Mak
Long Niu Testeman, Jon Mak i boe blong Meri, we i stap long Jerusalem (Wok 12:12); ating bae hem i kasen brata (o nifiu) blong Banabas (Kol 4:10). Hem i go wetem Pol mo Banabas aot long Jerusalem long fas misinari wokbaot blong olgeta, mo i livim olgeta long Pega (Wok 12:25; 13:5, 13). Afta, hem i go wetem Banabas i go long Saepras (Wok 15:37â39). Hem i bin stap wetem Pol long Rom (Kol 4:10; Flm 1:24), mo hem i bin stap wetem Pita long Babilon (ating long Rom) (1Â Pita 5:13). Mo laswan, hem i bin stap wetem Timoti long Efesas (2Â Tim 4:11).
Gospel blong Mak
Hem i seken buk long Niu Testeman. Gospel blong Mak, ating oli raetem anda long daereksen blong Pita. Stamba tingting blong hem i blong tokbaot Lod olsem Pikinini blong God we i stap laef mo i stap mekem wok long medel blong ol man. Mak i tokbaot, wetem strong paoa mo tingting i stap daon, olsem wanem Jisas i tajem olgeta we oli stap long saed blong rod blong lukluk. Tingting i stap se afta long ded blong Pita, Mak i bin visitim Ijip, i oganaesem Jos long Aleksandria mo i bin ded from bilif blong hem.
Blong kasem wan lis blong ol samting we i bin hapen long laef blong Sevya we oli tokbaot long Gospel blong Mak, luk long Agrimen Bitwin Ol Buk blong Gospel we i stap long Apendiks.