we i tes olsem hani (Eks 16:14–31) o fres oel (Nam 11:7–8). Lod i bin givim hemia blong fidim ol pikinini blong Isrel long taem we oli bin stap foti yia long ples we i no gat man long hem (Eks 16:4–5, 14–30, 35; Jos 5:12; 1 Nif 17:28).

Ol pikinini blong Isrel oli singaotem kaekae ia mana (o man-hu long lanwis Hibru)—we i minim “Wanem ia”—from se oli no bin save se hem i wanem (Eks 16:15). Oli bin singaotem tu se hem i kaekae blong ol enjel mo bred we i kam long heven (Sam 78:24–25; Jon 6:31). Hem i simbol blong Kraes, we bae i Bred we I Givim Laef (Jon 6:31–35).