Doktrin mo Ol Kavenan
Samfala buk blong ol lata-dei tabu revelesen mo ol toktok we oli kam tru long insperesen we oli putum tugeta. Lod i givim olgeta samting ia long Josef Smit mo olgeta we bae oli kam afta long hem blong stanemap mo kontrolem kingdom blong God long wol long ol las dei. Doktrin mo Ol Kavenan i wan long ol standet tabu wok blong skripja insaed long Jos Ia blong Jisas Kraes blong Ol Lata-dei Sent, wetem Baebol, Buk blong Momon, mo Perel we I Gat Bigfala Praes. Doktrin mo Ol Kavenan i hemwan nomo, i no gat wan narawan semmak, from se hem i no wan translesen blong wan buk blong bifo; Lod i bin givim olgeta revelesen ia long ol profet blong Hem we Hem i jusum olgeta long taem tedei, blong save putumbak kingdom blong Hem. Long ol revelesen ia, wan i save harem kwaet be strong voes blong Lod Jisas Kraes (D&K 18:35â36).
Histri blong Josef Smit i talem se Doktrin mo Ol Kavenan i fandesen blong Jos long ol las dei mo i blong gud blong wol (heding blong D&K 70). Revelesen we i stap long buk ia i statem wok blong mekem rere rod blong Seken Kaming blong Lod, blong mekem evri toktok we ol profet oli bin talem stat long taem wol i stat oli kamtru.