Salem Luk tu long Jerusalem; Melkesedek Siti ia, long OlTesteman, we Melkesedek i bin rul long hem. Ating i stap long ples we Jerusalem i stap long hem tedei. Nem blong hem Salem, we i kolosap long toktok ia long lanwis Hibru we i minim “pis.” Melkesedek, king blong Salem, i tekem bred mo waen i kam, Jen 14:18. Melkesedek, king blong Salem, i bin pris blong Hae God we i Hae olgeta, Hib 7:1–2. Melkesedek i wan king ova long graon blong Salem, Alma 13:17–18.