Ketlan Tempol, Ohaeo (YSA)

Hem i fasfala tempol we Jos i bin bildim long taem blong yumi. Olgeta Sent oli bildim tempol ia long Ketlan, folem komanmen blong Lod (D&K 94:3–9). Wan stamba tingting biaen long hem, i we tempol ia bae i stap olsem wan ples we ol memba blong Jos we oli klin inaf oli save kasem paoa long saed blong spirit, atoriti mo moa laet o save (D&K 109–110). Long 27 Maj 1836, oli bin dediketem tempol; dedikesen prea, Profet Josef Smit nao i bin givim tru long revelesen (D&K 109). Lod i givim samfala impoten revelesen mo i putumbak ol prishud ki we i nid blong putumbak insaed long tempol ia nao (D&K 110; 137), Oli no bin yusum blong givim ol ful tempol odinens we oli stap givim long ol tempol tedei.