Nifae, Ol Man blong

Wan grup blong ol pipol long Buk blong Momon, we plante long olgeta oli kamaot long laen blong profet Nifae, boe blong Lihae. Oli bin seperetem olgeta long Ol Man blong Leman, mo fulap taem oli moa stret mo gud bitim Ol Man blong Leman. Be, long en, Ol Man blong Leman oli prapa spolem nogud olgeta from se nogud fasin blong olgeta.

Ol Man blong Nifae oli seperet long Ol Man blong Leman, 2 Nif 5:5–17.
Olgeta evriwan we oli no Ol Man blong Leman, oli bin Ol Man blong Nifae, Jek 1:13.
Ol Man blong Nifae, wan narafala gud wok i givim insperesen long olgeta, Alma 43:6–9, 45.
Ol Man blong Nifae oli neva bin hapi moa bitim long taem blong Moronae, Alma 50:23.
Lod i sevem Ol Man blong Nifae from ol prea blong olgeta we oli bin stret mo gud, Alma 62:40.
Ol Man blong Nifae oli stat blong muvmuv long bilif blong olgeta, Hil 6:34–35.
Jisas i tijim mo i givim seves long medel blong Ol Man blong Nifae, 3 Nif 11:1–28:12.
Evriwan i jenisim laef i kam long Lod mo evri samting i stret, 4 Nif 1:2–3.
I no bin gat raorao, lav blong God i stap long hat blong olgeta, mo oli bin ol pipol we oli hapi moa, 4 Nif 1:15–16.
Ol Man blong Nifae oli stat blong gat hae tingting mo nogud fasin, 4 Nif 1:43.
I bin gat blad mo fasin blong kilim man i ded i seraot truaot long ful fes blong graon, Momon 2:8.
Ol Man blong Nifae oli kam antap long nogud fasin mo Momon i no wantem lidim olgeta, Momon 3:9–11.
Evri man blong Nifae, be twantefo nomo, oli bin kilim olgeta oli ded, Momon 6:7–15.
Evri man blong Nifae we i no wantem tanem baksaed long Jisas, oli bin kilim olgeta i ded, Moro 1:2.