Kambak blong Gospel, Restoresen blong Gospel
God i putumbak ol trutok mo ol odinens blong gospel blong Hem long medel blong ol man long wol. Gospel blong Jisas Kraes i bin lus long wol ia tru long apostasi we i bin tekem ples afta long seves blong ol Aposol blong Kraes long wol ia. Apostasi ia i mekem se i gat nid blong God i putumbak gospel. Tru long ol visen, ol seves blong ol enjel, mo ol revelesen i go long ol man long wol ia, God i putumbak gospel. Restoresen i stat wetem Profet Josef Smit (JSâH 1; D&K 128:20â21) mo i gohed kasem tedei tru long wok blong ol profet blong Lod we oli stap laef.